Street Fighting Years

Street Fighting Years er det åttande studioalbumet til det skotske rockebandet Simple Minds, gjeve ut i mai 1989 på plateselskapet Virgin Records verda over, utanom i USA, der det kom ut på A&M.^[1] Albumet var produsert av Trevor Horn og gjekk til topps på UK Albums Chart.^[2]

Street Fighting Years Studioalbum av Simple Minds
Språk	engelsk
Utgjeve	2. mai 1989
Innspelt	Mars 1988 – mars 1989 i Skottland
Sjanger	Poprock
Lengd	61:13
Selskap	Virgin Records (verda) / A&M (USA)
Produsent	Trevor Horn og Stephen Lipson
Simple Minds-kronologi
Live in the City of Light (1987)	Street Fighting Years	Real Life (1991)
Singlar frå Street Fighting Years
«Belfast Child» Utgjeve: 6. februar 1989 «This Is Your Land» Utgjeve: 10. april 1989 «Take a Step Back» Utgjeve: May 1989 «Kick It In» Utgjeve: 17. juli 1989 «Let It All Come Down» Utgjeve: 3. desember 1989

Innspeling

Street Fighting Years vart spelt inn på ei tid då det var endringar i Simple Minds. Det var det siste albumet med klaverspelaren og det opphavlege medlemmet Mick MacNeil.

Mangelen på likskap og sameining i bandet kom snart til syne. Trommeslagaren Mel Gaynor vart sett på sidelinja under innspelinga (visstnok på grunn av ei usemje med Trevor Horn) og vart etter kvart redusert til ein studiomusikar. Mykje av trommespelinga vart gjort av Manu Katché (frå bandet til Peter Gabriel) og Stewart Copeland (tidlegare Police). Bassisten John Giblin — som kom inn i bandet i 1985 for Once Upon a Time, slutta i bandet under eller like etter innspelinga, trass i at han hadde store bidrag til albumet (inkludert låtskrivar på balladen «Let It All Come Down»). Kvifor Giblin slutta er ikkje kjend. Noko av basspartane på albumet vart spelte av produsenten Stephen Lipson.

Musikk

Med Trevor Horn og Stephen Lipson som produsentar var albumet ei stor stilmessig endring frå det førre albumet, Once Upon a Time frå 1985. Det hadde framleis ei kjensle av den episke arenarocken bandet hadde utvikla sidan midten av 1980-åra, men gjekk òg bort frå innverknaden frå amerikansk soul og gospel frå føregangaren til ein meir filmatisk atmosfære og bruk av akustisk og keltisk element, og nye instrument som bandlaus bass, slidegitar og trekkspel. Tekstane var blitt meir politiske og dekka tema som skatt, Soweto, Berlinmren og utplasseringa av atomubåtar langs den skotske kysten.

Utgjeving

Albumet kom ut i mai 1989 og vart det fjerde albumet deira som gjekk til topps i Storbritannia.^[2] Det same gjorde singelen deira «Belfast Child», som kom ut tre månader før albumet. «This Is Your Land» vart vald ut som den første singelen i USA, men sjølv med gjestevokal av Lou Reed, gjekk ikkje singelen inn på poplista der. Albumet selde relativt dårleg i USA og gav dei ingen hitsinglar der.

For den påfølgjande turneen henta bandet inn att Mel Gaynor som trommeslagar og tok inn Malcolm Foster (frå The Pretenders) som ny bassist. MacNeil vart verande med bandet ut turneen, men slutta brått då turneen var over.

6. mars 2020 gav Simple Minds ut ein plateboks på fire CD-plater av Street Fighting Years på UMC / Virgin Domestic. Denne inkluderte originalalbumet med ommastra lyd, ei plate med B-sider, forkorta utgåver og 12"-miksar, og to plater med ein konsert frå Verona i 1989, i tillegg til ei ny bok med intervju med Trevor Horn. Delar av boksen kom òg ut på to CD-plater.^[3][4][5][6]

Mottaking

Meldingar
Karakter
Kjelde	Karakter
AllMusic	[1]
CMJ	positiv[7]
Melody Maker	positiv[8]
Rolling Stone	[9]
Q	[10]
NME	7/10
Smash Hits	6/10[11]
Martin C. Strong	5/10[12]
Sunday Mail	særs positiv[13]

