Do the Strand

«Do the Strand» er den første songen frå det andre albumet til Roxy Music, For Your Pleasure frå 1973. I motsetnad til songane frå debutalbumet, startar denne songen brått utan ein instrumental introduksjon.

Do the Strand Singel av Roxy Music frå albumet For Your Pleasure
B-side	«Editions of You»
Utgjeve	Juli 1973
Innspelt	Februar 1973 i Command Studios i London
Sjanger	Kunstrock glamrock[1]
Lengd	4:04 (album) 3:19 (singel)
Selskap	Island
Låtskrivar(ar)	Bryan Ferry
Produsent	Chris Thomas, John Anthony, Roxy Music
Roxy Music-kronologi
Pyjamarama (1973)	Do the Strand	Street Life (1973)

Tekst

Songen prøver å overtale lyttarane om å gjere «the strand», som truleg er ein slags dans. Teksten er typisk for tidlege Roxy Music-tekstar med intellektuelle referansar, som Sfinksen, Mona Lisa, Lolita og Guernica.

Songen gjev ingen instruksjonar om korleis The Strand bør dansast, og truleg hadde ikkje bandet noko spesifikk dans i tankane. Han nemner likevel ei rekkje andre dansar som han kanskje kan erstatta, som tango, fandango, quadrille, samba og beguine.^[2]

Singel

«Do the Strand» vart gjeven ut som singel i 1973 i somme land (ikkje Storbritannia). Han kom ut som singel i Storbritannia i 1978 for å marknadsføre Greatest Hits-albumet deira, men nådde då ikkje lista. Trass i dette er songen ein av dei mest populære hos Roxy Music-tilhengjarane, særleg på konsertane.

Andre versjonar

Det tyske synthpopbandet Alphaville gjorde ein versjon av «Do the Strand» på albumet CrazyShow i 2003.

Det amerikanske popbandet Scissor Sisters gjorde ein versjon av «Do the Strand» for War Child-albumet War Child Presents Heroes i 2009.

Medverkande

• Andy Mackay: Obo og saksofon
• Bryan Ferry: Vokal og klaverinstrument
• Brian Eno: Synthesizer og lydband
• Paul Thompson: Trommer
• Phil Manzanera: Gitar
• John Porter (gjesteartist): Bass