From Memphis to Vegas/From Vegas to Memphis

From Memphis to Vegas/From Vegas to Memphis er det 36. studioalbumet av Elvis Presley, gjeve ut i oktober 1969 av RCA Records. Innspelinga fann stad i American Sound Studio i Memphis, den 13. til 15. og 21. og 22. januar, og 17. til 18. februar 1969, i tillegg til konsertopptak frå International Hotel i Paradise i Nevada den 24. til 26. august 1969. Albumet nådde 12. plassen på Billboard 200, og vart sertifisert til gullplate den 13. desember 1969 av Recording Industry Association of America.^[7]

From Memphis to Vegas/From Vegas to Memphis (Back in Memphis) Studioalbum av Elvis Presley
Språk	engelsk
Utgjeve	4. oktober 1969
Innspelt	Januar, februar, 24. til 26. august 1969
Sjanger	rock, soul, country, pop
Lengd	32:06 (Studio-LP) 36:38 (Live-LP) 68:44 (Total)
Selskap	RCA Records
Produsent	Chips Moman Studio LP Felton Jarvis Live LP
Elvis Presley-kronologi
From Elvis in Memphis (1969)	From Memphis to Vegas/From Vegas to Memphis (Back in Memphis)	Let's Be Friends (1970)

Meldingar
Karakter
Kjelde	Karakter
AllMusic	[1] & [2]
Robert Christgau	B+[3]
MusicHound	[4]
The Rolling Stone Album Guide	[5]
Rough Guides	[6]

Innhald

For å utnytte suksessen til From Elvis in Memphis og hitsinglane derifrå, og at han no hadde fått suksess som konsertartist i Las Vegas, vart Vegas/Memphis gjeven ut som det første dobbeltalbumet til Presley, og det første offisielle konsertalbumet.^[8] Manageren til Presley, Colonel Tom Parker, sikra konsertar for ein månad på International Hotel, og Presley kasta bort alle musikarane han hadde spelt med gjennom 1960-åra og sette saman bandet som vart kalla Taking Care of Business band.^[9] Musikarane brukte på den andre plata vart sett saman av Chips Moman for innspelinga i American Sound Studios i Memphis.

Det første albumet bestod av innspelinga frå desse konsertane, dei første for Presley sidan mars 1961 på Hawaii.^[10] Han spelte signaturhittar frå 1950- og tidleg i 1960-åra i alg med versjonar av «Words» av The Bee Gees, den nyare hitsingelen «In The Ghetto» og ein lengre versjon av «Suspicious Minds».

Den andre plata bestod av ti innspelingar frå vinteren 1969 i American Sound som ikkje kom med på From Elvis in Memphis.^[11] Sjølv om det i hovudsakleg var songar som var til overs, var «Stranger in My Hometown» likevel like intens som songane som kom ut på det førre albumet.^[12] Av dei attvrande, hadde «The Fair's Moving On» og «You'll Think of Me» tidlegare vore gjevne ut som B-sider på høvesvis «Clean Up Your Own Backyard» og «Suspicious Minds» tidlegare på året.^[13]

Nyutgjevingar

I november 1970 gav RCA ut dei to albuma som individuelle album, namnsette etter undertitlane frå det originale dobbeltalbumet, Elvis in Person at the International Hotel som LSP 4428, og Back in Memphis som LSP 4429.^[14] Dei har blitt gjevne ut kvar for seg sidan den gongen. Heile Back in Memphis finst i plateboksen From Nashville to Memphis: The Essential 60s Masters, og på det doble samlealbumet med innspelingane frå American Sound Studio, Suspicious Minds.

Den 28. juli 2009 gav Sony Music Entertainment ut Back in Memphis på den andre plata av Legacy Edition-utgåva av From Elvis In Memphis. Ei liknande Legacy Edition av On Stage kom ut 23. mars 2010, med heile Elvis in Person at the International Hotel på den andre plata.

Follow That Dream har gjeve ut fleire utgåver av dei komplette konsertane til Presley frå august 1969 i Las Vegas. Konserten den 22. august vart gjeven ut på eit eige album og kalla In Person.^[15] Midnattskonserten frå 23. august vart gjeven ut som Elvis At The International,^[16] medan midnattskonserten den 26. august kom ut som All Shook Up.^[17] Konserten frå 24. august finst på den første plata av boksen Live in Las Vegas frå 2001. I 2013 gav FTD ut heile midnattskonserten frå 25. august.

