ဒိုက်ဦးမြို့နယ်
မြန်မာနိုင်ငံ၊ ပဲခူးတိုင်းဒေသကြီးရှိ မြို့နယ် From Wikipedia, the free encyclopedia
Remove ads
ဒိုက်ဦးမြို့နယ် သည် မြန်မာနိုင်ငံ၊ ပဲခူးတိုင်းဒေသကြီး၊ ညောင်လေးပင်ခရိုင်ရှိ မြို့နယ်တစ်ခု ဖြစ်သည်။[၂] မြို့နယ်ရုံးစိုက်ရာမြို့မှာ ဒိုက်ဦးမြို့ ဖြစ်သည်။
Remove ads
တည်နေရာ၊ အကျယ်အဝန်း
မြောက်လတ္တှီကျူ ၈၇ံ ၅၀´ အရှေ့လောင်ဂျီကျူ ၉၇ံ ၄၈ ´ တွင်တည်ရှိသည်။ ကားလမ်းမိုင်တိုင် အမှတ် (၇၀/၀) မှ (၈၈/၀) အထိရှိသည်။ ရထားလမ်းမိုင်တိုင်အမှတ်မှာ ၆၆/၀ မှ ၈၄/၀ အထိရှိသည်။ အကျယ်အဝန်းမှာ အလျား ၂၆ မိုင်၊ အနံ ၁၉ မိုင် ရှိပြီး ဧရိယာစတုရန်းမိုင်ပေါင်း ၄၇၉ . ၀၃ ရှိပြီး ဧကပေါင်း ၃၀၈၀ . ၉၇ ဧက ရှိသည်။ အရှေ့ဘက်တွင် စစ်တောင်းမြစ်၊ အနောက်ဘက်တွင် ပဲခူးရိုးမကြိုးဝိုင်းသစ်တော၊ တောင်ဘက်တွင် ပဲခူးမြို့၊ မြောက်ဘက်တွင် ပြွန်တန်ဆာမြို့တို့ တည်ရှိသည်။ မြို့ပေါ်ရပ်ကွက် ၉ ရပ်ကွက်၊ ကျေးရွာအုပ်စု ၄၄ ကျေးရွာငယ်ပေါင်း ၁၇၈ ရွာတို့ပါ ဝင်သည်။
မြို့ပေါ်ရပ်ကွက်များ
- ဈေးပိုင်း
- ကုန်သည်
- ဝါဆို
- ကျောင်းစု
- သံတံတား
- မင်းတဲ
- စက်ကွင်း
- ဒရယ်မီး
- ဖအောင်ဝဲ
ထိုရပ်ကွက်ပေါင်း ၉ ရပ်ကွက်တွင် ၁၈ နှစ်အောက် ကျား/မ ပေါင်း ၁၃၀၆၂ ယောက်။ ၁၈ နှစ်အထက် ကျား/မပေါင်း ၂၄၆၃၇ ယောက်နှင့် စုစုပေါင်းလူဦးရေ ၃၇၆၉၉ ယောက်တို့ရှိသည်။
ကျေးရွာအုပ်စုများ
- ဆင်စခန်းကျေးရွာ
- ကျွန်းကုန်း
- အိမ်ခြေလေးဆယ်
- သဲကော
- သရက်တော
- ပျဉ်ပုံလေး
- သပြေတန်း
- ပသွယ်
- ရှမ်းစု
- ဖေါင်တော်သီ
- ပေါက်တပင်
- ကံကလေး
- ကုက္ကိုင်း
- အင်းသဇင်
- ပွဲတမော့
- ပျဉ်းမလွင်
- ကတုတ်ရွာမ
- ကတုတ်ဘုရားကြီး
- တမံကြီး
- ဗျိုင်းချယ်
- ဘောနီ
- မအူတန်း
- ကျိုက်စကောအရှေ့
- ကျိုက်စကောအနောက်
- ဘုရားကြီးကွင်း
