Somewhere in Time av Iron Maiden

Somewhere in Time er det sjette studioalbumet til det engelske heavy metal-bandet Iron Maiden, gjeve ut den 29. september 1986 på EMI i Europa og systerselskapet Capitol Records i Nord-Amerika. Albumet er oppfølgjaren til det særs populære albumparet Powerslave/Live After Death, og var det første albumet der dei nytta gitarsynthesizerar.^[6]

Somewhere in Time Studioalbum av Iron Maiden
Språk	engelsk
Utgjeve	29. septemmber 1986
Innspelt	1986 i Compass Point Studios i Nassau på Bahamas og Wisseloord Studios i Hilversum i Nederland
Sjanger	Heavy metal
Lengd	51:18[1]
Selskap	EMI Capitol (Nord-Amerika)
Produsent	Martin Birch
Iron Maiden-kronologi
Powerslave (1984)	Somewhere in Time	Seventh Son of a Seventh Son (1988)
Singlar frå Somewhere in Time
«Wasted Years» Utgjeve: 6. september 1986 «Stranger in a Strange Land» Utgjeve: 22. november 1986

Meldingar
Karakter
Kjelde	Karakter
AllMusic	[2]
Collector's Guide to Heavy Metal	7/10[3]
Kerrang!	5/5[4]
Sputnikmusic	4.5/5[5]

Etter utgjevinga har albumet seld til platinaplate i USA for over ein million selde eksemplar.^[7]

Somewhere on Tour var namnet på turneen etter albumet.

Bakgrunn, låtskriving og innspeling

Somewhere in Time er det første studioalbumet til bandet etter den omfattande World Slavery-turneen i 1984-1985, som var fysisk slitsam for bandet,^[8] og bestod av 187 konsertar i løpet av 331 dagar.^[9][10] Utmattinga etter turneen har fått skulda for at vokalisten Bruce Dickinson ikkje bidrog med songar på albumet og fekk sine ting avvist av resten av bandet.^[11] Dickinson hadde skrive fleire «akutisk-baserte» songar, og forklarte at «eg følte at me hadde kome opp med vårt Physical Graffiti eller Led Zeppelin IV ... me måtte nå eit nytt nivå eller så kom me til å stagnere og drive bort,» sjølv om bassisten og hovudlåtskrivaren Steve Harris sa «eg trudde han hadde mista det fullstendig. Han var truleg meir utbrend enn me andre på slutten av turneen.»^[11] På den andre sida er albumet kjend for dei gode songane til gitaristen Adrian Smith,^[12] som skreiv begge singlane på albumet: «Wasted Years» og «Stranger in a Strange Land». Den sistnemnte songen var den einaste på plata der dei ikkje nytta synthesizerar.^[13]

Etter World Slavery-turneen tok gruppa ein fire månader lang ferie, som Harris, Smith og gitaristen Dave Murray brukte til å eksperimentere med nytt utstyr.^[6] Resultatet markerte ei endring i stilen til Iron Maiden, sidan det vart første gongen dei brukte gitar-synthesizerar. På den neste utgjevinga deira, Seventh Son of a Seventh Son i 1988, vart effektane skapt av klaverinstrument.^[14] På grunn av ferien vart dette det første studioalbumet deira som ikkje kom ut eit år etter det førre. Bandet insisterte på at dei ønskte nok tid for å få det rett.^[6] Det var òg eit av dei dyraste albuma dei spelte inn, med bass og trommer spelte inn på Bahamas, gitarar og vokal i Nederland, medan miksinga fann stad i New York.^[6]

Sjølv om «rom og tid» er vanlege tema på dette albumet, med songar som «Wasted Years», «Caught Somewhere in Time», «Stranger in a Strange Land» og «Deja-Vu», tenkte aldri bandet at det skulle bli eit konseptalbum, og Harris sa, «Me gjekk garantert ikkje inn der og sa, 'Ok, la oss skrive mange songar om temaet tid.'»^[15] Dei fleste av songane på albumet forsvann frå konsertsetlistene til bandet kort tid etter den påfølgjande turneen, men «Wasted Years» og «Heaven Can Wait» har ofte blitt spelt sidan den gongen. Under «Heaven Can Wait» har dei ofte teke grupper av lokale fans og kjendisar opp på scenen for å syngje partiet i midten av songen.^[16]

Hyllestalbumet Maiden Heaven: A Tribute to Iron Maiden, gjeve ut av musikkmagasinet Kerrang! i 2008, inneheld to songar frå albumet: «Wasted Years» av DevilDriver og «Caught Somewhere in Time» av Madina Lake.^[17]

