Stormbringer av Deep Purple

Stormbringer er det niande studioalbumet til den engelske rockegruppa Deep Purple, gjeve ut i november 1974. Det var andre studioalbuma til bandet med Mark III-besetninga, inkludert vokalist David Coverdale og bassist/vokalist Glenn Hughes.

Stormbringer Studioalbum av Deep Purple
Språk	engelsk
Utgjeve	8. november 1974[1]
Innspelt	August–september 1974
Studio	Musicland (München) Record Plant (Los Angeles)
Sjanger	Hardrock funkrock bluesrock
Lengd	36:31
Selskap	Purple
Produsent	Martin Birch & Deep Purple
Deep Purple-kronologi
Burn (1974)	Stormbringer	Come Taste the Band (1975)
Singlar frå Stormbringer
«You Can't Do It Right» Utgjeve: 29. november 1974 (USA)[2] «Lady Double Dealer» Utgjeve: Desember 1974 (Japan) «Stormbringer» Utgjeve: Januar 1975[3]

Plateomslag og tittel

Omslagsbildet til Stormbringer er basert på eit fotografi. Den 8. juli 1927 vart ein tornado i nærleiken av byen Jasper i Minnesota fotografert av Lucille Handberg.^[4] Fotografiet hennar har vorte eit klassisk bilete,^[5] og vart brukt og redigert til dette plateomslaget. Det same fotografiet vart brukt til Miles Davis-albumet Bitches Brew i 1970 og Siouxsie and the Banshees-albumet Tinderbox i 1986.

Stormbringer er namnet på den andre Elric of Melniboné-romanen av Michael Moorcock. Det er namnet på eit magisk sverd skildra i mange romanar og teikneseriar av Moorcock og andre som naut enorm suksess på 1960- og 70-talet. David Coverdale har nekta for kjennskap til dette fram til kort tid etter innspelinga av albumet. I eit intervju med Charles Shaar Murray i New Musical Express hevda han at namnet var henta frå mytologien.^[6] Nokre år seinare samarbeidde Moorcock med Blue Öyster Cult om å skriva «Black Blade», ein song som faktisk handla om sverdet Stormbringer.^[7]

Ifølgje Glenn Hughes er det utydelege kaudervallet som Coverdale seier i byrjinga av tittelsporet, rett før første vers, den same baklengs-dialogen som Linda Blair sin rollefigur uttaler i filmen Eksorsisten, når ho blir avhøyrd av presten.^[8]

Utgjeving og mottaking

Meldingar
Karakter
Kjelde	Karakter
AllMusic	[9]
Blogcritics	(positiv)[10]
Džuboks	(positiv)[11]
Record Collector	[12]
Rolling Stone	(middels)[13]

I ei retrospektiv melding skriv Alex Henderson i AllMusic at «Stormbringer ikkje når opp til Machine Head og Who Do We Think We Are, men kan likevel skilta med nokre klare klassikarar - mellom anna den heftige 'Lady Double Dealer', den illevarslande tittellåten (ein goth metal-skatt), den sveitten 'High Ball Shooter' og den melankolske balladen 'Soldier of Fortune'.»^[9]

Gitaristen Ritchie Blackmore forlét Deep Purple etter Stormbringer og den følgjande turneen, og grunngav det offentleg med at han ikkje likte den funky retninga bandet tok.^[14] Glenn Hughes rosar likevel albumet og Blackmore sine bidrag: «Folk som høyrer på Stormbringer, vêr så snill å høyr etter... Ritchie Blackmore er jævlig funky, anten han liker det eller ikkje. Han spelte fantastisk på albumet.»^[15]

Nyutgivingar

I 1990 vart albumet ommastra og gitt ut på ny i USA av Metal Blade Records, med distribusjon av Warner Bros..

Friday Music-selskapet gav ut ein versjon i USA 31. juli 2007 (saman med Made in Europe og Come Taste the Band). Det er uklart kva band som vart brukte som kjelde for denne utgivinga, men nettsida til plateselskapet hevdar at albumet vart digitalt ommastra (men ikkje utvida).

I tillegg samarbeidde EMI (plateselskapet til Deep Purple for store delar av verda utanfor USA) med Glenn Hughes om ein ommastra, utvida versjon av albumet (til liks med Burn-nyutgivinga) som inkluderte bonusremiksar og alternative opptak.

Den 23. februar 2009 vart 35-årsjubileumsutgåva av Stormbringer gitt ut berre for det europeiske/internasjonale marknaden. Utgivinga vart utvida til eit avgrensa opplag på to plater: den første plata inneheldt heile det ommastra albumet saman med dei nye remixene, og den andre plata var ein DVD som inneheldt den kvadrofoniske miksen i 5.1-lyd slik den opphavleg vart gitt ut i USA på 8-sporsband i 1974. Etter eit avgrensa opplag av CD/DVD-utgåva vart albumet tilgjengeleg i ei enkelt CD-utgåve. Det vart òg gitt ut ein avgrensa, dobbel vinylutgåve.

