കോട്ടയം ജില്ലയിലെ മീനച്ചിൽ താലൂക്കിൽ ഉൾപ്പെട്ട ഒരു ചെറിയ ഗ്രാമമാണ് പെരുനിലം. ഈ ഗ്രാമം പൂഞ്ഞാർ പഞ്ചായത്തിൻ്റെ കീഴിലാണ് വരുന്നത്. കോട്ടയം ജില്ലാ ആസ്ഥാനത്ത് നിന്ന് 44 കിലോമീറ്റർ കിഴക്കായാണ് സ്ഥിതി ചെയ്യുന്ന ഇവിടെനിന്ന് ഈരാറ്റുപേട്ടയിലേയ്ക്കുള്ള ദൂരം 2.5 കി.മീ. ആണ്. ഈ പ്രദേശത്തെ പ്രധാന കാർഷിക വിള റബ്ബറാണ്. പ്രശസ്ത ക്രിസ്ത്യൻ തീർത്ഥാടന കേന്ദ്രമായ ഭരണങ്ങാനവും അരുവിത്തുറ സെൻ്റ് ജോർജ്ജ് സീറോ മലബാർ കാത്തലിക് ഫൊറോന പള്ളിയും പെരുനിലത്തിന് സമീപമത്താണ് സ്ഥിതിചെയ്യുന്നത്. പെരുനിലം കുരിശുപള്ളിയും സ്ഥിതി ചെയ്യുന്നത് ഈ ഗ്രാമത്തിലാണ്. ഈരാറ്റുപേട്ട, പാലാ, കാഞ്ഞിരപ്പള്ളി, ഭരണങ്ങാനം, അരുവിത്തുറ, കോട്ടയം എന്നിവയാണ് സമീപത്തുള്ള പട്ടണങ്ങൾ.