Greg Rutherford
From Wikipedia, the free encyclopedia
Remove ads
Gregory James Rutherford, til vanleg Greg Rutherford (fødd 17. november 1986), er ein britisk friidrettsutøvar frå Milton Keynes, særleg kjend som lengdehoppar. Han vart olympisk meister i øvinga i 2012, europameister i 2014 og 2016 og verdsmeister 2015. Rutherford sin personlege rekord på 8,51 meter er også landsrekord.

Remove ads
Aktiv
I 2005 vann Rutherford lengdetevlinga under den europeisk juniormeisterskapen i litauiske Kaunas med 8,14 meter, britisk juniorrekord. Året etter tok han sølvmedaljen då Europameisterskapen i friidrett 2006 fann stad på Ullevi Stadion i Göteborg. Sølvhoppet målte 8,13 m. Under dei olympiske sommarleikane i Beijing i 2008 hoppa han heile 8,16 m i kvalifiseringa. I sjølve finalen var han prega av sjukdom og enda på tiandeplass med 7,84 m på resultatlista.
Rutherford forbetra den britiske lengderekorden til 8,30 m under VM i friidrett 2009 i Berlin, også det i kvalifiseringa. Rekorden stod til 8. juli 2011, då Chris Tomlinson strekte seg til 8,35 m.
I mai 2012 tangerte Rutherford den britiske rekorden i Chula Vista. Tre månader seinare hoppa han 8,31 m i lengdefinalen under OL i London, nok til å vinne den olympiske gullmedaljen. I 2014-sesongen flytta Rutherford den britiske landsrekorden til sterke 8,51 meter i Chula Vista i april månad. Ved EM i friidrett 2014 i Zürich vart Rutherford så europameister på vinnarresultatet 8,29 meter. To veker i førevegen vart han samveldemeister med 8,20 m i Glasgow.
Rutherford heldt fram medaljehausten dei neste to åra. Han vann gullmedaljen i så vel verdsmeisterskapen 2015, som i europameisterskapen 2016. Under dei olympiske leikane i Rio de Janeiro vart tredjemann i lengde-tevlinga.
Medaljar og plasseringar i internasjonale meisterskap
- EM 2006 i Göteborg: Sølvmedalje – 8,13 m, bakom Andrew Howe, Italia (8,20 m)
- VM 2007 i Osaka: Utslått i kvalifiseringa (7,77 m - nr 21)
- OL 2008 i Beijing: Nr 10 – 7,84 m
- VM 2009 i Berlin: Nr 5 – 8,17 m
- VM 2011 i Daegu: Utslått i kvalifiseringa (8,00 m - nr 15)
- OL 2012 i London: Gullmedalje – 8,31 m, framom Mitchell Watt frå Australia (8,16 m)
- VM 2013 i Moskva: Utslått i kvalifiseringa (7,87 m - nr 14)
- EM 2014 i Zürich: Gullmedalje – 8,29 m, framom Louis Tsatoumas frå Hellas (8,15 m)
- VM 2015 i Beijing:Gullmedalje – 8,41 m, framom Fabrice Lapierre frå Australia (8,24 m)
- EM 2016 i Amsterdam:Gullmedalje – 8,25 m, framom Michel Tornéus frå Sverige (8,21 m)
- OL 2016 i Rio de Janeiro: Bronsemedalje – 8,29 m
Remove ads
Kjelder
- Denne artikkelen bygger på «Greg Rutherford» frå Wikipedia på engelsk, den 21. april 2015.
Wikiwand - on
Seamless Wikipedia browsing. On steroids.
Remove ads