- နတ်ကင်း
- ပုကိုင်
- မင်္ဂလွန်း
- သုံးခွ
- ပနွတ်
- ကလိ
- ဖအောင်းစု
- ကမာဖရုံ
- တကောင်း
- ရွှေအင်ဒုံ
- ဒိုးတန်း
- ဆာပါခြုံ
- တောင်သလဲမြှောင်
- စစ်ဘိုကြီး
- ဗျက်ကြီး
- ဆင်ဇလုပ်
- အုတ်ရှစ်ကုန်း
- မှော်အင်း
- ပုဂံကွဲ
၂၀၁၁ လူဦးရေစာရင်းအရ ထိုကျေးရွာတို့တွင် အသက် ၁၈ နှစ်အောက် ကျား/မ ၇၄၃၄၁ ယောက်။ ၁၈ နှစ်အထက် ကျား/မ ပေါင်း ၁၁၆၂၂၇ ယောက် နှင့် စုစုပေါင်း ကျား/မ ဦးရေ ၁၉၀၅၆၈ တို့ရှိကြသည်။
Remove ads
မြေမျက်နှာသွင်ပြင် ၊ ရေဆင်း
ဒိုက်ဦးမြို့နယ်၏ မြေမျက်နှာသွင်ပြင်မှာ အနောက်ဘက်ခြမ်းတွင် ပဲခူးရိုးမရှိပြီး အနောက်ဘက်မှ အရှေ့ဘက်သို့ တဖြည်းဖြည်းနိမ့်ဆင်းသွားသည့် မြေနိမ့်လွင်ပြင်ဖြစ်သည် ။ မိုးရေချိန်လက်မအများဆုံး တစ်နှစ်ပျမ်းမျှ ( ၁၆၇ ) နှင့် အနည်းဆုံး ( ၁၀၉ ) လက်မရရှိသည် ။ ဒရယ်မီးချောင်း ၊ ကောလိယချောင်း ၊ ဘိုင်းဒါးချောင်း ၊ ကတုတ်ချောင်း ၊ ဘောနီချောင်းများ က အနောက်မှအရှေ့သို့ဖြတ်သန်းစီးဆင်းသည် ။
လူဦးရေ ၊ လူမျိုး ၊ ကိုးကွယ်သည့်ဘာသာ
ဒိုက်ဦးမြို့တွင် မြို့ပေါ်နေ ကျား/ မပေါင်း ( ၃၇၆၉၉ ) ယောက်ရှိပြီး ၊ ကျေးလက်နေ ကျား/ မပေါင်း ( ၁၅၂၈၆၉ ) ယောက်ရှိသည် ။ အိမ်ထောင်စုပေါင်း မြို့ပေါ်တွင် ( ၇၂၄၈ ) ရှိပြီး ကျေးလက်တွင် ( ၃၀၆၃၀ ) ရှိသည် ။ အိမ်ခြေပေါင်း မြို့ပေါ်တွင် ( ၆၉၇၈ ) ရှိပြီး ၊ ကျေးလက်တွင် ( ၃၀၁၀၀ ) ရှိသည် ။ လူဦးရေပျှမ်းမျှ သိပ်သည်းဆမှာ တစ်စတုရန်းကီလိုမီတာလျှင် ( ၁၅၃ .၃ ) ဦးဖြစ်သည် ။ အိမ်ထောင်စုတစ်ခုစီ၏ ပျှမ်းမျှလူဦးရေမှာ ( ၄ . ၃ ) ဖြစ်သည် ။ ဒိုက်ဦးမြို့နယ်အတွင်းနေ ထိုင် နိုင်ငံခြားသားများအဖြစ် တရုတ် ( ၃၆ ) အိန္ဒိယ ( ၁၇ ) ပါကစ္စတန် ( ၁ ) နှင့် စုစုပေါင်း ( ၅၄ ) တို့ဖြစ်သည် ။ တိုင်းရင်းသားများမှာ ကချင် ( ၁၀ ) ၊ ကရင် ( ၄၀၁၂ ) ၊ ချင်း ( ၁၀၈၂ ) ၊ ဗမာ ( ၁၈၂၃၃၅ ) ၊ မွန် ( ၂၅ ) ၊ ရခိုင် ( ၅၁ ) ၊ ရှမ်း ( ၄၁၂ ) ၊ အခြား ( ၂၆၅၁ ) နှင့် စုစုပေါင်း ( ၁၉၀၅၆၈ ) တို့ဖြစ်ကြသည် ။
