Albumet Help!

Help! er det femte albumet av The Beatles og filmmusikken til filmen med same namn. Det vart produsert av George Martin for EMI sitt Parlophone Records og den originale britiske utgjevinga av albumet inneheld sju songar som var med i filmen og sju songar som ikkje var det, mellom anna ein av dei mest innspelte songane gjennom tidene, balladen «Yesterday» av Paul McCartney.

Help! Studioalbum av The Beatles
Språk	engelsk
Utgjeve	6. august 1965
Innspelt	15. februar – 17. juni 1965[1]
Studio	EMI Studios i London
Sjanger	Folkrock[2] poprock[3]
Lengd	34:20
Selskap	Parlophone
Produsent	George Martin
The Beatles-kronologi
Beatles for Sale (1964)	Help!	Rubber Soul (1965)
Singlar frå Help!
«Ticket to Ride» Utgjeve: 9. april 1965 «Help!» Utgjeve: 23. juli 1965

Meldingar
Karakter
Kjelde	Karakter
AllMusic	[4]
The A.V. Club	A[5]
Chicago Sun-Times	[6]
Consequence of Sound	B[7]
The Daily Telegraph	[8]
Encyclopedia of Popular Music	[9]
MusicHound	3.5/5[10]
Paste	100/100[11]
Pitchfork	9.2/10[12]
The Rolling Stone Album Guide	[13]

Albumet inneheld to songar som vart store hittar i mange land, «Ticket to Ride» og tittelsporet. Songar som Lennon sin «You've Got to Hide Your Love Away» indikerte påverknad av Bob Dylan og folkemusikk. I seinare år fortalte Lennon at tittelsporet var eit rop om hjelp sidan presset den store populariteten gav og hans eige ulukkelege humør (som han seinare kalla sin «feite Elvis-periode»). Han fortalte samstundes at han angra på at han gjorde songen om frå ein neddempa song ala Roy Orbison sin «Only the Lonely» til ein rask song på grunn av kommersielt press.

McCartney medverka med «Yesterday», «Another Girl», «The Night Before», og «I’ve Just Seen a Face». McCartney viste kor mangesidig han var då Beatles i løpet av ein innspelingsdag, den 14. juni 1965, spelte inn songane hans «I’m Down», «I’ve Just Seen a Face» og «Yesterday»

George Harrison medverka med «I Need You» og «You Like Me Too Much». Dette var dei første Harrison-songane på eit Beatles-album sidan «Don’t Bother Me» frå With The Beatles i 1963.

I 2012 vart albumet plassert på 331. plass på musikkmagsinet Rolling Stone si liste over dei 500 beste albuma gjennom tidene.^[14]

Utgjeving

På plateomslaget ser ein gruppa med armane som stavar eit ord med flaggsignal. Eigentleg skulle dei stave HELP, men dette såg visstnok ikkje så bra ut, så dei valde i staden å improvisere. Derfor stavar dei eigentleg NUVJ.^[15]

Albumet gjekk til topps i mange land, mellom anna Storbritannia, USA og Australia.

Albumet vart gjeve ut på CD i 1987.

Innhald

Side ein

Nr.	Tittel	Lengd
1.	«Help!»	2:18
2.	«The Night Be fore»	2:33
3.	«You've Got to Hide Your Love Away»	2:08
4.	«I Need You» (Harrison)	2:28
5.	«Another Girl»	2:05
6.	«You’re Going to Lose That Girl»	3:10
7.	«Ticket to Ride»	3:10

Alle spor skrivne av Lennon/McCartney, bortsett frå der andre er nemnd

Side to

Nr.	Tittel	Lengd
8.	«Act Naturally» (Johnny Russel, Voni Morrison)	2:29
9.	«It’s Only Love»	1:54
10.	«You Like Me Too Much» (Harrison)	2:35
11.	«Tell Me What You See»	2:36
12.	«I’ve Just Seen a Face»	2:36
13.	«Yesterday»	2:03
14.	«Dizzy Miss Lizzy» (Larry Williams)	2:53

Den amerikanske utgåva av albumet inneheld songar frå filmen, samt eit par orkesterstykke komponert av Ken Thorne og framført av George Martin Orchestra. Av desse stykka finn ein det første musikkstykket med indisk sitar på eit popalbum.

Medverkande

I følgje Mark Lewisohn^[16][17] og Alan W. Pollack.^[18]

The Beatles

• John Lennon – solo- harmoni- og korvokal; rytme- og akustisk gitar; elektrisk piano; tamburin på «Tell Me What You See»
• Paul McCartney – solo- harmoni- og korvokal; bass, akustisk og sologitar; piano, elektrisk piano
• George Harrison – solo- harmoni- og korvokal; akustisk gitar, solo- og rytmegitar; solovokal på «I Need You» og «You Like Me Too Much»; guiro på «Tell Me What You See»
• Ringo Starr – trommer og ymse perkusjon; claves på «Tell Me What You See»; solovokal på «Act Naturally»

Andre musikarar

• George Martin – produsent, piano på «You Like Me Too Much»
• John Scott – tenor- og altfløyter på «You've Got to Hide Your Love Away»
• Strykekvartetten på «Yesterday» arrangert av Martin i lag med McCartney

Salslister og salstrofé

Salslister Liste (1965) Plassering Australia (Kent Music Report)[19] 1 Tyske album (Offizielle Top 100)[20] 1 Britiske album (OCC)[21] 1 US Billboard 200[22] 1 Liste (1987) Plassering Nederlandske album (MegaCharts)[23] 62 UK Albums Chart[24] 61 Liste (2009) Plassering Austerrikske album (Ö3 Austria)[25] 62 Belgiske album (Ultratop Flandern)[26] 48 Belgiske album (Ultratop Vallonia)[27] 62 Nederlandske album (MegaCharts)[23] 64 Finske album (Suomen virallinen lista)[28] 26 Italienske album (FIMI)[29] 50 Newzealandske album (Recorded Music NZ)[30] 35 Portugisiske album (AFP)[31] 18 Spanske album (PROMUSICAE)[32] 53 Svenske album (Sverigetopplistan)[33] 30 Sveitsiske album (Schweizer Hitparade)[34] 53 UK Albums Chart[24] 29

Salstrofé I USA selde albumet 1 314 457 eksemplar innan 31. desember 1965 og nesten 1,6 millionar innan slutten av 60-åra.[35] Originalutgåva Region Salstrofé Salstal Australia (ARIA)[36] Gull 35 000^ Storbritannia (BPI)[37] Platina 300 000^ ^salstala er basert på sertifiseringa aleine BPI-sertifiseringa gjeld berre for sal etter 1994.[38] Nordamerikansk utgåve Region Salstrofé Salstal Canada (Music Canada)[39] 2× Platina 200 000^ USA (RIAA)[40] 3× Platina 3 000 000^ ^salstala er basert på sertifiseringa aleine