Frampton av Peter Frampton

Frampton er det fjerde studioalbumet til den engelske rockemusikaren Peter Frampton, gjeve ut i 1975 før han drog på turné og spelte inn Frampton Comes Alive! Dei mest kjende songane på albumet er «Show Me the Way» og «Baby, I Love Your Way», som vart store hittar då dei vart gjevne ut som singlar frå Frampton Comes Alive! Albumet nådde 32. plassen på Billboard 200.

Frampton Studioalbum av Peter Frampton
Utgjeve	30. mars 1975
Innspelt	Oktober 1974 – februar 1975
Studio	Ronnie Lane's Mobile Studio i Clearwell Castle i Gloucestershire
Sjanger	Rock
Lengd	37:16
Selskap	A&M
Produsent	Peter Frampton
Peter Frampton-kronologi
Somethin's Happening (1974)	Frampton	Frampton Comes Alive! (1976)

Meldingar
Karakter
Kjelde	Karakter
Allmusic	[1]
Rolling Stone	(ikkje vurdert) [2]

Bakgrunn

For dette albumet henta Frampton inn Andy Bown til på spele bass, etter at den førre bassisten hans, Rick Wills slutta under ein turné for å vere med familien og sin nyfødde baby. John Siomos var framleis med på trommer, medan Frampton spelar alle andre instrument, hovudsakleg gitar og klaverinstrument, sjølv. Sidan henta Frampton inn amerikanarane Bob Mayo (klaverinstrument, gitar, vokal) og Stanley Sheldon (bass, vokal) for å turnere.

Det tok tre veker å skrive musikken til albumet. I oktober 1974 drog Frampton til Clearwell Castle i Gloucestershire, med Ronnie Lane's Mobile Studio parkert utafor. Ytterlegare lydspor vart spelte inn i Olympic Studios i London.

Albumet

Frampton spelar i forskjellige stilartar på albumet, både instrumentalt og vokalt. Fleire ssongar har akustisk og elektrisk gitar, som på «The Crying Clown» og den akustiske instrumentalen «Penny For Your Thoughts». «Nowhere's Too Far (For My Baby)» og «Day's Dawning» er døme på melodisk arenarock på albumet.

Dette albumet gjorde det langt betre enn dei tidlegare albuma hans, og gjekk til 32. plassen på Billboard 200, og danna grunnlaget for det særs populære konsertalbumet som kom året etter, Frampton Comes Alive!.

Innhald

Alle songar er skriven av Peter Frampton.

Side ein

Nr.	Tittel	Lengd
1.	«Day's Dawning»	3:55
2.	«Show Me the Way»	4:02
3.	«One More Time»	3:19
4.	«The Crying Clown»	4:03
5.	«Fanfare»	3:28

Side to

Nr.	Tittel	Lengd
6.	«Nowhere's Too Far (for My Baby)»	4:18
7.	«Nassau / Baby, I Love Your Way»	5:51
8.	«Apple of Your Eye»	3:41
9.	«Penny for Your Thoughts»	1:27
10.	«(I'll Give You) Money»	4:34

Medverkande

• Peter Frampton - solovokal, solo- og rytmegitar, akustisk gitar, piano, orgel, talkbox, bassgitar på «Baby I Love Your Way»
• Andy Bown - bassgitar
• John Siomos - trommer, perkusjon

Andre medverkande

• Poli Palmer - vibrafon på «The Crying Clown»

Produksjon

• Produsent: Peter Frampton, Chris Kimsey
• Lydteknikar: Chris Kimsey, Andy Knight
• Miksing: George Marino
• Mastering: George Marino, Doug Sax, Arnie Acosta
• Kunstnarisk leiar: Vartan, Roland Young, Junie Osaki
• Fotografi: Mike Zagaris
• Ansvarleg og koordinering: Beth Stempel, Bill Levenson
• Management: Dee Anthony

Salslister

Album

År	Liste	Plassering
1975	Pop Albums	32

Salstrofé

Organisasjon	Nivå	Dato
RIAA - USA	Gullplate	13. september 1976