Equinox av Styx

Equinox er det femte studioalbumet til den amerikanske rockegruppa Styx, gjeve ut i desember 1975.

Equinox Studioalbum av Styx
Språk	engelsk
Utgjeve	1. desember 1975
Innspelt	1975
Studio	Paragon Recording Studios, Chicago
Sjanger	Progressiv rock hardrock
Lengd	34:32
Selskap	A&M
Produsent	Styx
Styx-kronologi
Man of Miracles (1974)	Equinox	Crystal Ball (1976)
Singlar frå Equinox
«Light Up» Utgjeve: 1975 «Lorelei» Utgjeve: Mars 1976

Meldingar
Karakter
Kjelde	Karakter
AllMusic	[1]
The Daily Vault	B[2]
The Rolling Stone Album Guide	[3]

Albumet var den første utgjevinga deira for A&M Records og det siste albumet med den originale Styx-gitaristen John Curulewski, som slutta i bandet^[4] for å vere meir med familien. Han slutta like etter innspelinga var over og bandet fekk kort tid på seg til å finne ein erstattar til den påfølgjande turneen. Kort tid etter var Tommy Shaw komen inn i bandet.

Equinox nådde 58. plassen på albumlista i USA, men selte til gullplate i 1977, kort tid før utgjevinga av The Grand Illusion (1977) og selte 350 000 eksemplar då det først kom ut.

Songar

Den største hitten på albumet var songen «Lorelei», som vart den andre singelen til Styx som nådde topp 30 i USA.

Opningssporet «Light Up» hyllar marihuanarøyking.

«Mother Dear» er sungen av Curulewski (versa) og DeYoung (refrenga), og er ein progrock-song.

«Lonely Child» er ein melodisk powerballade med 12-strengsgitar.

Side 2 opnar med rockesongen «Midnight Ride», og er skriven i hardrockstil av Young. Det er den einaste songen han skreiv på albumet.

«Born for Adventure», handlar om legender som Robin Hood, og er den einaste songen skriven i lag av DeYoung, Young og Curulewski.

Den instrumentale «Prelude 12» på 12-strengsgitar, vart komponert av Curulewski. Han glir inn i den første kjende songen på albumet, «Suite Madame Blue», som vart skriven om 200-årsjubileet til USA, som då var like om hjørnet. Songen vart fast på alle Styx-turneane med Dennis DeYoung. Det er ein av få Styx-songar der fire medlemmar syng korvokal, inkludert Chuck Panozzo.

Innhald

Side ein

Nr.	Tittel	Låtskrivar(ar)	Solovokal	Lengd
1.	«Light Up»	DeYoung	DeYoung	4:17
2.	«Lorelei»	DeYoung, Young	DeYoung	3:19
3.	«Mother Dear»	Curulewski, DeYoung	Curulewski, DeYoung	5:25
4.	«Lonely Child»	DeYoung	DeYoung	3:47

Side to

Nr.	Tittel	Låtskrivar(ar)	Solovokal	Lengd
1.	«Midnight Ride»	Young	Young	4:17
2.	«Born for Adventure»	DeYoung, Curulewski, Young	DeYoung	5:12
3.	«Prelude 12»	Curulewski	(instrumental)	1:21
4.	«Suite Madame Blue»	DeYoung	DeYoung	6:30

Medverkande

Styx

• Dennis DeYoung – vokal, klaverinstrument
• James «JY» Young – vokal, elektrisk gitar
• John Curulewski – vokal, elektrisk og akustisk gitar, klaverinstrument
• Chuck Panozzo – bassgitar, korvokal på «Suite Madame Blue»
• John Panozzo – trommer, perkusjon

Produksjon

• Produsent - Styx
• Lydteknikar - Barry Mraz
• Assisterande lydteknikar - Rob Kingsland
• Remiksing - Barry Mraz, Styx
• Mastering - Doug Sax
• Produksjonsassistent - Barry Mraz
• Design - Chuck Beeson, Junie Osaki
• Kunstnarisk leiar - Roland Young
• Fotografi - Chris Micoine

Salslister

Album - Billboard (USA)

År	Liste	Plassering
1976	Pop Albums	58

Singlar - Billboard (USA)

År	Singel	Liste	Plassering
1976	«Lorelei»	Pop Singles	27