Ebony and Ivory

«Ebony and Ivory» er ein song frå 1982 av Paul McCartney og Stevie Wonder. Songen kom ut på singel 29. mars 1982 og månaden etter på McCartney-albumet Tug of War. Songen omhandla raselikskap og gjekk til topps både i Storbritannia og i USA.^[1][2] I 2013 rangerte Billboard Magazine songen på 69. plassen på lista si over tidenes hittar på Billboard Hot 100-lista.^[3]

Ebony and Ivory Singel av Paul McCartney og Stevie Wonder frå albumet Tug of War
B-side	«Rainclouds»
Språk	engelsk
Utgjeve	26. mars 1982
Innspelt	1981
Sjanger	pop R&B
Lengd	3:42
Selskap	Parlophone/EMI (Storbritannia) Columbia (USA)
Komponist	Paul McCartney
Tekstforfattar	Paul McCartney
Låtskrivar(ar)	Paul McCartney
Produsent	George Martin
Paul McCartney-kronologi
«Temporary Secretary» (1980)	Ebony and Ivory	«Take It Away» (1982)
Stevie Wonder-kronologi
«Do I Do» (1982)	Ebony and Ivory	«Ribbon in the Sky» (1982)

Bakgrunn

På det enklaste nivået handlar songen om dei svarte (ebony) og kvite (ivory) tangentane på eit piano, men omhandlar òg integrering og raseharmoni på eit djupare, menneskeleg nivå. Det som inspirerte McCartney for tittelen var då Spike Milligan sa «svarte tangentar, kvite tangentar, for å skape harmoni må dei spele i lag, folkens!».^[4] Talemåten er mykje eldre og vart popularisert av James Aggrey i 1920-åra, men har vore i bruk sidan minst 1840-åra.^[5]

McCartney skreiv songen aleine og han vart framført live i studio av McCartney og Wonder, men dei arbeidde til forskjellige tider. Dei spelte heller ikkje inn musikkvideoen i lag samstundes, fordi dei var opptekne og ikkje fekk planane til å gå i hop (som McCartney forklarer i kommentarane for DVD-boksen The McCartney Years ).

Det vart òg laga ein musikkvideo for soloversjonen av songen.^[6]

B-sida til singelen var songen «Rainclouds», skriven av Paul McCartney og Denny Laine, sjølv om dei første utgåvene av singelen berre trykte namnet til McCartney.^[7]

Uttrykket «Keyboard, Oh Lord! Why Don't We?» vart nytta som tittelen på det tredje albumet til det norske stoner rock-bandet Thulsa Doom.

«Ebony and Ivory» vart forbode i Sør-Afrika av South African Broadcasting Corporation under apartheid-tida, den einaste solosongen til McCartney som vart forboden. Den offisielle årsaka var at Stevie Wonder tok i mot Oscarprisen i 1984 for beste song «til ære for Nelson Mandela».^[8][9]

Innhald

7"-singel (R 6054)

1. «Ebony and Ivory» – 3:41
2. «Rainclouds» – 3:47

12"-singel (12R 6054)

1. «Ebony and Ivory» – 3:41
2. «Rainclouds» – 3:47
3. «Ebony and Ivory» (soloversjon) – 3:41

Medverkande

• Paul McCartney – vokal, bassgitar, gitar, piano, synthesiser, vocoder, perkusjon, korvokal
• Stevie Wonder – vokal, elektrisk piano, synthesiser, trommer, perkusjon, korvokal

Salslister

Vekesliste Liste (1982) Plassering Australske Kent Music Report 2 Den austerrikske singellista[10] 3 Kanadiske CBC Top Singles[11] 1 Kanadiske RPM Top Singles 1 Den tyske Media Control-lista 1 Irish Singles Chart 1 Den japanske Oricon-lista[12] 26 Den japanske, internasjonale Oricon-lista[13] 1 New Zealand RIANZ Singles Chart 2 Den norske VG-lista[10] 1 Den spanske AFYVE-lista[14] 1 Den svenske singellista[15] 2 Den sveitsiske singellista[10] 2 UK Singles Chart[16] 1 US Billboard Hot 100[17] 1 US Billboard Adult Contemporary[17] 1

Årslister Liste (1982) Plassering Australia[18] 20 Canada (RPM)[19] 3 New Zealand[20] 17 UK 9 US Billboard Hot 100[21] 4 US Cash Box[22] 4 Liste for alle tider Liste Plassering US Billboard Hot 100[3] 69