Jan Smit

Johannes Hendricus Maria Smit (fødd 31. desember 1985 i Volendam), betre kjend som Jan Smit, er ein nederlandsk songar, programleiar, skodespelar og fotballeiar.

Jan Smit
Fødd	31. desember 1985 (39 år)
Fødestad	Volendam
Fødenamn	Johannes Hendricus Maria Smit
Opphav	Kongeriket Nederlanda
Aktiv	1996–
Sjanger	pop, Palingsound
Instrument	vokal
Verka som	programleiar, arrangementvert, songar, skodespelar, låtskrivar
Prisar	Gouden Harp, offiser i Oranje-Nassau-ordenen, Goldene Stimmgabel

Smit byrja karrieren som tiåring, under namnet Jantje Smit, i gutegruppa Volendam MWN. Seinare lanserte han ein solokarriere før han i 2015 vart med i den nederlandske slagergruppa KLUBB3, og vidare i slagergruppa De Toppers i 2017. Som programleiar har han jobba med program som De beste zangers van Nederland og TROS Muziekfeest. Sidan 2011 har han kommentert Eurovision Song Contest. Smit vart vald til å leie Eurovision Song Contest i 2020 saman med Edsilia Rombley og Chantal Janzen. Den 18. mars 2020 vart Eurovision Song Contest avlyst på grunn av koronapandemien i Europa vinteren 2020.^[1] I staden leia han erstatningsprogrammet Eurovision: Europe Shine a Light i mai 2020, i tillegg til å leie Eurovision Song Contest 2021.^[2]

Smit syng vanlegvis på nederlandsk innan sjangrane pop, slager og danseband.^[3] Han har også vore ambassadør for SOS Barnebyar og er styremedlem i fotballklubben FC Volendam.^[4]