Medverkande

Elvis in Person at the International Hotel

• Elvis Presley – vokal, elektrisk gitar, akustisk gitar
• James Burton – elektrisk gitar
• John Wilkinson − elektrisk gitar
• Charlie Hodge − gitar, korvokal
• Larry Muhoberac − klaverinstrument
• Jerry Scheff – bass
• Ronnie Tutt − trommer
• Millie Kirkham − korvokal
• The Imperials − korvokal
• The Sweet Inspirations − korvokal
• Bobby Morris and his Orchestra

Back in Memphis

Elvis Presley − vokal, gitar, piano Ed Kollis − munnspel John Hughey − pedalsteelgitar (på «In the Ghetto») Reggie Young, Dan Penn − elektrisk gitar Bobby Wood − piano Bobby Emmons − orgel Tommy Cogbill, Mike Leech − bass Gene Chrisman − trommer Glen Spreen − stryke- og blåsearrangement

Overdub: Wayne Jackson, Dick Steff, R. F. Taylor − trompet Ed Logan, Jack Hale, Gerald Richardson − trombone Tony Cason, Joe D'Gerolamo − French horns Andrew Love, Jackie Thomas, Glen Spreen, J.P. Luper − saksofon Joe Babcock, Dolores Edgin, Mary Greene, Charlie Hodge, Ginger Holladay, Mary Holladay Millie Kirkham, Ronnie Milsap, Sonja Montgomery, June Page, Susan Pilkington, Sandy Posey Donna Thatcher, Hurschel Wiginton − korvokal

Innhald

Side ein og to vert kalla Elvis In Person at the International Hotel, Las Vegas, Nevada; side tre og fire Elvis Back In Memphis.

Side ein

Nr.	Tittel	Låtskrivar(ar)	Innspelt	Lengd
1.	«Blue Suede Shoes»	Carl Perkins	25. august 1969	2:06
2.	«Johnny B. Goode»	Chuck Berry	24. august 1969	2:12
3.	«All Shook Up»	Otis Blackwell and Elvis Presley	25. august 1969	2:15
4.	«Are You Lonesome Tonight?»	Lou Handman og Roy Turk	24. august 1969	3:16
5.	«Hound Dog»	Jerry Leiber og Mike Stoller	25. august 1969	1:53
6.	«I Can't Stop Loving You»	Don Gibson	25. august 1969	3:19
7.	«My Babe»	Willie Dixon	25. august 1969	2:12

Side to

Nr.	Tittel	Låtskrivar(ar)	Innspelt	Lengd
1.	«Mystery Train» / «Tiger Man»	Junior Parker og Sam Phillips / Joe Hill Louis and Lewis Burns	25. august 1969	3:46
2.	«Words»	Robin Gibb, Barry Gibb, Maurice Gibb	25. august 1969	2:46
3.	«In the Ghetto»	Mac Davis	24. august 1969	2:56
4.	«Suspicious Minds»	Mark James	26. august 1969	7:46
5.	«Can't Help Falling In Love»	George Weiss, Hugo Peretti, Luigi Creatore	26. august 1969	2:12

Side tre

Nr.	Tittel	Låtskrivar(ar)	Innspelt	Lengd
1.	«Inherit the Wind»	Eddie Rabbitt	15. januar 1969	2:56
2.	«This Is the Story»	Chris Arnold, David Martin, Geoff Morrow	13. januar 1969	2:28
3.	«Stranger In My Own Home Town»	Percy Mayfield	17. februar 1969	4:23
4.	«A Little Bit of Green»	Chris Arnold, David Martin, Geoff Morrow	14. januar 1969	3:21
5.	«And the Grass Won't Pay No Mind»	Neil Diamond	17. februar 1969	3:08

Side fire

Nr.	Tittel	Låtskrivar(ar)	Innspelt	Lengd
1.	«Do You Know Who I Am?»	Bobby Russell	18. februar 1969	2:49
2.	«From a Jack to a King»	Ned Miller	21. januar 1969	2:23
3.	«The Fair's Moving On»	Guy Fletcher og Doug Flett	21. februar 1969	3:09
4.	«You'll Think of Me»	Mort Shuman	14. januar 1969	4:01
5.	«Without Love (There is Nothing)»	Danny Small	22. januar 1969	2:51