Eden Golan

Eden Golan^[a] (fødd 5. oktober 2003 i Kefar Sava) er ein israelsk^[b] songar. Ho blei fødd i Israel, men flytta til Russland med familien sin då ho var seks år gammal. Ho byrja karrieren der ved å delta i den russiske uttakinga til Junior Eurovision Song Contest 2015, og seinare i den russiske TV-konkurransen Golos. Deti. Ho representerte Israel i Eurovision Song Contest 2024 med songen «Hurricane», som enda på femteplass.^[6]

Eden Golan
Fødd	5. oktober 2003 (21 år)
Fødestad	Kefar Sava
Fødenamn	Eden Golan hebraisk נועה קירל‎ russisk Эден Голан
Opphav	Israel
Aktiv	2015–
Verka som	songar

Bakgrunn

Eden Golan blei fødd i Kfar Saba i Israel. Begge foreldra hennar blei fødde i Sovjetunionen i jødiske familiar. Mora hennar har ukrainsk-jødisk bakgrunn,^[7] medan faren har latvisk-jødisk bakgrunn.^[8] Bestefaren hennar, Yuri Golan (tidlegare Glagolev), var utdanna ved Fakultetet for journalistikk ved Statsuniversitetet i Moskva og jobba for avisa Sovjetisk ungdom.^[9] Ho er niesa til pianisten Dorel Golan.^[10]

Då Golan var seks år gammal, flytta ho og foreldra hennar til Russland på grunn jobben til av faren, og dei budde i Moskva i 12 år.^[11] Ifølgje Golan har ho blanda kjensler om tida i Russland. Ho byrja musikkarrieren der, men følte seg også ukomfortabel på grunn av hyppige uttrykk for antisemittisme.^[5][12] Golan og foreldra hennar flytta tilbake til Israel i 2022. Den umiddelbare årsaka var den russiske invasjonen av Ukraina,^[13] men ifølgje Golan ville familien ha flytta uansett.^[5]

Karriere

I 2015 deltok Golan i den russiske uttakinga til Junior Eurovision Song Contest 2015. Ho enda på femteplass med 22 poeng, åtte poeng bak vinnaren Mikhail Smirnov. I 2016, då ho var 12 år gammel, deltok ho i barneutgåva av New Wave-konkurransen, der ho framførte songen sin «Vojo na lunu» i duett med Njusja.^[14] I 2018 var Golan finalist i den femte sesongen av Golos. Deti i Russland, der ho var på laget til Pelageja. Ho samarbeidde også med Yinon Yahel.^[15] Etter at ho flytta tilbake til Israel i 2022, deltok ho i finalen av den andre sesongen av Ro’im et Hakol, men blei eliminert i fyrste runde.

Eden Golan på scena under ei av prøvene i Eurovision Song Contest 2024.

I førebuingane til Eurovision Song Contest 2024 vedtok Det israelske offentlege kringkastingsselskapet seg for å velje landets representant gjennom samarbeid med TV-kanalen Keshet 12 og talentshowet HaKokhav HaBa.^[16] Golan vann alle rundane av konkurransen, der ho framførte «I Have Nothing» av Whitney Houston og «I Don’t Want to Miss a Thing» av Aerosmith i finalen. Ho vann både jury- og sjåaravrøystinga og blei vald til å representere Israel i Eurovision.^[17][18] Bidraget hennar, «Hurricane», blei valt ut på eit seinare tidspunkt.^[19] Songen kvalifiserte seg til finalen 11. mai og enda på femteplass totalt, medan han kom på andreplass i sjåaravrøystinga.^[20][6]

I mai 2024 opptredde Golan på eit massemøte i Tel Aviv, der ho kravde frigjering av gislar under Israel–Hamas-krisa. Også Noga Erez, Netta Barzilai og Lola Marsh opptredde. Familien til nokre av gislane heldt talar, inkludert Rachel Goldberg-Polin, mora til den amerikansk-israelske Hersh Goldberg-Polin. Ambassadørane frå USA, Storbritannia, Tyskland og Austerrike heldt også talar, og tidlegare utanriksminister Hillary Clinton sende ei videohelsing.^[21]

Merknadar

1. hebraisk: עדן גולן; russisk: Эден Голан^[1]
2. Golan har blitt omtala som russisk-israelsk av nokre nyheitsmedium.^[2][3] Men Golan blei fødd i Israel^[4] reknar ikkje seg sjølv som russisk,^[5] og har ikkje russisk statsborgarskap.^[4]