Sarmin

Sarmin (arabisk سرمين) er ein by nordvest i Syria i Idlib guvernement, 15 kilometer søraust for Idlib. Han ligg kring 390 meter over havet. Av stader i nærleiken finn ein Binnish i nord, Talhiyah i nordaust, Iffis i aust, Saraqib i søraust og al-Nayrab i sør. I følgje Syrisk statistisk sentralbyrå (CBS), hadde Sarmin eit folketal på 14 530 i 2004. Han er den einaste staden i Sarmin nahiyah («underdistrikt»).^[1] Innbyggjarane er hovudsakleg sunnimuslimar.^[2]

Sarmin
سرمين
by
Land	Syria
Guvernement	Idlib
Distrikt	Idlib
Nahiyah	Sarmin
Høgd	390 moh.
Koordinatar	35°54′N 36°43′E
Folketal	14 530  (2004)[1]
Sarmin 35.9°N 36.716666666667°E / 35.9; 36.716666666667
Kart som viser Sarmin. Kart som viser Sarmin.

Historie

Mellomalderen

Sarmin var åstad for eit stort slag mellom krossfararane og seldsjukk-tyrkarane. På 1200-talet vart byen hylla, men var liten, og innbyggjarane var ismailittar, i følgje Yaqut al-Hamawi.^[3] Ajjubide-herskaren i Hama og den lærde Abu'l-Fida skildra Sarmin som ein my med mykje land og område med særs fruktbar jord. Byen hadde ingen bymuyrar, og ein Jami-moské.^[3] I 1355 vart Sarmin vitja av Ibn Batutah, som skreiv om dei mange trea, hovudsakleg oliven, som voks der. Det vart laga såpe og såpa vart eksportert til Damaskus og Kairo. I tillegg vart ei parfyrmert såpe, farga raud og gul, laga. Det vart òg laga bomullsprodukt. På denne tida var det ein fin moské i Sarmin med ni kuplar.^[3]

Den syriske borgarkrigen

Han vart bomba under den syriske borgarkrigen og ein av moskéane vart hardt skadd.^[4]