The Millennium Bell

The Millennium Bell er det tjuande studioalbumet til den engelske musikaren Mike Oldfield, gjeve ut i 1999. Temaet på albumet er tankar omkring forskjellige periodar i historia. Albumet kom ut like før tusenårsskiftet og fekk namn etter dette og Tubular Bells-serien hans. Oldfield framførte verket på ein konsert i høve nyårsfeiringa 31. desember 1999.

The Millennium Bell Studioalbum av Mike Oldfield
Utgjeve	26. november 1999
Innspelt	Roughwood Studios, Abbey Road Studios, London 1999
Sjanger	Progressiv rock, new-age, verdsmusikk
Lengd	45:03
Selskap	Warner
Produsent	Mike Oldfield
Mike Oldfield-kronologi
Guitars (1999)	The Millennium Bell	Tr3s Lunas (2002)

Meldingar
Karakter
Kjelde	Karakter
Allmusic	[1]

Innspeling, utgjeving og konserten

Oldfield spelte inn det meste av albumet i heimestudioet sitt, Roughwood Studios i Berkshire, og orkesteret på berre ein dag i Abbey Road Studios i London med London Session Orchestra.

Det var det tredje albumet til Oldfield på berre eitt år, etter Tubular Bells III seint i 1998 og Guitars tidlegare i 1999. Det var det tredje albumet til Oldfield som kom ut på MiniDisc-formatet, etter Tubular Bells og Tubular Bells II, som begge kom på MiniDisc i 1992.

Det vart halde ein gratiskonsert av siste halvdel av albumet, i tillegg til somme eldre spor, i Berlin på nyårsaftan 1999, med eit publikum estimert til kring ein halv million menneske.^[2] Denne konserten kom sidan ut på DVD (og seinare CD) under tittelen The Art in Heaven Concert.

Hovudtemaet på The Millennium Bell er eit syn på viktige hendingar gjennom historia og forskjellige sider ved mennesket. Musikalsk er albumet variert, frå majestetiske kor og filmaktig orkestermusikk til new-age-aktige lydlandskap og etniske lydar til sterke pulsar av elektronisk perkusjon.

Innhald

Alle spor skrivne av Mike Oldfield

Nr.	Tittel	Lengd
1.	«Peace on Earth»	4:10
2.	«Pacha Mama»	4:05
3.	«Santa Maria»	2:44
4.	«Sunlight Shining Through Cloud»	4:33
5.	«The Doge's Palace»	3:07
6.	«Lake Constance»	5:16
7.	«Mastermind»	3:03
8.	«Broad Sunlit Uplands»	4:03
9.	«Liberation»	2:38
10.	«Amber Light»	3:42
11.	«The Millennium Bell»	7:37

Medverkande

• Mike Oldfield – musikar, komponist og produsent.
• London Session Orchestra
• The London Händel Choir
• The Grant Gospel Choir
• Nicola Emmanuelle – vokal
• David Serame – vokal
• Miriam Stockley – vokal
• Camilla Darlow – vokal
• Andrew Johnson – vokal
• Gota Yashiki – trommer
• Martay – vokal
• Pepsi Demacque – vokal
• Greta Hegerland-Oldfield – forteljing
• DJ Pippi – Arrangement
• Robyn Smith – Dirigent, arrangør
• Ben Darlow – lydteknikar

Salslister

Liste (1999)	Plassering
Austria	43
Tyskland	39
Sveits	94

Salstrofé og salstal

Region	Salstrofé	Salstal
Spania(PROMUSICAE)[3]	Platina	100 000^
*salstala er basert på sertifiseringa aleine ^salstala er basert på sertifiseringa aleine xuspesifserte tal er baserte på sertifiseringa aleine