ဟန်တရုတ်လူမျိုး

ဟန်တရုတ်၊^{[၃၆][၃၇][၃၈]} ဟန်ဇူ^{[၃၉][၄၀][၄၁]} သို့မဟုတ် ဟန်လူမျိုး^{[၄၂][၄၃][၄၄][၄၅]} (UK: /hæn/,^[၄၆] US: /hɑːn/;^[၄၇] ရိုးရှင်းတရုတ်: 汉人; ရိုးရာတရုတ်: 漢人; ပင်ယင်: Hànrén^{[မှတ်စု ၂][၄၈]} သို့မဟုတ် ရိုးရှင်းတရုတ်: 汉族; ရိုးရာတရုတ်: 漢族; ပင်ယင်: Hànzú)^{[မှတ်စု ၃][၄၉][၅၀]} သည် ခေတ်သစ်တရုတ်နိုင်ငံ၏ မြစ်ဝါမြစ်ဝှမ်းဒေသတွင် သမိုင်းတလျောက် မွေးဖွားနေထိုင်ခဲ့ကြသော အရှေ့အာရှ လူမျိုးစုတစ်ခု ဖြစ်သည်။^{[၅၁][၅၂][၅၃][၅၄][၅၅]} ဟန်တရုတ်တို့သည် ကမ္ဘာ့လူဦးရေ၏ ၁၈% အထိရှိပြီး ကမ္ဘာ့လူဦးရေ အများဆုံး လူမျိုးစု ဖြစ်ကာ တရုတ်ဘာသာစကားကို ပြောဆိုကြသည်။^{[၅၆][၅၇]} ဟန်တရုတ်လူမျိုး ၁.၄ ဘီလီယံခန့်သည် တရုတ်ပြည်မကြီးတွင် အဓိက နေထိုင်ကြပြီး တရုတ်ပြည်မကြီး စုစုပေါင်း လူဦးရေ၏ ၉၂ % ခန့် ရှိသည်။^{[၅၈][၅၉]} ဟန်တရုတ်လူမျိုး အဆက်အနွယ်များသည် စင်ကာပူနိုင်ငံတွင် စုစုပေါင်း လူဦးရေ၏ ၇၅% ခန့် နေထိုင်ကြသည်။^[၆၀]