Plateomslag

Plateomslaget for Somewhere in Time vart skapt av den faste kunstnaren til bandet, Derek Riggs, og syner ein cyborg-liknande Eddie i eit futuristisk Blade Runner-inspirert miljø.^[18] Som plateomslaget på Powerslave inneheld omslaget ei rekkje referansar til tidlegare Maiden-album og songar.^[19]

Innhald

Side ein

Nr.	Tittel	Låtskrivar(ar)	Lengd
1.	«Caught Somewhere in Time»	Steve Harris	7:22
2.	«Wasted Years»	Adrian Smith	5:06
3.	«Sea of Madness»	Smith	5:42
4.	«Heaven Can Wait»		7:24

Side to

Nr.	Tittel	Låtskrivar(ar)	Lengd
5.	«The Loneliness of the Long Distance Runner»		6:31
6.	«Stranger in a Strange Land»	Smith	5:43
7.	«Deja-Vu»	Dave Murray, Harris	4:55
8.	«Alexander the Great»		8:35
Total lengd			51:18

Bonus-CD frå 1995-utgåva

Nr.	Tittel	Låtskrivar(ar)	Lengd
1.	«Reach Out»	Dave Colwell	3:31
2.	«Juanita» (Opphavleg spelt av Marshall Fury)	Steve Barnacle, Derek O'Neil	3:47
3.	«Sheriff of Huddersfield» (Basert på ein gammal Urchin-song kalla «Life in the City»)	Harris, Bruce Dickinson, Smith, Murray, Nicko McBrain	3:35
4.	«That Girl» (Opphavleg spelt av FM)	Andy Barnett, Pete Jupp, Merv Goldsworthy	5:07

Medverkande

Henta frå plateomslaget.^[1][20]

Iron Maiden

• Bruce Dickinson – vokal
• Dave Murray – gitar, gitar-synthesiser
• Adrian Smith – gitar, gitar-synthesiser, korvokal, solovokal på «Reach Out»
• Steve Harris – bassgitar, bass-synthesiser
• Nicko McBrain – trommer

Produksjon

• Martin Birch – produsent, lydteknikar, miksing, lydbandoperatør
• Bruce Buchhalter – andre lydteknikar
• Sean Burrows – assisterande lydteknikar (Compass Point Studios)
• Albert Boekholt – assisterande lydteknikar (Wisseloord Studios)
• Ronald Prent – assisterande lydteknikar (Wisseloord Studios)
• George Marino – mastering
• Derek Riggs – illustrasjon på omslaget
• Aaron Rapoport – fotografi
• Rod Smallwood – management, konsept for plateomslaget
• Andy Taylor – management

Lister

Album Land Liste (1986) Plassering Austerrike Ö3 Austerrike Topp 40 10[21] Finland Den finske albumlista 1[22] New Zealand RIANZ 5[23] Noreg VG-lista 8[24] Sverige Sverigetopplistan 6[25] Sveits Hitparade 22[26] Storbritannia Offisiell albumliste 3[27] USA Billboard 200 11[28] Land Liste (1987) Plassering Austerrike Ö3 Austerrike Topp 40 29[21] Land Liste (1998) Plassering Tyskland Media Control Charts 8[29] Land Liste (2010) Plassering Hellas IFPI Hellas 39[30] Land Liste (2013) Plassering Finland Den finske albumlista 42[31] Tyskland Media Control Charts 95[32] Noreg VG-lista 26[24] Sverige Sverigetopplistan 34[25]

Singlar Singel Liste (1986) Plassering Album «Wasted Years» Irish Singles Chart 11[33] Somewhere in Time UK Singles Chart 18[34] «Stranger in a Strange Land» Irish Singles Chart 18[33] UK Singles Chart 22[35] Singel Liste (1990) Plassering Album «Wasted Years/Stranger in a Strange Land» UK Albums Chart[merk 1] 9[36] — Fotnotar Nyutgjeving av begge singlane som ein del av The First Ten Years. Strekte seg over tidsgrensa til UK Singles chart.

Salstrofé

Region	Salstrofé	Salstal
Brasil (ABPD)[37]	Gull	100 000*
Canada (Music Canada)[38]	2× Platina	200 000^
Tyskland (BVMI)[39]	Gull	250 000^
Storbritannia (BPI)[40]	Gull	100 000^
USA (RIAA)[41]	Platina	1 000 000^
^salstala er basert på sertifiseringa aleine