Love Is Strong

«Love Is Strong» er ein song av det engelske rockebandet the Rolling Stones på albumet Voodoo Lounge frå 1994, der han er opningssporet. Han var òg den første singelen frå albumet.

«Love Is Strong» Singel av Rolling Stones frå albumet Voodoo Lounge
Utgjeve	5. juli 1994
Innspelt	Juli-august, november-desember 1993
Sjanger	Rock
Lengd	3:49
Selskap	Virgin
Låtskrivar(ar)	Jagger/Richards
Produsent	Don Was & The Glimmer Twins
Rolling Stones-kronologi
«Ruby Tuesday» (1991)	«Love Is Strong»	«You Got Me Rocking» (1994)

Inspirasjon og innspeling

Songen er skriven av Mick Jagger og Keith Richards og er ein grublande song om eit møte mellom ein songar og ein ukjend person som fører til «kjærleik ved første blikk» hos songaren.

«

Your love is strong and you're so sweet; You make me hard, you make me weak; Love is strong and you're so sweet og some day, baby, we've got to meet...

»

«

What are you scared of, baby?; It's more than just a dream;I need some time; We make a beautiful team...

»

Songen vart skriven i Irland av Richards og heitte opphavleg «Love is Strange». Ron Wood, Richards, Ivan Neville og produsent Don Was arbeidde med songen, medan Jagger var på turn for å reklamere for soloalbumet Wandering Spirit. Seinare endra Richards tittelen til «Love is Strong». Den endelege utgåva vart endra ein god del av Jagger, som medverka med tekst og munnspel.

Innspelinga av songen starta i september 1993 i heimestudioet til Wood i Irland og heldt fram i A&M Recording Studios i Los Angeles i 1994.

Utgjeving

Songen vart gjeven ut som den første singelen frå albumet, men gjorde det langt frå så bra som venta. Han nådde berre så vidt inn på Billboard Hot 100 i USA, den lågaste plasseringa Rolling Stones hadde hatt på ein førstesingel til då. Ein musikkvideo vart regissert av David Fincher og er ein svartkvit video som viser gigantiske utgåver av the Stones, samt eit par vanlege folk i romantiske klemmar i New York City.

Den svake plasseringa til singelen gjorde at heller ikkje albumet selde så bra som venta, trass i positiv kritikk og etter kvart ein Grammy Award. Songen vart meir populær i Europa der han gjekk til 14. plass i Storbritannia.

The Rolling Stones spelte songen på MTV Video Music Awards i 1994.

Innhald

• 7" VS1503

1. «Love Is Strong» (albumversjon)
2. «The Storm»

• Kassett VSC1503

1. «Love Is Strong» (albumversjon)
2. «The Storm»

• CD VSCDE1503

1. «Love Is Strong» (albumversjon)
2. «The Storm»

• CD VSCDT1503 - «Special Collectors»-utgåve

1. «Love Is Strong» (albumversjon)
2. «The Storm»
3. «So Young»
4. «Love is Strong» (Bob Clearmountain Remix)

• CD VSCDX1503 - remix-utgåve

1. «Love is Strong» (Teddy Riley Radio Remix)
2. «Love is Strong» (Teddy Riley Extended Remix)
3. «Love is Strong» (Teddy Riley Extended Rock Remix)
4. «Love is Strong» (Teddy Riley Dub Remix)
5. «Love is Strong» (Joe The Butcher Club Remix)
6. «Love is Strong» (Teddy Riley Instrumental)

Salslister

Vekeslister Liste (1994) Plassering Australia (ARIA)[1] 47 Canada (RPM)[2] 2 Belgia (Ultratop 50 Flandern)[3] 18 Tyskland (Media Control AG)[4] 40 Nederland (Mega Single Top 100)[5] 6 New Zealand (RIANZ)[6] 12 Noreg (VG-lista)[7] 3 Sverige (Sverigetopplistan)[8] 27 Sveits (Schweizer Hitparade)[9] 29 UK Singles (Official Charts Company)[10] 14 US Billboard Hot 100[11] 91 US Mainstream Rock (Billboard)[12] 2

Årslister Liste (1994) Plassering Canada Top Singles (RPM)[13] 19