Bron-Y-Aur Stomp

«Bron-Y-Aur Stomp» er ein song av det engelske rockebandet Led Zeppelin på det tredje albumet Led Zeppelin III frå 1970.

Bron-Y-Aur Stomp Song av Led Zeppelin frå albumet Led Zeppelin III
Utgjeve	5. oktober 1970
Innspelt	Mai–august 1970
Sjanger	Folkrock, countryrock
Lengd	4:16
Selskap	Atlantic
Komponist	Jimmy Page
Tekstforfattar	Jimmy Page
Låtskrivar(ar)	Page, Plant, Jones
Produsent	Jimmy Page

Songhistorie

Jimmy Page og Robert Plant skreiv songen i 1970 i Bron-Yr-Aur, ei lita hytte i Wales der dei kvilte ut etter ein turne i USA.^[1][2] John Paul Jones vart òg tilskriven som låtskrivar på songen. Han vart seinare spelt inn i Headley Grange i 1970, med eit mobilt studio som høyrte til Rolling Stones. Songen vart gjort ferdig i Island i London og i Ardent Studios, Memphis i Tennessee.

Trommeslagar John Bonham spelte på skeier og kastanjettar på innspelinga.^[2] Bassist John Paul Jones spelar ein akustisk femstrengs bandlaus bass.

Led Zeppelin spela òg songen som ein elektrisk instrumental, «Jennings Farm Blues», som seinare kom ut på piratkopialbum.^[2] Jennings Farm er namnet påe igedomen der familien Plant budde tidleg i 1970-åra.

Opphavet til namnet

Songen er kalla opp etter Bron-Yr-Aur, eit hus i Gwynedd i Wales, der medlemmar av Led Zeppelin kvilte ut i 1970 for å skrive det meste av Led Zeppelin III etter å ha gjort ferdig ein slitsam turne i USA. Bron-Yr-Aur tyder «gyllent bryst» på walisisk. Uttalen er ˈbrɔn ər ˈaɪr. Hytte hadde ikkje innlagt vatn eller straum.

På den første trykkinga av albumet vart namnet stava som «Bron-Yr-Aur Stomp». Denne feilen vart namnet på ein seinare Led Zeppelin-song, «Bron-Yr-Aur», ein instrumental på albumet Physical Graffiti.

Teksten

I «Bron-Y-Aur Stomp», ein country-aktig song, syng Robert Plant om å gå tur i skogen med den blåaugde hunden Strider.^[2] Plant kalla visstnok hunden sin opp etter Aragorn (ofte kalla Strider) frå J. R. R. Tolkien sin Ringenes herre. Det finst referansar til Tolkien i fleire andre Led Zeppelin-songar, som «Ramble On», «The Battle of Evermore» og «Misty Mountain Hop». Det er utanom dette ingen referansar til Tolkien i «Bron-Y-Aur Stomp». Teksten inneheld òg ein referanse til songen «Old Shep»: When you're old and your eyes are dim / There ain't no "Old Shep" gonna happen again.

Bandet Blue Merle tok namnet sitt frå teksten i songen: «There ain't no companion like a blue-eyed Merle».

Konsertutgåver

Songen vart ofte spela under eit akustisk sett på konsertane deira i 1971 og 1973. John Paul Jones spela då kontrabass og Bonham song harmonivokal med Plant. Dette kan ein sjå på Led Zeppelin DVD. På den nordamerikanske turneen i 1977 vart songen «Black Country Woman» spela som ein medley med «Bron-Y-Aur Stomp». Ved eit høve i Los Angeles, vart òg «Dancing Days» spela i den akustiske medleyen.

Medverkande

• Robert Plant - vokal
• Jimmy Page - akustisk gitar
• John Paul Jones - kontrabass
• John Bonham - trommer

Andre versjonar

• 1999: Interior Rides (The Stringkvartett Tribute to Led Zeppelin)
• 2003: various artists (A Bluegrass Tribute: Pickin' on Led Zeppelin, Volume II)
• 2005: Coheed and Cambria (Good Apollo, I'm Burning Star IV, Volume One: From Fear Through the Eyes of Madness [bonus])
• 2005: Hampton Stringkvartett (Take No Prisoners!)
• 2005: Iron Horse (Whole Lotta Bluegrass: A Bluegrass Tribute to Led Zeppelin)
• 2007: The Boys from County Nashville (The Celtic Tribute to Led Zeppelin: Long Ago and Far Away)
• 2007: Carbon Leaf (iCovers 1.4 EP)
• 2008: Roland Chadwick (Freedom Dreamer)
• 2009: Jon and Roy (Holiday Special; Victoria, Canada)
• 2010: Afro-Zep (Afro-Zep I)