Boston av Boston

Boston er debutalbumet til det amerikanske rockebandet Boston. Det vart produsert av Tom Scholz og John Boylan,^[5] og kom ut 25. august 1976 i USA på Epic Records.

Boston Studioalbum av Boston
Språk	engelsk
Utgjeve	25. august 1976
Innspelt	Oktober 1975 – april 1976
Studio	Foxglove (Watertown, MA) Capitol Studios (Hollywood, CA) Record Plant (Los Angeles, CA)
Sjanger	Hardrock
Lengd	37:41
Selskap	Epic
Produsent	John Boylan Tom Scholz
Boston-kronologi
	Boston	Don't Look Back (1978)
Singlar frå Boston
«More Than a Feeling» Utgjeve: 18. september 1976 «Long Time» Utgjeve: 7. januar 1977 «Peace of Mind» Utgjeve: April 1977

Meldingar
Karakter
Kjelde	Karakter
AllMusic	[1]
Christgau's Record Guide	C[2]
Encyclopedia of Popular Music	[3]
PopMatters	[4]

Bakgrunn

Scholz hadde tatt timar i klassisk piano i barndomen og var involvert i musikkmiljøet i Boston i slutten av 1960-åra. Han byrja så å konsentrere seg om demoinnspelingar i kjellaren sin med songaren Brad Delp, og sjølv om den førre gruppa deira, Mother's Milk, hadde fått mange avvisingsbrev frå store plateselskap tidleg i 1970-åra, hamna demolydbandet deira i 1975 i hendene til det CBS-eigde Epic Records, som gav dei kontrakt.

Innspeling

Epic ønskte at bandet skulle spele inn plata i Los Angeles med ein plateprodusent, men Scholz var motvillig og ville helle rat plata skulle spelast inn i kjellarstudioet hans, så han leigde Boylan til å kommunisere med selskapet. Scholz lurte selskapet til å tru at bandet spelte inn plata på vestkysten medan mesteparten i røynda vart spelt inn av Scholz i heimen hans i Massachusetts. Albumet er ei komplett gjenskaping av demolydbandet og inneheld songar som var skrivne fleire år tidlegare. Stilen på albumet, som ofte vert omtalt som «Boston-stilen», vart utvikla gjennom kjærleiken Scholz hadde til klassisk musikk, melodiske riff og gitartunge rockegrupper som The Kinks og The Yardbirds, i tillegg til ei rekkje analoge, elektroniske effektar utvikla av Scholz i heimestudioet sitt. Scholz grunnla sidan Scholz Research & Development, Inc. for å marknadsføre mange av nyskapingane han utvikla under innspelinga av albumet.

Utgjeving

Albumet kom ut på Epic i august 1976 og selde ekstremt godt. Det braut alle salsrekordar og vart det bestseljande debutalbumet i USA til då.^[6] Singlane på albumet, særleg «More Than a Feeling» og «Long Time», vart begge AM og FM-hittar, og nesten heile albumet vart mykje spelt på classic rock-radio. Albumet er blitt omtalt som ein milepåle i 70-talsrock. Albumet har selt 17 millionar eksemplar i USA og 25 millionar verda over.

Innhald

Alle songar av Tom Scholz, utanom der ander, er nemnde.

Side ein

Nr.	Tittel	Lengd
1.	«More Than a Feeling»	4:46
2.	«Peace of Mind»	5:02
3.	«Foreplay/Long Time»	7:47

Side to

Nr.	Tittel	Lengd
4.	«Rock & Roll Band»	3:00
5.	«Smokin'» (Brad Delp, Scholz)	4:20
6.	«Hitch a Ride»	4:12
7.	«Something About You»	3:48
8.	«Let Me Take You Home Tonight» (Brad Delp)	4:44

Medverkande

Boston

• Brad Delp – solo- og harmonivokal; akustisk gitar på «Let Me Take You Home Tonight»
• Tom Scholz – elektrisk gitar, sologitar utanom «Long Time» og «Let Me Take You Home Tonight» , akustisk gitar, clavinet, bassgitar, orgel, design, ommastering, notat i plateomslaget, produsent, lydteknikar
• Barry Goudreau – rytme- og sologitar på «Foreplay,» «Long Time» og «Let Me Take You Home Tonight»
• Fran Sheehan – bassgitar
• Sib Hashian – trommer utanom «Rock & Roll Band»
• Jim Masdea – trommer på «Rock & Roll Band»

Andre medverkande

• John Boylan – produsent
• Warren Dewey – lydteknikar
• Deni King – assisterande lydteknikar
• Bruce Hensel – assisterande lydteknikar
• Doug Ryder – assisterande lydteknikar
• Steve Hodge – mikseassistent
• Bill Ryan – ommastering
• Toby Mountain – ommastering
• Tom «Curly» Ruff – digital overføring
• Kim Hart – design
• Jeff Albertson – fotografi
• Ron Pownall – fotografi
• Gary Pihl – fotoredigering
• Roger Huyssen – illustrasjonar
• Gerard Huerta – bokstavering
• Joel Zimmerman – design på nyutgjeving

Salslister

Vekeslister Listes (1976–1977) Plassering Canada RPM 100 Albums[7] 7 Den tyske albumlista[8] 4 Nederland (Topp 100)[9] 11 New Zealand (Topp 50)[10] 16 Sverige (Topp 60)[11] 26 Storbritannia (UK Albums Chart)[12] 11 USA Billboard 200[13] 3

Singlar År Singel Liste Plassering 1976 «More Than a Feeling» US Billboard Hot 100[14] 5 1977 «Long Time» US Billboard Hot 100 22 1977 «Peace of Mind» US Billboard Hot 100[14] 38

Salstrofé

Region	Salstrofé	Salstal
Canada (Music Canada)[15]	Diamant	1 000 000^
Storbritannia (BPI)[16]	Gull	100 000^
USA (RIAA)[17]	17× Platina	17 000 000^
*salstala er basert på sertifiseringa aleine ^salstala er basert på sertifiseringa aleine xuspesifserte tal er baserte på sertifiseringa aleine