Babe av Styx

«Babe» er ein song av det amerikanske rockebandet Styx. Han vart gjeven ut som den første singelen frå albumet Cornerstone i 1979. Det var den første og einaste Styx-singelen som gjekk heilt til topps på den amerikanske singellista, der han låg i to veker i desember 1979. «Babe» nådde òg niandeplassen på Adult Contemporary-lista.^[2] Det låg òg seks veker på toppen av den kanadiske singellista i desember 1979 og inn i januar 1980. Det var òg den einaste songen deira som nådde høgt på den britiske singellista, der han nådde sjetteplassen. Songen gjekk òg til topps i Sør-Afrika.^[3]

Babe Singel av Styx frå albumet Cornerstone
B-side	I'm O.K.
Utgjeve	September 1979
Innspelt	1979
Sjanger	Softrock[1]
Lengd	4:01 (singel) 4:25 (album)
Selskap	A&M
Låtskrivar(ar)	Dennis DeYoung
Produsent	Dennis DeYoung John Panozzo Chuck Panozzo
Styx-kronologi
«Renegade» (1979)	Babe	«Why Me» (1980)

Bakgrunn og innhald

Songen var skriven av Dennis DeYoung som ei gebursdagsgåve til kona Suzanne. Den ferdige songen vart spelt inn som ein demo med berre DeYoung og Styx-medlemmane John Panozzo og Chuck Panozzo.

Songen var opphavleg ikkje meint å vere ein Styx-song, men James «J.Y.» Young og Tommy Shaw overtydde DeYoung om å gje ut songen på Cornerstone. Dei brukte demoinnspelinga til DeYoung og Shaw til ein gitarsolo over den midtre delen av songen. Songen vart så ein stor hit. I 1999 vart «Babenytta i filmen Big Daddy med Adam Sandler, som spelar ein mann som er stor fan av Styx.

Medverkande

• Dennis DeYoung - vokal, klaverinstrument, Fender Rhodes elektrisk piano
• Tommy Shaw - gitarsolo
• Chuck Panozzo - bassgitar
• John Panozzo - trommer

Salslister

Vekeslister Liste (1979–80) Plassering Australia 3 Belgia (Ultratop 50 Flandern)[4] 18 Canada Top Singles (RPM) 1 Canada Adult Contemporary (RPM)[5] 1 Irland (IRMA)[6] 4 Nederland (Mega Single Top 100)[7] 11 New Zealand (RIANZ)[8] 3 Sør-Afrika (Springbok Radio)[3] 1 UK Singles (Official Charts Company)[9] 6 US Billboard Hot 100[10] 1 US Adult Contemporary (Billboard)[11] 9 US Cash Box Top 100 1

Årslister Liste (1979) Plassering Australia[12] 95 Canada[13] 41 US Cash Box[14] 30 Liste (1980) Plassering Australia (Kent Music Report)[15] 48 Canada[16] 39 Sør-Afrika[17] 18 US Billboard Hot 100[18] 20 Gjennom tidene Liste (1958-2018) Plassering US Billboard Hot 100[19] 408

Salstrofé

Region	Salstrofé	Salstal
Canada (Music Canada)[20]	Gull	75 000^
Storbritannia (BPI)[21]	Sølv	250 000^
USA (RIAA)[22]	Gull	500 000^
*salstala er basert på sertifiseringa aleine ^salstala er basert på sertifiseringa aleine xuspesifserte tal er baserte på sertifiseringa aleine

Caught in the Act-versjonen

Babe Singel av Caught in the Act frå albumet Vibe
Utgjeve	5. september 1997
Innspelt	1997
Sjanger	Pop
Lengd	4:28 (singel) 4:27 (album)
Selskap	ZYX
Låtskrivar(ar)	Dennis DeYoung
Produsent	Phil Harding, Ian Curnow
Caught in the Act-kronologi
«Do It For Love» (1997)	Babe	«Baby Come Back» (1998)

I 1997 gav det nederlandske gutebandet Caught in the Act ut ein versjon av «Babe» på albumet sitt Vibe. Denne fekk moderat suksess.

Salslister

Liste (1997)	Plassering
Den tyske singellista	35
Den austerrikske singellista	26
Den nederlandske singellista	95[23]

Andre versjonar

Alexander O'Neal spelte inn songen i 2008 på albumet hans, Alex Loves. Den filippinske songaren April Boy Regino spelte inn songen i 2000 på albumet hans Super Idol. Ein annan filippinsk songar som har spelt inn songen er Piolo Pascual for filmen Babe, I Love You frå Filippinane.