Kritikarane var delte i synet på Street Fighting Years. Dei første meldingane var hovudsakleg positive i Storbritannia, medan amerikanarane var meir kritiske, der albumet òg vart ein mindre suksess.^[14] Brian Hogg skildra Street Fighting Years som utan tvil «det mest kontroversielle albumet deira.»^[15]

Magasinet Q gav albumet fem av fem stjerner og David Sinclair skreiv at dei endeleg hadde skapt ei plate som rettferdiggjorde rykte deira og hylla den hovudsakleg rolege dynamikken.^[10] Ian Gittins skreiv for Melody Maker og kommenterte den grandiose karakteren til albumet, som han samanlikna med U2-albumet Rattle and Hum. «I motsetnad til dei verkelege sjelevenene deira i U2, har ikkje The Minds skapt ein kalkun.»^[8] Han kritiserte derimot somme av songane som tomt prat.^[8] Mike Soutar skreiv i Smash Hits at albumet var «fullt med anthems som kjem til å få publikum til å reise flagga, slik alle ventar av the Minds, men sjølv om songane truleg kjem til å bli episke på konsertane deira, vil dei truleg drive deg til galskap på soverommet ditt.»^[11]

Amerikanske Rolling Stone var mindre positiv og Mark Coleman kritiserte dei for å vere politisk tomhovuda: «Street Fighting Years står som eit uheldig døme på politisert rock i sitt aller enklaste.»^[9] Han meinte òg at produksjonen var for glatt og skildra det som «så studioglatt at kvar song - om det er eit rop om å ta til våpen ('Take a Step Back') eller ein flytande, ambient meditasjon ('Let It All Come Down') – nesten glir ut av høgtalarane.»^[9]

Innhald

Alle spor skrivne av Simple Minds, utanom der andre er nemnde

Standardutgåva

Nr.	Tittel	Låtskrivar(ar)	Lengd
1.	«Street Fighting Years»		6:26
2.	«Soul Crying Out»		6:07
3.	«Wall of Love»		5:20
4.	«This Is Your Land»		6:22
5.	«Take a Step Back»		4:22
6.	«Kick It In»		6:11
7.	«Let It All Come Down»	John Giblin, Simple Minds	4:56
8.	«Mandela Day»		5:45
9.	«Belfast Child»	Simple Minds, Traditional	6:42
10.	«Biko»	Peter Gabriel	7:34

Bonusspor på CD-utgåva\

Nr.	Tittel	Lengd
11.	«When Spirits Rise»	2:03

Luksusutgåve plate 1: The Original Album

Nr.	Tittel	Låtskrivar(ar)	Lengd
1.	«Street Fighting Years»		6:26
2.	«Soul Crying Out»		6:07
3.	«Wall of Love»		5:20
4.	«This Is Your Land»		6:22
5.	«Take a Step Back»		4:22
6.	«Kick It In»		6:11
7.	«Let It All Come Down»	John Giblin, Simple Minds	4:56
8.	«Mandela Day»		5:45
9.	«Belfast Child»	Simple Minds, Traditional	6:42
10.	«Biko»	Peter Gabriel	7:34
11.	«When Spirits Rise»		2:03

Luksusutgåve plate 2: Edits, B-Sides and Remixes

Nr.	Tittel	Låtskrivar(ar)	Lengd
1.	«Belfast Child (edit)»
2.	«Mandela Day (edit)»
3.	«This Is Your Land (edit)»
4.	«Saturday Girl»
5.	«Year Of The Dragon»
6.	«This Is Your Land (DJ Version)»
7.	«Kick It In (edit)»
8.	«Waterfront (’89 remix)»
9.	«Big Sleep (live)»
10.	«Kick It In (Unauthorised Mix)»
11.	«Sign o' the Times (edit)»	Prince
12.	«Let It All Come Down (edit)»
13.	«Sign o' the Times»	Prince
14.	«Jerusalem»	Words: William Blake / Music: Hubert Parry
15.	«Sign o' the Times (C.J. Mackintosh Remix)»	Prince

