Culpeo

Culpeo (Lycalopex culpaeus), òg kjend som magellanrev,^[1] er ein art av søramerikanske revar. Sjølv om namnet inkluderer «rev», er det ikkje ein ekte rev, men nærare i slekt med ulvar og sjakalar. Culpeoen har ei likskap med revar på grunn av konvergent evolusjon.

Culpeo
Culpeo
Utbreiing og status
Status i verda: Livskraftig Utbreiinga av Culpeo
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Pattedyr Mammalia
Orden:	Rovpattedyr Carnivora
Familie:	Hundefamilien Canidae
Slekt:	Lycalopex
Art:	Culpeo L. culpaeus
Vitskapleg namn
Lycalopex culpaeus Molina, 1782

Culpeoen er ein art innanfor slekta Lycalopex, som òg inkluderer fleire andre søramerikanske reveartar som pampasrev og sechurarev.

Skildring

Culpeoen er ein mellomstor hund som i storleik ligg mellom ein raudrev og ein prærieulv. Det er det nest største medlemmet av denne familien i Sør-Amerika, etter mankeulven. Hannen veg i gjennomsnitt 11,4 kg, medan hoene veg om lag 8,4 kg. Lengda varierer frå 94 til 133 cm, inkludert halen som måler 32 til 44 cm.^[2]

Culpeoen lever i eit stort område i vestlege Sør-Amerika, frå Ecuador og Peru i nord og sør til sentrale Chile, opp til tregrensa på 4800 moh. i Andesfjella. Dessutan over det meste av Patagoniasteppa.^[3]

Dietten til culpeoen består hovudsakleg av gnagarar, haredyr, fuglar og øgler, men dei kan òg ete planteføde og åtsel.^[4] Culpeoen kan stundom gå laus på husdyr, som lam, og blir derfor ofte jakta på eller forgifta. Arten er òg kjend for å jakte på bever på Eldlandet.^[5]

Paringstida for culpeoen er frå august til oktober. Hoa føder to til fem ungar etter ein drektigheitsperiode på 55–60 dagar.

Underartar

• 
  Lycalopex culpaeus andinus (Thomas, 1914)
• 
  Lycalopex culpaeus culpaeus (Molina, 1782)
• 
  Lycalopex culpaeus lycoides (Philippi, 1896)
• 
  Lycalopex culpaeus magellanicus (Gray, 1837)
• 
  Lycalopex culpaeus reissii (Hilzheimer, 1906)