FM (No Static at All)

«FM (No Static at All)» er ein song av det amerikanske jazzrockbandet Steely Dan, og tittelsongen til filmen FM frå 1978. Songen kom ut på singel og nådde topp 40 på den amerikanske Billboard-lista. Musikalsk er songen ein kompleks jazzrocksong driven av bass, gitar og piano, som var typisk for bandet på denne tida. Teksten er eit skeivt blikk på album-orientert rock-formatet som mange FM-radiostasjonar spelte på denne tida, i motsetnad til filmen som hyllar dette formatet.^[3]

FM (No Static at All) Singel av Steely Dan frå albumet FM
Språk	engelsk
Utgjeve	Mai 1978
Innspelt	1977
Studio	Capitol Studios, Hollywood; Armand Steiner Soundlab, Studio 55, Village Recorder[1]
Sjanger	Jazzfusion
Lengd	4:52
Selskap	MCA
Tekstforfattar	Donald Fagen
Låtskrivar(ar)	Walter Becker, Donald Fagen
Produsent	Al Schmitt[2]
Steely Dan-kronologi
«Deacon Blues» (1977)	FM (No Static at All)	«Josie» (1978)

«FM» var den første singelen Steely Dan gav ut på MCA Records (som hadde gjeve ut filmmusikkalbumet), og skjedde før MCA kort tid etter kjøpte opp ABC Records, som var selskapet til bandet fram til då. «FM» var blitt spelt inn under same innspelinga som albumet Aja, med somme av dei same studiomusikarane og teknikarane som spelte inn albumet, inkludert medlemmane og låtskrivarane Walter Becker og Donald Fagen. Blant musikarane var saksofonisten Pete Christlieb og trommeslagaren Jeff Porcaro; fleire medlemmar av Eagles song korvokal.^[4]

Det var første gongen Becker og Fagen hadde skrive musikk for ein film sidan You've Got to Walk It Like You Talk It or You'll Lose That Beat i 1971, eitt år før debutalbumet til Steely Dan kom ut. «FM» inkluderer òg strykarar arrangert og dirigert av Johnny Mandel, som var andre gongen bandet hadde nytta strykarar på ein song.^[5] Det var òg den einaste gongen at Becker (bass og gitar) og Fagen (piano) spelte hovudtyngda av instrumenta på albumet sjølv.^[5] Lydteknikaren Roger Nichols vann Grammyprisen det året for beste lydinnspeling (ikkje-klassisk musikk) for arbeidet sitt på «FM», som var einaste gongen prisen vart gjeven for ein enkel song.^[4]

Salslister

Vekeslister Liste (1978) Plassering Australia KMR 87 Canada RPM Top Singles 19 New Zealand 19 Spania (Los 40 Principales) 1 UK (OCC) 49 US Billboard Hot 100[6] 22 US Cash Box Top 100[7] 24

Årslister Liste (1978) Plassering Canada [8] 152 US (Joel Whitburn's Pop Annual)[9] 148

Medverkande

• Donald Fagen: vokal, piano^[3]
• Walter Becker: elektrisk gitar, bass^[3]
• Jeff Porcaro: trommer, perkusjon^[3]
• Victor Feldman: perkusjon^[3]
• Pete Christlieb: tenorsaksofon^[3]
• Glenn Frey, Don Henley, Tim Schmit: korvokal^[4]
• Johnny Mandel: strykearrangement

Andre versjonar

• The Mountain Goats i 1995 på albumet deira Sweden.^[10]
• 3rd Bass sampla songen på «No Static At All» frå albumet deira Derelicts of Dialect i 1991^[11]
• Nathan Haines og 2D ^[11]
• Woody Herman i 1978 på albumet hans Plays Chick, Donald, Walter, and Woodrow.^[3][12]