Tug of War

Tug of War er det tredje studioalbumet til Paul McCartney, gjeve ut i april 1982. Det var det første albumet til McCartney etter at Wings vart oppløyst eitt år tidlegare. Totalt sett var dette det 11. albumet hans etter The Beatles. Det var òg det første albumet til McCartney etter at John Lennon døydde. Albumet vart produsert av den tidlegare Beatles-produsenten George Martin og gjekk til topps på albumlistene i mange land. Det vart hylla som eit comeback for McCartney.

Tug of War Studioalbum av Paul McCartney
Språk	engelsk
Utgjeve	26. april 1982
Innspelt	Desember 1980, februar til desember 1981
Studio	AIR Studios i London; AIR Studios i Montserrat
Sjanger	Rock
Lengd	41:10
Selskap	Parlophone (Storbritannia) Columbia (USA)
Produsent	George Martin
Paul McCartney-kronologi
McCartney II (1980)	Tug of War	Pipes of Peace (1983)
Singlar frå Tug of War
«Ebony and Ivory» Utgjeve: 29. mars 1982 «Take It Away» Utgjeve: 21. juni 1982 «Tug of War» Utgjeve: 6. september 1982

Den nymastra luksusutgåva av albumet vart nominert til Grammyprisen for beste plateboks eller spesialutgåve i 2017.

Innspeling

Etter utgjevinga av soloalbumet McCartney II, vart Wings samla saman att i juli og oktober 1980 for å øve inn songar som seinare kom til å bli Tug of War og Pipes of Peace. McCartney følte han trengde rettleiing og ringde den gamle produsenten sin, George Martin, for spele inn ein song skriven for den animerte karakteren Rupert Bear (som McCartney eigde rettane til) kalla «We All Stand Together», blant fleire. Den produktive innspelinga fortsette fram til 9. desember, morgonen då McCartney vakna til meldinga om at den gamle venen og Beatles-medlemmet John Lennon hadde blitt skoten og drepen kvelden før i New York City. Han avslutta innspelinga, der han og Denny Laine spelte inn den framtidige B-sida til «Rainclouds», og både Martin og McCartney følte det var best å sette prosjektet på vent fram til dei var klare til å fortsette.

I februar 1981, to månader etter Lennon døydde, fortsette Paul McCartney innspelingane, og spelte den månaden inn musikk med Stevie Wonder, Stanley Clarke, Carl Perkins og Ringo Starr og la ned fleire songar i prosessen. Innspelingane fortsette i AIR Studios på Montserrat i Karibia frå 3. februar til 2. mars, og enda med «Ebony and Ivory» og «What's That You're Doing», to songar med Stevie Wonder.^[1] 10cc-gitaristen Eric Stewart vart òg ein mykje brukt samarbeidspartner for McCartney på denne tida. På sommaren vart det gjort nye innspelingar i George Martin sitt AIR studios i Oxford Street i London. Innspelingane vart så produktive med ny 80-talsteknologi, at fleire av songane vart halde attende for det neste albumet, Pipes of Peace, som kom i 1983. Resten av 1981 var rolegare der McCartney og Martin pussa på albumet.

Utgjeving

Meldingar
Karakter
Kjelde	Karakter
AllMusic	[2]
Robert Christgau	B+[3]
Encyclopedia of Popular Music	[4]
The Great Rock Discografi	5/10[5]
Pitchfork Media	6.7/10[6]
PopMatters	[7]
Q	[8]
Rolling Stone	[9]
The Rolling Stone Album Guide	[10]
Uncut	9/10[11]

Då albumet kom ut skreiv Stephen Holden i Rolling Stone at Tug of War var «meisterverket alle visste at Paul McCartney kunne lage».^[9]. Andre kritikarar, som Robert Palmer i The New York Times, var mindre entusiastiske.^[12]

I mars 1982 vart duetten mellom McCartney og Stevie Wonder, «Ebony and Ivory», gjeve ut til stor suksess og gjekk til topps i mange land. Tug of War kom ut i april og vart òg ein stor suksess. Oppfølgjaren, «Take It Away», gjekk inn på Topp 10 i USA. Albumet selde etter kvart fleire millionar eksemplar og gjenoppretta ryktet til McCartney hos kritikarane, som i ein periode hadde vore ganske lunkne. Tug of War vart nominert til Grammyprisen for årets album i 1983.