ဟန်တရုတ်

汉族/漢族 汉人/漢人
လူဦးရေ စုစုပေါင်း
၁.၄ ဘီလီယံခန့်[၁]
အများစု နေထိုင်သည့် နေရာ
တရုတ် ၁,၃၁၃,၃၄၅,၈၅၆ (စုစုပေါင်း လူဦးရေ၏ ၉၁.၆%)[၂] ထိုင်ဝမ် စုစုပေါင်း လူဦးရေ၏ ၉၅% ကျော်[၃][၄] ဟောင်ကောင် ၆,၇၅၂,၂၀၂[၅][ပိုမိုကောင်းမွန်သော ရင်းမြစ် လိုအပ်သည်] မကာအို ၆၆၃,၄၀၀[၆]
နိုင်ငံရပ်ခြား တရုတ်လူမျိုး (အစဉ်အဆက် နေထိုင်မှုအရ)
ထိုင်း	၉,၃၉၂,၉၈၇[၇]
မလေးရှား	၆,၆၅၀,၀၀၉[၈]
အမေရိကန်	၃,၇၉၅,၀၀၇-၅,၁၀၀,၀၀၀[၉][၁၀]
စင်ကာပူ	၂,၉၆၇,၇၆၅[၁၁]
အင်ဒိုနီးရှား	၂,၈၃၃,၁၃၄[၁၂]
မြန်မာ	၁,၆၃၈,၀၀၀[၁၃]
ကနေဒါ	၁,၄၆၉,၀၀၀[၁၄]
ဖိလစ်ပိုင်	၁,၃၅၀,၀၀၀[၁၅]
ဩစတြေးလျ	၁,၂၁၃,၉၀၃[၁၆]
ရုရှား	၉၉၈,၀၀၀[၁၇]
ဂျပန်	၉၂၂,၀၀၀[၁၈]
ဗီယက်နမ်	၈၂၃,၀၀၀[၁၉]
ပြင်သစ်	၇၀၀,၀၀၀[၁၇]
ဗင်နီဇွဲလား	၄၅၀,၀၀၀[၂၀]
ယူနိုက်တက်ကင်းဒမ်း	၄၃၃,၀၀၀[၂၁]
ပီရူး	၃၇၅,၉၅၄[၂၂]
တောင်အာဖရိက	၃၅၀,၀၀၀[၂၃]
အီတလီ	၃၃၄,၀၀၀[၂၄]
နယူးဇီလန်	၂၃၁,၀၀၀[၂၅]
ဂျာမနီ	၂၁၂,၀၀၀[၂၆]
တောင်ကိုရီးယား	၂၁၀,၀၀၀[မှတ်စု ၁][၂၇]
ကမ္ဘောဒီးယား	၂၁၀,၀၀၀[၂၈]
အာဂျင်တီးနား	၂၀၀,၀၀၀
အိန္ဒိယ	၁၈၉,၀၀၀[၁၇]
လာအို	၁၈၆,၀၀၀[၁၇]
စပိန်	၁၇၂,၀၀၀[၂၉]
ဘရာဇီး	၁၅၂,၀၀၀[၁၇]
နယ်သာလန်	၁၄၅,၀၀၀[၁၇]
ပနားမား	၁၃၅,၀၀၀[၃၀][၃၁]
မက္ကဆီကို	၇၀,၀၀၀[၃၂]
ကော့စတာရီကာ	၁၉,၀၀၀[၃၃]
အိုင်ယာလန်	၁၁,၀၀၀[၃၄]
ဘာသာစကား
တရုတ်
ကိုးကွယ်မှု
အဓိကအားဖြင့် ဘာသာမဲ့များ၊ မဟာယန ဗုဒ္ဓဘာသာ၊ တရုတ်ရိုးရာ နတ်ကိုးကွယ်မှု (တာအို၊ ဘိုးဘွားများ ဝတ်ပြုခြင်း၊ ကွန်ဖြူးရှပ်ဝါဒ နှင့် အခြားများ အပါအဝင်)၊ ခရစ်ယာန်နှင့် အခြား ယုံကြည်မှုများ[၃၅]
ဆက်စပ် တိုင်းရင်းသား အုပ်စုများ
တရုတ်-တိဗက်နွယ် လူမျိုးများ
အချို့ ရင်းမြစ်များတွင် ဟန်တရုတ်တို့ကို "တရုတ်လူမျိုး" သို့မဟုတ် တရုတ်-တိဗက်နွယ် လူမျိုးအုပ်စုတွင် ထည့်သွင်းရည်ညွှန်းသည်။

ဟန်တရုတ်လူမျိုး
ရိုးရှင်းသော တရုတ်	汉族
ရိုးရာ တရုတ်	漢族
Transcriptions Standard Mandarin Hanyu Pinyin Hànzú Bopomofo ㄏㄢˋ ㄗㄨˊ Wade–Giles Han4-tsu2 Yale Romanization Hàndzú IPA [xântsǔ] Wu Romanization Hoe zoh Hakka Romanization Hòn-tshu̍k Yue: Cantonese Yale Romanization Hon juhk IPA ကွမ်တုံ အသံထွက်: [hɔ̄ːn tsʊ̀k] Jyutping Hon3 zuk6 Southern Min Hokkien POJ Hàn-cho̍k Teochew Peng'im Hàng-tsôk Eastern Min Fuzhou BUC Háng-cŭk

