കേരളത്തിലെ പത്തനംതിട്ട ജില്ലയിലെ ഒരു ഗ്രാമമാണ് പ്രക്കാനം. പത്തനംതിട്ട പട്ടണത്തിൽ നിന്ന് ഏഴ് കിലോമീറ്റർ അകലെ ഓമല്ലൂരിനും ഇലന്തൂരിനും മധ്യേയായിട്ടാണ് ചെന്നീർക്കര ഗ്രാമപഞ്ചായത്തിൽ ഉൾപ്പെട്ട ഈ പ്രദേശം സ്ഥിതി ചെയ്യുന്നത്. പ്രക്കാനം കിഴക്ക്, പ്രക്കാനം പടിഞ്ഞാറ് എന്ന് പ്രക്കാനത്തെ രണ്ടായി തിരിക്കാം. ചെറിയ കുന്നുകളും നെൽപാടങ്ങളും ഉള്ള പ്രക്കാനം ഒരു കാർഷിക ഗ്രാമമാണ്. റബറാണ് പ്രധാന കൃഷിയെങ്കിലും നെല്ലും മറ്റ് വിളകളും കൃഷിചെയ്യപ്പെടുന്നുണ്ട്.