Hurt So Bad

«Hurt So Bad» er ein song skriven av Teddy Randazzo, Bobby Weinstein og Bobby Hart. Balladen vart ein hit i 1965 for Little Anthony & The Imperials. Linda Ronstadt fekk òg ein topp 10-hit med sin versjon i 1980. Songen er blitt spelt av mange andre artistar, som The Lettermen, som tok songen til 12. plassen på singellista i USA i september 1969.

Hurt So Bad Singel av Little Anthony & The Imperials frå albumet Goin' Out Of My Head
B-side	Reputation
Utgjeve	29. desember 1964[1]
Sjanger	Soul, pop
Lengd	2:15
Selskap	DCP
Låtskrivar(ar)	Teddy Randazzo, Bobby Weinstein, Bobby Hart
Produsent	Teddy Randazzo, Don Costa
Little Anthony & The Imperials-kronologi
«Goin' Out Of My Head» (1964)	Hurt So Bad	«Take Me Back» (1965)

Little Anthony & The Imperials-versjonen

Little Anthony & The Imperials-utgåva var spelt inn for albumet Goin' out of My Head. Singelen var oppfølgjaren til tittelsporet frå dette albumet, som òg vart ein stor hit og nådde topp 10 på Billboard-lista.^[2] Denne versjonen nådde tiandeplassen på Billboard Hot 100. Han vart òg framført av gruppa første gongen dei var på The Ed Sullivan Show. Han vart skriven spesifikt for The Imperials av Teddy Randazzo, ein mangeårig ven av gruppa, i lag med Bobby Weinstein og Bobby Hart, og vart produsert av Don Costa for selskapet DCP, som seinare gjekk saman med United Artists Records.

Medverkande

• «Little Anthony» Gourdine - solovokal
• Clarence «Wah-Hoo» Collins - baryton/bass
• Ernest Wright - andretenor
• Sammy Strain - førstetenor
• Produsent: Don Costa
• Akkompagnert av The 101 Strings Orchestra

Linda Ronstadt-versjonen

Hurt So Bad Singel av Linda Ronstadt frå albumet Mad Love
B-side	Justine
Utgjeve	Mars 1980
Sjanger	Rock, new wave
Lengd	3:17
Selskap	Asylum Records
Låtskrivar(ar)	Teddy Randazzo, Bobby Weinstein, Bobby Hart
Produsent	Peter Asher
Linda Ronstadt-kronologi
«How Do I Make You» (1980)	Hurt So Bad	«I Can't Let Go» (1980)

Linda Ronstadt spelte inn ein versjon av «Hurt So Bad» for albumet Mad Love i 1980. Han var produsert av Peter Asher for Asylum Records, og vart gjeven ut som den andre singelen frå albumet. Gitarsoloen på denne versjonen vart spelt av Danny Kortchmar. Han står som ein av dei mest suksessrike versjonane spelt inn av songen og han nådde åttandeplassen på Billboard Hot 100 og niandeplassen på Cash Box Top 100-lista våren 1980.^[3]

Andre versjonar

Songen er blitt spelt inn av følgjande artistar:

• El Chicano gav ut ein versjon av «Hurt So Bad» på debutalbumet deira frå 1970, Viva Tirado.
• The Lettermen og Jackie DeShannon^[4]
• Alicia Keys.
• Ramsey Lewis, The Delfonics, David Cassidy, Richard «Groove» Holmes, Grant Green, Willie Bobo, El Chicano, Nancy Wilson, Anne Renée og andre.