Don't Look Back av Boston

Don't Look Back er det andre studioalbumet til den amerikanske rock band Boston, gjeve ut i 1978 på Epic Records.^[1][3] Albumet gjekk til topps på albumlista i USA og nådde niandeplassen på Storbritannia. Tittelsporet er ein av dei største hittane til bandet, og nådde fjerdeplassen i 1978 på Billboard Hot 100. Albumet selde fire millionar eksemplar dei første måandane etter det kom ut og har fått 7x platinaplate av RIAA i USA.^[4]

Don't Look Back Studioalbum av Boston
Språk	engelsk
Utgjeve	2. august 1978
Innspelt	1977–1978
Studio	Tom Scholz's Hideaway Studio Northern Studio, Maynard, Massachusetts
Sjanger	Hardrock, arenarock, progressiv rock
Lengd	33:47
Selskap	Epic
Produsent	Tom Scholz
Boston-kronologi
Boston (1976)	Don't Look Back	Third Stage (1986)
Singlar frå Don't Look Back
«Don't Look Back» Utgjeve: 2. august 1978 «A Man I'll Never Be» Utgjeve: 1978 «Feelin' Satisfied» Utgjeve: 1979

Meldingar
Karakter
Kjelde	Karakter
AllMusic	[1]
Christgau's Record Guide	B–[2]

Dette albumet markerte òg starten på ein rettsstrid mellom bandet og plateselskapet, Epic. Gitaristen, produsenten og hovudlåtskrivaren Tom Scholz hevda at sjefane i Epic pressa han og bandet til å gje ut albumet før dei meinte det var ferdig. Han sa òg at albumet var «latterleg kort. Det trengde ein song til». Det neste albumet deira, Third Stage, kom ikkje ut før etter åtte år, då bandet og selskapet hadde gått kvar sin veg etter ei rettssak som Boston til sjuande og sist vann.

Dei to åra mellom debutalbumet og Don't Look Back er den kortaste tida mellom to Boston-album til no.

Innspeling

Don't Look Back vart spelt inn i 1977 og 1978 i studioet til Scholz, Hideaway Studio, utanom pianoet til «A Man I'll Never Be», som vart spelt inn med lydteknikaren Dave Butler i Northern Studio i Maynard i Massachusetts.^[3]

Utgjeving

Don't Look Back skulle opphavleg ha tittelen Arrival, men Boston oppdaga at ABBA alt hadde gjeve ut eit album med det namnet, så Don't Look Back vart vald ut i staden. Albumet vart feilaktig oppført som Arrival i omslaget til kassettutgåva på den tida.

Billboard skildra albumet som «ei like bra utgjeving [som debutalbumet] som vidare syner kor bra gruppa er til å spele hardrock med ein søt, melodisk base».^[5] Ken Emerson i Rolling Stone sa at albumet stadfesta stilen til bandet frå debutplata, men var mindre pretensiøst enn Bruce Springsteen-albumet Darkness on the Edge of Town frå 1978.^[6]

«Don't Look Back», «A Man I'll Never Be» og «Feelin' Satisfied» vart alle gjevne ut på singlar og nådde høvesvis fjerde, 31. og 46. plassen på Billboard Hot 100.^[7]

Innhald

Alle songar skrivne av Tom Scholz, utanom «Party», skriven i lag med Brad Delp, og «Used to Bad News», skriven av Delp.

Side ein

Nr.	Tittel	Lengd
1.	«Don't Look Back»	5:57
2.	«The Journey»	1:46
3.	«It's Easy»	4:26
4.	«A Man I'll Never Be»	6:37

Side to

Nr.	Tittel	Lengd
5.	«Feelin' Satisfied»	4:11
6.	«Party»	4:07
7.	«Used to Bad News»	2:56
8.	«Don't Be Afraid»	3:48

Medverkande

I følgje plateomslaget^[3]

• Brad Delp – solo- og harmonivokal
• Tom Scholz – sologitar, rytmegitar, bassgitar, orgel, piano, perkusjon, produsent, lydteknikar, arrangør, digital ommastering, konept for plateomslag
• Barry Goudreau – sologitar, slidegitar, rytmegitar på «Don't Look Back», «The Journey», «Used to Bad News» og «Don't Be Afraid»
• Fran Sheehan – bassgitar, perkusjon på «Don't Look Back»
• Sib Hashian – trommer, perkusjon

Salslister

Liste (1978)	Plassering
US Billboard 200[8]	1
Canada RPM 100 Albums[9]	1
UK (The Official Charts Company)[10]	9
Noreg (VG-lista)[11]	9
Sverige (Hung Medien)[12]	8
Frankrike (InfoDisc)[13]	13
New Zealand (Top 50 Albums)[14]	17

Salstrofé

Organisasjon	Nivå	Dato
RIAA – USA	Gull	25. august 1978
	Platina	25. august 1978
	4× Platina	30. oktober 1986
	5× Platina	29. januar 1990
	6× Platina	7. desember 1992
	7× Platina	11. april 1996
RIAA – Storbritannia	Sølv	1978
CRIA – Canada	Gull	Des 1978
	Platina	Aug 1978
	2× Platina	Des 1978
	3× Platina	Des 1978
	4× Platina	Des 1979