Sark

Sark^[b] er ei lita øy sørvest i den engelske kanalen. Ho er ei av Kanaløyane og høyrer til Bailiwick of Guernsey og er slik ein britisk kroneigedom. Øya har kring 600 innbyggjarar. Hovudnæringa er turisme, handverk og finans. Sark har eit areal på 5,45 km²^[2] og var det siste europeiske området som avskaffa føydalismen, i 2008.

Sark
Sèr Sercq
øy
Flagg Symbol
Nasjonalsong: God Save the King
Land	Guernsey
Hovudstad	La Seigneurie[a]
Areal	5,5 km²
Folketal	562 (27. april 2022)[1]
Språk	engelsk, fransk
Tidssone	GMT
Retningsnummer	44 (0)1481
Domene	.gg
Sark 49.433055555556°N 2.3608333333333°W / 49.433055555556; -2.3608333333333
Kart som viser Sark. Kart som viser Sark.
Wikimedia Commons: Sark

Sark består av to hovuddelar, Greater Sark, og Little Sark i sør. Dei er knytte til kvarandre med eit smalt eid, La Coupée, som er 90 meter langt og har eit bratt fall på 100 meter på kvar side.^[3]. Det vart sett opp rekkverk i 1900. Før dette måtte born krype over for å ikkje blese utfor kanten. Det går ein smal betongveg over eidet, bygd av tyske kringsfangar i 1945.

Det høgaste punktet på Sark er 114 meter over havet.^[3] Det står ei vindmølle frå 1571 på dette punktet, men segla vart fjerna under den første verdskrigen. Dette er òg det høgaste punktet i heile Bailiwick of Guernsey.

La Coupée er eit smalt eid mellom Greater og Little Sark.

Merknader

1. Bustaden til leiaren. Sark har ikkje hovudstad.
2. fransk Sercq, sercquiais Sèr