Rahat

Rahat (arabisk رهط, hebraisk skrift רַהַט) er ein hovudsakleg beduinsk by i Det sørlege distriktet i Israel. I følgje Israelsk statistisk sentralbyrå (CBS) hadde han i desember 2011 eit folketal på 54 882^[1][3] Han er dermed den største beduin-busetnaden i verda, og den einaste i Israel som har bystatus.

Dromedar ved Rahat.

Rahat
רַהַט, رهط
by
Våpenskjold
Namneopphav: Ro
Land	Israel
Distrikt	Det sørlege distriktet
Koordinatar	31°23′33″N 34°45′16″E
Areal	19,586 km²
Folketal	53 095  (2010)[1]
Folketettleik	2 711 / km²
Grunnlagd	1972
•  Bystatus	1994
Borgarmeister	Fayez Abu Sahiban[2]
Rahat 31.3925°N 34.754444444444°E / 31.3925; 34.754444444444
Kart som viser Rahat. Kart som viser Rahat.
Wikimedia Commons: Rahat

Han er ein av sju beduin-busetnader i Negevørkenen med godkjende planar og utvikla infrastruktur, i lag med Hura, Tel as-Sabi (Tel Sheva), Ar'arat an-Naqab (Ar'ara BaNegev), Lakiya, Kuseife (Kseife) og Shaqib al-Salam (Segev Shalom).^[4]

Byen har i alt 33 bydelar. Alle utan om ein bydel består av heilt fråskilde beduin-klanar. Mellom kvar bydel er det ein wadi. Byen har òg ein marknad, offentlege og kommersielle tenester, parkar og offentlege område og fleire moskéar.^[5][6]

Historie

Arkeologisk stad i Rahat, 1600 år gammalt.

Nabolag og hovudmoskeen i Rahat.

Regionen kring byen er formelt eigd av Al-Tayaha-stamma (Al-Hezeel-klanen) og fram til 1972 vart byen kalla Al-Hezeel (arabisk الهزيل) før han endra namn.

I 1972 vart Rahat rekna som ein ny busetnad for beduinar som budde i området utan permanent bustad. Fram til 1980 var Rahat ein del av Bnei Shimon regionale kommune og frå då og fram til 1994 var han ein lokal kommune. I 1994 vart han den første beduinbyen i Israel som fekk bystatus.

Galleri

• 
  Eit av samfunnshusa i Rahat
• 
  Privathus i Rahat
• 
  Rahat
• 
  Gatene i Rahat
• 
  Eit legekontor i Rahat