Jens

Jens er eit mannsnamn, opphavleg danna som ein dansk variant av Johannes, som kjem frå det greske Ioannes som tyder 'Gud er nådig'. Namnet har hatt stor utbreiing i dei nordiske landa, noko som har ført til at patronymet Jensen er blitt vanleg. Jens har òg vore populært i Tyskland. Jens er det vanlegaste mannsnamnet i Danmark.

Jens Iversen Lange, biskop i Århus 1449-1482.

Jens har namnedag den 24. september i Noreg og den 29. mars i Sverige.

Utbreiing

Dette er utbreiinga av namnet i ein del land med tilgjengeleg statistikk:

Land	Av den mannlege folkemengda			Blant nyfødde
	Tal	Prosent	Rangering	Tal	Prosent	Rangering
Danmark [1]	52 177 (2010)	1,9 %	1.	88 (2008)	-	(> 50.)
Færøyane [2]	298 (2008)	1,2 %	7.	3 (2008)	0,89 %	26.
Tyskland [3]	-	-	28. (fødslar 1890–2002)	-	-	435. (2009)
Noreg [4]	8 043(2008)	0,35 %	78.	92 (2008)	0,30 %	88.
Belgia [5] Flandern	7 949 (2007) 7 801	- -	144. 90.	119 (2008) 117	0,20 % 0,37 %	105. 54.
Sverige [6]	18 077 (2008)	-	(> 100.)	21	-	(> 100.)
Liechtenstein [7]	9 (2008)	0,05 %	-	-	-	-

Namneberarar

Statsminister Jens Stoltenberg.

• Jens Munk (1579-1628), dansk-norsk sjøfarar og oppdagar
• Jens Juel (1580-1634), dansk adelsmann og riksstatthaldar i Noreg
• Jens Bjelke (1580-1659), kanslar i Noreg
• Jens Juel (1745-1802), dansk målar
• Jens Zetlitz (1761-1821), norsk diktar
• Jens Christian Djurhuus (1773-1853), færøysk diktar
• Jens Bratlie (1856-1939), norsk politikar og statsminister
• Jens Tvedt (1857–1935), norsk forfattar, lærar og bibliotekar
• Jens Hundseid (1883-1965), norsk politikar og statsminister
• Jens Arup Seip (1905-1992), norsk historikar
• Jens Book-Jenssen (1910-1999), norsk artist og tekstforfattar
• Jens Otto Krag (1914-1978), dansk politikar og statsminister
• Jens Bolling (1915-1992), norsk skodespelar
• Jens Christian Hauge (1915-2006), norsk advokat, tidlegare heimefrontmann, politikar og industribyggar
• Jens Evensen (1917-2004), norsk politikar
• Jens Christian Skou (f. 1918), dansk kjemikar, vann Nobelprisen i kjemi i 1997
• Jens Bjørneboe (1920-1976), norsk forfattar
• Jens Ulltveit-Moe (f. 1942), norsk forretningsmann
• Jens P. Heyerdahl (f. 1943), norsk forretningsmann
• Jens Fink-Jensen (f. 1956), dansk forfattar og fotograf
• Jens Wendelboe (f. 1956), norsk musikar og komponist
• Bjørn Jens (f. 1958), norsk countrysongar
• Jens Stoltenberg (f. 1959), norsk politikar og statsminister
• Jens Weissflog (1964-), tysk skihoppar
• Jens Voigt (1971-), tysk syklist
• Jens Arne Svartedal (1976-), norsk langrennsløpar

Stadnamn

• Jens, ein kommune i Sveits.