John Ware

	John Ware
Fødd	2. mai 1944 (81 år)
Fødestad	Tulsa i Oklahoma
Fødenamn	John A. Ware
Sjanger	Country, countryrock
Instrument	Trommer
Tilknytte artistar	Stone Poneys, First National Band, Emmylou Harris
Verka som	Musikar

John A. Ware (fødd 2. mai 1944) er ein amerikansk trommeslagar og perkusjonist, mest kjend som studiomusikar og turnémusikar for andre artistar.

Kjappe fakta Fødd, Fødestad ...

I 1965 byrja Ware å spele i bandet Laughing Wind, som sidan fekk namnet West Coast Pop Art Experimental Band.^[1] Ware var medlem av dette bandet fram til 1968.^[2]

Ware vart så medldem av The Corvettes, i lag med mellom andre Chris Darrow (gitar, vokal), Jeff Hanna (gitar, vokal), John London (bass) og Bernie Leadon (gitar, vokal).^[3] Dei spelte inn to singlar, begge produserte av Michael Nesmith.^[4] Linda Ronstadt leigde inn The Corvettes til å vere den andre versjonen av turnébandet sitt, Stone Poneys.^[5]

I perioden i The Stone Poneys, vart Ware vener med Michael Nesmith. Då Nesmith slutta i The Monkees, var det Ware sin idé om å skipe First National Band, med Ware, London, Nesmith og Red Rhodes (pedalsteelgitar).^[6]^[7] The First National Band spelte inn tre album i løpet av eitt år, men vart så oppløyst. Dei fekk ein radiohit med songen «Joanne».^[8]

Ware spelte òg på konsertopptak i lag med Nesmith i 1977 som kom ut på albumet Live at the Palais i 1978.

Etter First National Band vart oppløyst, spelte Ware som studiomusikar i California og turnerte med John Stewart, Hoyt Axton og Ian Matthews. I 1973 vart han igjen trommeslagar for Linda Ronstadt.^[9] I 1975 vart Ware medlem av bandet til Emmylou Harris, Hot Band, i lag med Glen D. Hardin, James Burton, Hank Devito, Emory Gordy jr. og Rodney Crowell. Ware spelte med Harris fram til 1982.^[8]^[10]

I 2004 kom det originale Hot Band (med Ware) saman att for ein enkel konsert i Nashville då ASCAP gav Harris ein Founders Award.^[11]

I 2013 spelte Harris og Rodney Crowell inn eit album med duettar, Old Yellow Moon, der Ware var ein av musikarane..^[12]^[13]

I nokre månadar i 2017 var Ware medlem av Wild Mountain i Denver.^[14]

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

John Ware

Diskografi

Med First National Band

Med Emmylou Harris and the Hot Band

Med Wild Mountain

Som produsent

Andre

Kjelder

Bakgrunnsstoff

Wikiwand - on