Albumet kom ut i USA på CD 29. februar 1984.^[13] I 1993 vart albumet nymastra og gjeve ut att å CD som ein del av serien «The Paul McCartney Collection», men det kom utan bonusspor. I 2007 kom Tug of War ut digitalt på iTunes og soloversjonen av «Ebony and Ivory» kom med som bonusspor.

Ei ny utgjeving kom 2. oktober 2015, som ein del av Paul McCartney Archive Collection. Denne utgåva inneheld ein nymiksa versjon av albumet, i lag med den originale miksen, og ei rekkje videoar.

Innhald

Side ein

Nr.	Tittel	Lengd
1.	«Tug of War»	4:22
2.	«Take It Away»	4:14
3.	«Somebody Who Cares»	3:19
4.	«What's That You're Doing?» (duett med Stevie Wonder)	6:19
5.	«Here Today»	2:27

Alle spor skrivne av Paul McCartney, utanom «What's That You're Doing?» som er skriven i lag med Stevie Wonder

Side to

Nr.	Tittel	Lengd
6.	«Ballroom Dancing»	4:07
7.	«The Pound Is Sinking»	2:54
8.	«Wanderlust»	3:49
9.	«Get It»	2:29
10.	«Be What You See (Link)»	0:34
11.	«Dress Me Up as a Robber»	2:41
12.	«Ebony and Ivory» (duett med Stevie Wonder)	3:46

Bonusspor på iTunes-utgåva

Nr.	Tittel	Lengd
13.	«Ebony and Ivory» (soloversjon, B-sida til singelen «Ebony and Ivory»)	3:46

2015-utgåva

I 2015 vart albumet gjeve ut på Hear Music/Concord Music Group i fleire forskjellige utgåver, samstundes med Pipes Of Peace, i Paul McCartney Archive Collection. Formata var:^[14]

• Standardutgåve 2-CD; nymiksa versjon av det originale albumet på den eine plata og 11 bonusspor på den andre plata.
• Luksusutgåve 3CD/1DVD + 112 siders essaybok og 64 siders utklyppsbok
• Superluksus CD/DVD 3CD/1DVD + same bøkene som i luksusutgåva + avgrensa utgåve av kassett i akryl.
• Nymastra vinyl

Plate 1 – nymiksa album

Nymiksa versjon av det original 12-sporsalbumet

Plate 2 – originalalbum (berre luksusutgåva)

Det originale 12-sporsalbumet

Bonusplate (plate 2 for standard version, plate 3 for luksusutgåva)

Nr.	Tittel	Lengd
1.	«Stop, You Don't Know Where She Came From» (demo, ikkje utgjeven før)	1:44
2.	«Wanderlust» (demo, ikkje utgjeven før)	1:46
3.	«Ballroom Dancing» (demo, ikkje utgjeven før)	2:04
4.	«Take It Away» (demo, ikkje utgjeven før)	5:37
5.	«The Pound Is Sinking»	2:35
6.	«Something That Didn't Happen» (demo, ikkje utgjeven før)	2:17
7.	«Ebony and Ivory» (demo, ikkje utgjeven før)	1:46
8.	«Dress Me Up as a Robber/Robber Riff» (demo, ikkje utgjeven før)	3:42
9.	«Ebony and Ivory» (soloversjon, B-side til «Ebony and Ivory»)	3:50
10.	«Rainclouds» (skriven i lag med Denny Laine, B-side til «Ebony and Ivory»)	3:13
11.	«I'll Give You a Ring» (B-side til «Take It Away»)	3:09

Ytterlegare nedlastbar song frå paulmccartney.com^[15]

1. «Take It Away» (singelutgåve) - 4:05

Plate 4 – DVD

1. «Tug of War» musikkvideo (versjon 1)
2. «Tug of War» musikkvideo (versjon 2)
3. «Take It Away» musikkvideo
4. «Ebony and Ivory» musikkvideo
5. «Fly TIA» – bakomklipp frå Take It Away (ny 18 minuttar dokumentar)

