Sylvia Kibet

Sylvia Jebiwott Kibet (fødd 28. mars 1984) er ein tidlegare langdistanseløpar frå Kenya. Ho vann i 2009 VM-sølv på 5 000 meter, ein prestasjon ho gjentok to år seinare.

Sylvia Kibet
Statsborgarskap	Kenya
Fødd	28. mars 1984 (41 år) Kapchorwa
Idrett	friidrett
Tok del i	Sommar-OL 2008, Samveldeleikane 2010, Friidrett under Sommer-OL 2008 – 5 000 meter damer

Aktiv

Kibet enda på fjerdeplassen på 5 000-meteren under VM 2007 i Osaka, slått med fattige 0,05 sekund av landskvinna Priscah Cherono, og på ny under dei olympiske leikane i Bei Jing året etter. Også då ho i Bislett Games 2009 sette personbeste på halvmila med 14.37,7 vart Kibet nummer fire. Under verdsmeisterskapen i Berlin to månader seinare sprang ho inn til sølv på spesialdistansen, slått av landskvinna Vivian Cheruiyot. 23. mai 2010 forbetra Kibet i Shanghai den personlege rekorden til 14,31,9, enno ein gong kom ho på fjerdeplass. På 5 000 meter under VM 2011 vart det dacapo på forrige VM; Cheruiyot tok gull og Kibet sølv.

Medaljar og plasseringar i internasjonale meisterskap

• VM 2007 i Osaka: Nr 4 – 14.59,26
• OL 2008 i Beijing: Nr 4 – 15.44,9. Endra til nr 3 og bronsemedalje i 2017 da Elvan Abeylegesse mista medaljen på grunn av doping.^[1]
• VM 2009 i Berlin: Sølvmedalje – 14.58,3, bakom Vivian Cheruiyot (14.57,9)
• VM 2011 i Daegu: Sølvmedalje – 14.56,2, bakom Vivian Cheruiyot (14.55,3)