റൂബിഡിയം

അണുസംഖ്യ 37 ആയ മൂലകമാണ് റൂബിഡിയം. Rb എന്നാണ് ആവർത്തനപ്പട്ടകയിലെ ചിഹ്നം. ആൽക്കലി ലോഹങ്ങളിൽ ഉൾപ്പെടുന്ന വെള്ളിനിറമുള്ള ഒരു ലോഹമാണിത്. ലാറ്റിൻ ഭാഷയിൽ റൂബിഡസ് എന്നാൽ കടും ചുവപ്പ് എന്നാണർത്ഥം. കത്തുമ്പോൾ തീജ്വാലക്ക് ചുവപ്പ് കലർന്ന വയലറ്റ് നിറം നൽകുന്നതിനാൽ ഈ പേര് ലഭിച്ചു. സാധാരണയായി ഉണ്ടാവുന്ന ഐസോട്ടോപ്പായ Rb-87 ചെറിയ അളവിൽ റേഡിയോ ആക്റ്റീവാണ്. വളരെ മൃദുവും ഉയർന്ന ക്രീയാശീലതയുമുള്ള റുബീഡിയം വായുവിലെ അതിവേഗത്തിലുള്ള ഓക്സീകരണം പോലെ 1-ആം ഗ്രൂപ്പിലെ മറ്റ് മൂലകങ്ങളുടെ പൊതുസ്വഭാവങ്ങൾ കാണിക്കുന്നു. വെള്ളത്തിൽ ശക്തമായി പ്രവർത്തിക്കുന്നു എന്നതും ഇതിന്റെ ഒരു പൊതു സ്വഭാവമാണ്. മറ്റ് ആൽക്കലി ലോഹങ്ങളേപ്പോലെതന്നെ മെർക്കുറിയോടൊപ്പം ചേർന്ന് അമാൽഗം ഉണ്ടാക്കുന്നു. സ്വർണം,സീസിയം,സോഡിയം,പൊട്ടാസ്യം എന്നിവയോട് പ്രവർത്തിച്ച് ലോഹസങ്കരങ്ങൾ ഉണ്ടാക്കുന്നു. 1861ൽ ജെർമൻ ശാസ്ത്രജ്ഞരായ റോബർട്ട് ബൻസെൻ, ഗുസ്താവ് കിർഷോഫ് എന്നിവർ ചേർന്നാണ് റൂബിഡിയം കണ്ടുപിടിച്ചത്.

രാസസ്വഭാവം കൃത്യമായി മനസ്സിലാക്കാൻ പറ്റിയിട്ടില്ലാത്ത മൂലകങ്ങൾ

രസതന്ത്രവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക.

കൂടുതൽ വിവരങ്ങൾ വിവരണം, ഭൗതികസ്വഭാവങ്ങൾ ...