ဗုဒ္ဓဘာသာကိုးကွယ်သူ ( ၁၈၆၃၅၉ ) ဦးရှိပြီး၊ခရစ်ယာန်ဘာသာကိုးကွယ်သူ( ၂၆၂၅ ) ဦး၊ ဟိန္ဒူဘာသာကိုးကွယ် သူ ( ၁၅၇ ) ဦး ၊ အစ္စလန်ဘာသာကိုးကွယ်သူ ( ၁၄၂ရ ) ဦး ရှိသည် ။
စိုက်ပျိုး မွေးမြူရေး
ဒိုက်ဦးမြို့နယ်အတွင်းတွင် စိုက်ပျိုးမြေ ဧက ( ၁၈၁၃၃၅ ) ၊ သစ်တောမြေ ဧက ( ၉၅၂၁၈ ) ၊ တောရိုင်းဧက ( ၂၀၂ ) ၊ မြေလွတ်မြေရိုင်း ဧက ( ၁၅၈၇ ) ၊ မစိုက်ပျိုးနိုင်သောမြေဧက ( ၃၉၇၅၅ ) နှင့် စုစုပေါင်း ( ၃၁၈၀၉၇ ) ဧကရှိသည် ။ အသားတင်စိုက်ပျိုးမြေအဖြစ် လယ်မြေ ( ၁၆၉၉၅၂ ) ဧက ၊ ယာမြေ ( ၅၃၂၀ ) ဧက ၊ ကိုင်းကျွန်း မြေ ( ၄၃ ) ဧက ၊ ဥယျဉ်မြေ ( ၆၀၂၀ ) ဧက ၊ အခြားမြေ ( ၄၆၆၅၅ ) ဧကတို့ဖြစ်သည် ။ စိုက်ပျိုးသီးနှံများအဖြစ် ဆန်စပါး ၊ နှမ်း ၊ မြေပဲ ၊ နေကြာ ၊ မတ်ပဲ ၊ ပဲတီစိမ်း ၊ အစေ့ထုတ်ပြောင်း ၊ ပဲစဉ်းငုံ ၊ ကြံ ၊ ဝါ ၊ တို့ကိုစိုက်ပျိုးကြသည် ။ မွေးမြူရေးအဖြစ် ကျွဲ ( ၂၃၈၅၆ ) ကောင် ၊ နွား ( ၄၉၃၃၃ )ကောင် ၊ ကြက် ( ၇၇၅၅၁၈ ) ကောင် ၊ ဝက် ( ၅၈၄၁၂ ) ကောင် ၊ ဘဲ ( ၄၂၄၅၀၀ ) ကောင် ၊ သိုး / ဆိတ် ( ၁၅၂၃ ) ကောင် ၊ ငါးမွေးမြူရေး ဧက ( ၂၅၃ . ၁၅ ) တို့ဖြစ်သည် ။
Remove ads
အထင်ကရပုဂ္ဂိုလ်
- ညိုညိုယဉ် ( ဒိုက်ဦး )
- မြန်မာ့အသံဦးသိန်းဟံ
- သုတေသီမောင်မောင်
- ကောလိယလှိုင်းယဉ်
- နေတင်မြင့်
- ခင်မြင့်မြင့် (မယ်ဗမာ ၁၉၆၁)
- မိုးမိုး (အင်းလျား)
- စင်ကာပူနိုင်ငံသား ချိရှန်းဘဏ်ဥက္ကဋ္ဌ လင်ချိရှန်း
- စာရေးဆရာ ရွှေဥဩ (ကတုတ်ရွာ)
- မြင့်သိင်္ဂီမော် (ဖောင်တော်သီ)[၃]
ကိုးကား
Wikiwand - on
Seamless Wikipedia browsing. On steroids.
Remove ads