Cumbria

Cumbria er eit ikkje-metropolitansk grevskap i Nordvest-England. Cumbria vart skipa i 1974 og består av seks distrikt og har kring ein halv million innbyggjarar.

Cumbria
grevskap
Land	England
Region	Nordvest-England
Areal	6 768 km²
Folketal	496 600  (2008)
Grunnlagd	1974
Status	Seremonielt og ikkje-metropolitansk grevskap
Cumbria 54.5°N 3.25°W / 54.5; -3.25
Kart som viser Cumbria. Kart som viser Cumbria.
Wikimedia Commons: Cumbria

Cumbria er det tredje største grevskapet i England ut frå areal og grensar i vest til Irskesjøen, i sør til Lancashire, i søraust til North Yorkshire og i aust til County Durham og Northumberland. Skottland ligg i nord.

Typisk landskap frå Lake District

Steinkrossen Gosforthkrossen i landsbyen Gosforth har relieffbilete som vert tolka som scener frå nordisk vikingtidsmytologi.

Grevskapet er hovudsakleg landleg og her ligg mellom anna Lake District med Lake District nasjonalpark, som vert rekna som eit av dei vakraste områda i Storbritannia. Mykje av grevskapet er fjellendt og det høgaste punktet i grevskapet (og England) er Scafell Pike på 978 meter over havet. Alle fjella i England på over 900 meter over havet ligg i Cumbria.

Delar av Hadrians mur ligg lengst nord i grevskapet, i og rundt Carlisle.

Historie

Namnet «Cumbria» har same rot som det walisiske namnet på Wales, Cymru (latinisert Cambria), som opphavleg tydde landsmenn på gammalwalisisk.^[1]

Grevskapet Cumbria vart skapt i 1974 frå områda som tidlegare hadde høyrt til dei administrative grevskapa Cumberland og Westmorland, County Borough of Carlisle, samt North Lonsdale eller Furness i Lancashire (inkludert Barrow-in-Furness) og frå West Riding of Yorkshire kom Sedbergh Rural District. Namnet «Cumbria» har derimot vorte nytta for dette området i mange hundreår.