Peace of Mind av Boston

«Peace of Mind» er ein song skriven av Tom Scholz og opphavleg gjeven ut av Boston på debutplata deira Boston i 1976. Songen kom ut på singel året etter som den tredje og siste singelen frå albumet, og nådde 38. plassen på den amerikanske Billboard Hot 100 i 1977,^[1] og 33. plassen på Cash Box Top 100.^[2] Songen vart mykje spelt på radio, både då han kom ut på albumet Boston, og seinare.

Peace of Mind Singel av Boston frå albumet Boston
B-side	Foreplay
Utgjeve	April 1977
Innspelt	Oktober 1975 – april 1976
Studio	Foxglove Studios i Watertown i Massachusetts Capitol Studios i Hollywood i California The Record Plant i Los Angeles i California (album)/ April 1976 (singel)
Sjanger	Hardrock
Lengd	5:02 (album) 3:38 (singel) 5:31 (fullversjon)
Selskap	Epic
Låtskrivar(ar)	Tom Scholz
Produsent	John Boylan, Tom Scholz
Boston-kronologi
«Long Time» (1977)	Peace of Mind	«Don't Look Back» (1978)

«Peace of Mind» er ein av seks songar som Scholz arbeidde på i kjellarstudioet sitt i 1974 og 9175, før Boston fekk platekontrakt. Demoinnspelinga av songen var i røynda ferdig i 1974.^[3] Trommene vart først utvikla av Jim Masdea, sjølv om det er Sib Hashian som spelte på den endelege utgjevinga.^[3]

Medverkande

• Tom Scholz – akustisk og electric rytmegitar, sologitar, bassgitar
• Sib Hashian – trommer
• Brad Delp – vokal

Salslister

Vekeslister

Liste (1977)	Plassering
Canada RPM	41
U.S. Billboard Hot 100[1]	38
U.S. Cash Box Top 100[2]	33

Andre versjonar

«Peace of Mind» vart spelt av Stryper i 2009 på albumet Murder by Pride.^[4] Tom Scholz spelte gitar på denne utgåva.^[4]