Ragged Glory

Ragged Glory er det 21. albumet til Neil Young og Crazy Horse, gjeve ut på Reprise Records den 9. september 1990.

Ragged Glory Studioalbum av Neil Young & Crazy Horse
Språk	engelsk
Utgjeve	9. september 1990[1]
Innspelt	April 1990
Studio	Plywood Digital i Woodside (utanom «Mother Earth»: The Hoosier Dome)
Sjanger	Garasjerock
Lengd	62:43
Selskap	Reprise
Produsent	Neil Young, David Briggs
Neil Young-kronologi
Freedom (1989)	Ragged Glory	Weld (1991)

Meldingar
Karakter
Kjelde	Karakter
AllMusic	[2]
Chicago Tribune	[3]
Encyclopedia of Popular Music	[4]
Entertainment Weekly	A–[5]
Los Angeles Times	[6]
MusicHound Rock	4/5[7]
Rolling Stone	[8]
The Rolling Stone Album Guide	[9]
Spin Alternative Record Guide	8/10[10]
The Village Voice	A–[11]

Innspeling

Ragged Glory vart spelt inn i april 1990 på ranchen til Young, Broken Arrow. Bandet spelte eit sett med songar to gonger om dagen i eit par veker (og repeterte aldri same songen i eitt sett), gjekk så attende og valde ut dei beste versjonane. I følgje Young tok denne tilnærmingsmåten «analysen» ut av innspelinga, og gjorde at dei kunne spele utan å tenkje for mykje.^[12]

Musikk og tekst

Albumet har ein liknande hardrockstil som Young spelte med Crazy Horse på Everybody Knows This Is Nowhere og Zuma. Den dominerande lyden på albumet var den støyande gitaren til Young, medan Crazy Horse heldt songane i eit livleg tempo. Trass i volumet er songane i følgje Allmusic fengande med sterke melodiar og gode refreng.^[13] Dei første to songane er songar som Young og Crazy Horse opphavleg skreiv og spelte i 1970-åra og «Country Home» vart mellom anna spelt på turneen deira i 1976. «Farmer John» er ein coverversjon av ein 60-talslåt, skriven og framført av R&B-duoen Don and Dewey og garagebandet The Premiers. Young innrømde at songen «Days that Used to Be» er inspirert av Bob Dylan sin «My Back Pages».^[14] Songen «Mother Earth (Natural Anthem)» er folkesongen «The Water is Wide» med ny tekst om miljøvern. Albumet inneheld mange lange gitarsoloar og to songar er meir enn ti minuttar lange, og heile plata varer over ein time fordelt på berre ti songar.

Utgjeving

Albumet nådde 31. plass på den amerikanske albumlista.

CD-singelen frå albumet, «Mansion on the Hill», inneheld ein song som ikkje kom ut andre stader, «Don't Spook the Horse» (7:36). «F*!#in' Up» vart ofte spelt av Pearl Jam live.

Ragged Glory II

I desember 2018 fortalte Young på nettsida si at i prosessen med å ommastre albumet, så oppdaga lydteknikaren John Hanlon 38 minuttar med musikk frå innspelingane som ikkje var gjevne ut før. Desse songane, kalla Ragged Glory II, er venta å kome ut i 2019.

Innhald

Nr.	Tittel	Lengd
1.	«Country Home»	7:05
2.	«White Line»	2:57
3.	«F*!#in' Up[15]»	5:54
4.	«Over and Over»	8:28
5.	«Love to Burn»	10:00
6.	«Farmer John» (Don Harris, Dewey Terry)	4:14
7.	«Mansion on the Hill»	4:48
8.	«Days That Used to Be»	3:42
9.	«Love and Only Love»	10:18
10.	«Mother Earth (Natural Anthem)»	5:11

Alle spor skrivne av Neil Young, bortsett frå der andre er nemnde

Medverkande

• Neil Young - gitar, vokal
• Frank Sampedro - gitar, vokal
• Billy Talbot - bassgitar, vokal
• Ralph Molina - trommer, vokal

Salslister

Album

År	Liste	Plassering
1990	The Billboard U.S. 200	31[16]

Singel

År	Singel	Liste	Peak Position
1990	«Mansion on the Hill»	Billboard Mainstream Rock Tracks	3
	«Over and Over»	Billboard Mainstream Rock Tracks	33