Luksusutgåve plate 3: Verona part 1

Nr.	Tittel	Lengd
1.	«Theme For Great Cities '90»
2.	«When Spirits Rise»
3.	«Street Fighting Years (live)»
4.	«Mandela Day (live)»
5.	«This Is Your Land (live)»
6.	«Soul Crying Out (live)»
7.	«Waterfront (live)»
8.	«Ghost Dancing (live)»
9.	«Book Of Brilliant Things (live)»
10.	«Don’t You (Forget About Me) (live)»

Luksusutgåve plate 4: Verona part 2

Nr.	Tittel	Låtskrivar(ar)	Lengd
1.	«Gaelic Melody (live)»	Trad.
2.	«Kick It In (live)»
3.	«Let It All Come Down (live)»
4.	«Belfast Child (live)»
5.	«Sun City (live)»	Little Steven
6.	«Biko (live)»	Peter Gabriel
7.	«Sanctify Yourself (live)»
8.	«East At Easter (live)»
9.	«Alive And Kicking (live)»

Medverkande

Simple Minds Jim Kerr – solovokal Charlie Burchill – akustisk og elektrisk gitar Mick MacNeil – piano, trekkspel, klaverinstrument Andre medverkande John Giblin – bassgitar og bandlaus bassgitar, kontrabass (1) Stephen Lipson – ekstra bassgitar, produsent Manu Katché – trommer (1, 2, 9) Mel Gaynor – trommer (4, 8, 10) Stewart Copeland – LinnDrum (ikkje oppført) (3, 6) Leroy Williams – perkusjon (1, 2, 8, 9, 10) Sidney Thiam – ekstra perkusjon Abdul M'boup – ekstra perkusjon Maureen Kerr – tinnfløyte, bodhran Roger Sharp – sekkepipe Lisa Germano – fiolin (1, 4, 9) William Lithgow – cello Sheena McKenzie – cello John Altman – orkesterarrangement Lou Reed – ekstra solovokal på «This Is Your Land» Lorna Bannon – korvokal

Teknisk Dougie Cowan – teknisk master Robin Hancock – lydteknikar Guido Harari – fotografi Simon Heyworth – mastering Trevor Horn – produsent Paul Kerr – logistikk Stephen Lewis – snakking Bob Ludwig – mastering Heff Moraes – lydteknikar Martin Plant – assisterande lydteknikar Steve Ralbovsky – snakking Willie P. Richardson – snakking Danton Supple – assisterande lydteknikar Jane Ventom – koordinasjon Gary Wathen – snakking Ying Ho Au Yeung – catering

Salslister

Album

Liste (1989)	Plassering
Australian ARIA Albums Chart[16]	11
Den austerrikske albumlista[17]	3
Canadiske RPM 100 Albums[18]	24
Den nederlandske albumlista[19]	1
Den europeiske albumlista	1
Den tyske albumlista	1
Den italienske albumlista	1
New Zealand RIANZ Albums Chart[20]	4
Norske VG-lista[21]	4
Den svenske albumlista[22]	4
Den sveitsiske albumlista[23]	1
UK Albums Chart[2]	1
US Billboard 200[24]	70

Singlar

Singel	Liste (1989)	Plassering
«Belfast Child»	UK Singles Chart	1
«This Is Your Land»	UK Singles Chart	13
	US Modern Rock Tracks	12
	US Billboard Mainstream Rock	37
«Kick It In»	UK Singles Chart	15
The Amsterdam EP	UK Singles Chart	18
«Mandela Day»	US Modern Rock Tracks	17
«Take a Step Back»	US Modern Rock Tracks	14

Salstrofé

Region	Salstrofé	Salstal
Australia (ARIA)[25]	Gull	35 000^
Canada (Music Canada)[26]	Gull	50 000^
Frankrike (SNEP)[27]	2× Platina	600,000*
Tyskland (BVMI)[28]	Platina	500 000^
Italia sal i 1989		400,000[29]
Nederland (NVPI)[30]	Platina	100 000^
Spania(PROMUSICAE)[31]	Gull	50 000^
Sverige (GLF)[32]	Gull	50 000^
Sveits(IFPI Switzerland)[33]	Platina	50 000x
Storbritannia (BPI)[34]	2× Platina	600 000^
*salstala er basert på sertifiseringa aleine ^salstala er basert på sertifiseringa aleine xuspesifserte tal er baserte på sertifiseringa aleine