I populærkulturen

Songen «Stormbringer» blir brukt i seriefinalen av den amerikanske TV-serien Ash vs. Evil Dead.^[16]

Innhald

Side ein

Nr.	Tittel	Låtskrivar(ar)	Lengd
1.	«Stormbringer»	Ritchie Blackmore, David Coverdale	4:03
2.	«Love Don't Mean a Thing»	Blackmore, Coverdale, Glenn Hughes, Jon Lord, Ian Paice	4:23
3.	«Holy Man»	Coverdale, Hughes, Lord	4:28
4.	«Hold On»	Coverdale, Hughes, Lord, Paice	5:05

Side to

Nr.	Tittel	Låtskrivar(ar)	Lengd
1.	«Lady Double Dealer»	Blackmore, Coverdale	3:19
2.	«You Can't Do It Right (With the One You Love)»	Blackmore, Coverdale, Hughes	3:24
3.	«High Ball Shooter»	Blackmore, Coverdale, Hughes, Lord, Paice	4:26
4.	«The Gypsy»	Blackmore, Coverdale, Hughes, Lord, Paice	4:05
5.	«Soldier of Fortune»	Blackmore, Coverdale	3:14

Bonusspor på 35-årsjubileumsutgåva

Nr.	Tittel	Lengd
10.	«Holy Man» (remix)	4:32
11.	«You Can't Do It Right» (remix)	3:27
12.	«Love Don't Mean a Thing» (remix)	5:07
13.	«Hold On» (remix)	5:11
14.	«High Ball Shooter» (instrumental)	4:30

Medverkande

Deep Purple

• Ritchie Blackmore – sologitar
• David Coverdale – solovokal (alle utanom «Holy Man»), korvokal
• Glenn Hughes – bassgitar, solovokal («Holy Man»), korvokal (alle utanom «Soldier of Fortune»)
• Jon Lord – orgel, klaverinstrument, elektrisk piano, korvokal
• Ian Paice – trommer, perkusjon

Produksjon

• Produsert av Deep Purple og Martin Birch.
• Spelt inn i Musicland Studios i München i august 1974.
• Lydteknikarar: Martin Birch, assistert av Reinhold Mack og Hans Menzel.
• Ytterlegare innspeling og lydmiksing av Martin Birch og Ian Paice, assistert av Gary Webb og Garry Ladinsky på The Record Plant, Los Angeles i september 1974.
• Mastra hos Kendun Recorders i Burbank i California
• Jubileumsutgåva digital mastra og ommastring av Peter Mew i Abbey Road Studios, London.
• Remiksar til «35-årsjubileumsutgåva» miksa av Glenn Hughes med Peter Mew i Abbey Road Studios, London, 3. november 2006
• «High Ball Shooter» (instrumental) miksa av Gary Massey i Abbey Road Studios, London, april 2002.
• Opphavleg Quad-miks av Gary Ladinsky i The Record Plant, oktober 1974.
• Omformatert for 5.1-kringlyd av Peter Mew i Abbey Road Studios, London, februar 2008^[6]

Salslister

Vekeslister Liste (1974-1975) Plassering Australske album (Kent Music Report)[17] 8 Austerrikske album (Ö3 Austria)[18] 4 Canada Top Albums/CDs (RPM)[19] 7 Den danske albumlista[20] 6 Finland (The Official Finnish Charts)[21] 6 Den franske albumlista (SNEP)[22] 5 Tyske album (Offizielle Top 100)[23] 10 Italienske album (Musica e Dischi)[24] 5 Den japanske albumlista (Oricon)[25] 22 Newzealandske album (Recorded Music NZ)[26] 18 Norske album (VG-lista)[27] 2 Britiske album (OCC)[28] 6 US Billboard 200[29] 20

Årslister Liste (1975) Plassering Tyske album (Offizielle Top 100)[30] 31

Salstrofé

Region	Salstrofé	Salstal
Frankrike (SNEP)[31]	Gull	100 000*
Sverige (GLF)[32]	Gull	50 000^
Storbritannia (BPI)[33]	Sølv	60 000^
USA (RIAA)[34]	Gull	500 000^
*salstala er basert på sertifiseringa aleine ^salstala er basert på sertifiseringa aleine xuspesifserte tal er baserte på sertifiseringa aleine

Utmerkingar

Publikasjon	Land	Utmerking	År	Plassering
Classic Rock	Storbritannia	«100 Greatest British Rock Album Ever»[35]	2006	62