Medverkande

• Paul McCartney – vokal, gitar, piano, synthesizers, trommer, bass, vocoder, perkusjon
• Denny Laine – gitar, gitarsynthesizer, bass på «Wanderlust»
• Eric Stewart – gitar, korvokal
• Campbell Maloney – skarptromme på «Tug of War»
• Ringo Starr – trommer på «Take It Away», «Wanderlust» og «Ballroom Dancing»
• Steve Gadd – trommer, perkusjon på «Take It Away» og «Somebody Who Cares»
• George Martin – elektrisk piano
• Adrian Brett – panfløyte
• Andy Mackay – lyrikon
• Adrian Sheppard – trommer
• Dave Mattacks – trommer, perkusjon på «Dress Me Up As A Robber»
• Carl Perkins – vokal, gitar på «Get It»
• Stevie Wonder – synthesizer, elektrisk piano, trommer, vokal
• Jack Brymer – klarinett
• Keith Harvey – cello
• Ian Jewel – bratsj
• Bernard Partridge – fiolin
• Jack Rothstein – fiolin
• Linda McCartney – korvokal, piano på «Ballroom Dancing»
• Stanley Clarke – bass på «Somebody Who Cares» og «The Pound is Sinking»

Prisar

Grammyprisar

År	Kandidat/verk	Pris	Resultat
1983	Tug of War	Åretsalbum[16]	Nominert
	«Ebony and Ivory» (duett med Stevie Wonder)	Årets song[16]	Nominert
		Årets singel[16]	Nominert
		Beste popsong av duo eller grupe[16]	Nominert
	«What's That You're Doing?» (duett med Stevie Wonder)	Best R&B-song av duo eller gruppe[16]	Nominert
2017	Tug of War (Luksusutgåve)	Beste boks eller spesialutgåve	Nominert

American Music Awards

År	Kandidat/verk	Pris	Resultat
1983	Paul McCartney (artist)	Beste mannlege pop/rock-artist[17]	Nominert
	«Ebony and Ivory» (duett med Stevie Wonder)	Beste pop/rock-singel[17]	Nominert

Brit Awards

År	Kandidat/verk	Pris	Resultat
1983 [18]	Paul McCartney (artist)	Beste britiske mannlege artist	Vann
		Sony Trophy for Technical Excellence	Vann
	George Martin (produsent)	Beste britiske produsent	Nominert

Salstrofé

Region	Salstrofé	Salstal
Frankrike (SNEP)[19]	Gull	289 800[20]
Japan (Oricon Charts)		237,000[21][22]
Canada (Music Canada)[23]	Gull	50,000[24]
Spania(PROMUSICAE)[25]	Gull	50 000^
Storbritannia (BPI)[26]	Gull	100 000^
USA (RIAA)[27]	Platina	1 000 000^
*salstala er basert på sertifiseringa aleine ^salstala er basert på sertifiseringa aleine xuspesifserte tal er baserte på sertifiseringa aleine

Salslister

Vekeslister Liste (1982) Plassering Australske Kent Music Report[28] 2 Den austerrikske albumlista[29] 2 Belgium Albums Chart[30] 3 Den kanadiske RPM-lista[31] 1 Den nederlandske albumlista[32] 1 Den franske SNEP-lista[33] 2 Den italienske albumlista[34] 1 Den israelske albumlista[35] 2 Den japanske Oricon-lista [36][37] 1 Den newzealandske albumlista[38] 4 Den norske VG-lista[39] 1 Den spanske albumlista[40] 2 Den svenske albumlista[41] 1 UK Albums Chart[42] 1 US Billboard 200 [43] 1 Den vesttyske Media Control-lista[44] 1

Årslister Liste (1982) Plassering Den australske albumlista[28] 7 Den austerrikske albumlista[45] 7 Den kanadiske albumlista[46] 14 Den franske albumlista[47] 12 Den italienske albumlista[34] 13 Japanese Oricon Chart[22] 37 UK Albums Chart[48] 16 US Billboard Pop Albums[49] 28

Bakgrunnsstoff

• JPGR's Beatles-side om Tug of War