Abugida

Ein abugida er eit skrivesystem bygd opp av teikn som står for ein konsonant med ein innebygd vokallyd. Ein abugida kan til dømes ha ein «ka» i staden for k. Desse teikna kan så omformast til å ha andre vokalar eller til ikkje å ha vokalar ved hjelp av diakritiske teikn.

I singalesisk skrift er grunnbokstaven for ein k-lyd ක, «ka». For å skriva ki blir det lagt til ein boge over bokstaven: ක blir කි. Vil ein markera at k-lyden ikkje skal følgjast av ein vokal, legg ein til konsonantflagget: ක්.

Namnet «abugida» er på same måte som «alfabet» avleia av dei første teikna i eit skriftsystem, i dette tilfellet etiopisk geez-skrift. Det blei føreslått som nemning av Peter T. Daniels i 1990.^[1][2][3]

Døme på abugidasysstem

Brahmiskrift har gjeve opphav til fleire abugidaer i Tibet og Sør- og Søraust-India. Ein finn også døme i semittisk etiopisk skrift og i kanadisk stavingsskrift.

Einskilddøme

• Devanagari, brukt til å skriva mellom anna hindi, marathi, nepali og sanskrit
• Gurmukhi, brukt til å skriva panjabi
• Fidel, brukt til å skriva mellom anna geez, amharisk og tigrinja.