ဟန်တရုတ်တို့သည် မြစ်ဝါမြစ်တလျောက် အခြေချနေထိုင်ခဲ့သော ဟွာရှား (Huaxia) မျိုးရိုးမှ ဆင်းသက်လာခြင်း ဖြစ်သည်။^{[၆၁][၆၂]} ဟွာရှားဟူသော ဝေါဟာရသည် တရုတ်မြောက်ပိုင်း မြစ်ဝါမြစ်အလယ်နှင့် အောက်ပိုင်းတလျောက်ရှိ အလယ်မြေပြန့်လွင်ပြင်ဒေသတွင် အခြေချနေထိုင်ခဲ့ကြသော ကျောက်ခေတ်သစ်လူမျိုးစုများဖြစ်သည့် ဟွာ နှင့် ရှား တို့ကို ပေါင်းစပ်ရည်ညွှန်းသည်။^{[၆၃][၆၄][၆၅][၆၂]} ထိုလူမျိုးစုများသည် ခေတ်သစ်တရုတ်လူမျိုးများ၏ ဘိုးဘေးများဖြစ်ကြပြီး တရုတ်လူမျိုးအစုအဝေးကို မွေးဖွားခဲ့ကြသူများ ဖြစ်သည်။^{[၆၆][၆၄][၆၇]}

နိုင်ငံရပ်ခြား တရုတ်အသိုင်းအဝိုင်းအများစုတို့က ဟွားရန် (华人; 華人; Huárén)၊ ဟွားချောင် (华侨; 華僑; Huáqiáo) သို့မဟုတ် ဟွားဇူ (华族; 華族; Huázú) စသော ဝေါဟာရများကို ဟန်တရုတ်လူမျိုးများအား ရည်ညွှန်းခေါ်ဆိုကြပြီး ဟန်လူမျိုးမဟုတ်သော လူမျိုးများအပါအဝင် တရုတ်နိုင်ငံသားများကို ကျူးကော့ရန် (中国人; 中國人) ဟူသော ဝေါဟာရဖြင့် ရည်ညွန်းခေါ်ဆိုကြသည်။^{[၆၈][၆၉][၇၀]} ဟန်လူမျိုး (汉人; 漢人; Hànrén) ဆိုသည်ကို ကမ္ဘာတစ်ဝန်းရှိ တရုတ်မျိုးနွယ်များကို ခေါ်ဆိုရာတွင်လည်း အသုံးပြုလေ့ရှိသည်။^[၇၁]

အရှေ့အာရှတွင် အာဏာဖြန့်ကျက်နိုင်ခဲ့ပြီး အိမ်နီးချင်းဒေသများအပေါ် များစွာ လွှမ်းမိုးနိုင်ခဲ့သော ဟန်မင်းဆက်ကို တရုတ်သမိုင်းတွင် ပထမဆုံး အကြီးကျယ်ဆုံးသော ခေတ်တစ်ခုအဖြစ် မှတ်ယူကြသည်။^{[၇၂][၇၃][၇၄]} ရှေးဟွာရှားတို့အပေါ် များစွာ လွှမ်းမိုးနိုင်ခဲ့သော ဟန်မင်းဆက်၏ ဂုဏ်သိက္ခာနှင့် ကျော်ဇောမှုတို့က ယင်းတို့ကို "ဟန်နိုင်ငံသားများ"အဖြစ် မှတ်ယူလာစေနိုင်ခဲ့သည်။^{[၆၆][၇၅][၇၆][၇၇][၇၈]} ဟန်မင်းဆက်မှ မျိုးရိုးအမည်ဆင်းသက်လာသော ဟန်တရုတ်တို့သည် တရုတ်စာလုံးတို့ကို "ဟန်အက္ခရာများ"အဖြစ် ရည်ညွှန်းခေါ်ဆိုကြသည်။^{[၇၂][၇၉][၇၇]}

မှတ်စု

1. Of the 710,000 Chinese nationals living in Korea in 2016, 500,000 are ethnic Koreans.
2. lit. "ဟန်လူမျိုး"
3. lit. "ဟန်လူမျိုးစု