Victim of Changes

«Victim of Changes» er ein song av det britiske heavy metal-bandet Judas Priest frå studioalbumet Sad Wings of Destiny i 1976. Adrien Begrand, som skreiv for PopMatters, hevda at songen endra løpet for heavy metal-historia.^[1] Gitarspelinga er òg vidkjend,^[2] og Bob Gendron hylla «jordras-riffa» i Chicago Tribune.^[3] Den «episke» songen har blitt ein Judas Priest-klassikar,^[4] og Martin Popoff førte songen på 17. plassen på lista over dei 500 beste heavy metal-songane gjennom tidene.^[5]

Victim of Changes Song av Judas Priest frå albumet Sad Wings of Destiny
Utgjeve	23. mars 1976
Innspelt	Mars - juli 1975 Rockfield Studios i Wales
Sjanger	Heavy metal, progressiv rock
Lengd	7:47
Selskap	Gull
Komponist	Al Atkins, Glenn Tipton, Rob Halford, K. K. Downing
Låtskrivar(ar)	Al Atkins Rob Halford K.K. Downing Glenn Tipton
Produsent	Jeffery Calvert Max West Judas Priest

Songen er ein kombinasjon av to songar av to Judas Priest-songarar: «Whiskey Woman»^[1] av Priest-grunnleggjaren Al Atkins, og «Red Light Lady» av den seinare songaren Rob Halford.^[6] Konsertversjon av songen finst på fleire av konsertalbuma til Judas Priest, som Unleashed in the East, '98 Live Meltdown og Live in London.

Andre versjonar

• San Francisco Bay-bandet Forbidden framførte songen live på «Raw Evil - Live at the Dynamo» i 1989.
• Det tyske power metal-bandet Gamma Ray gav ut ein song som bonusspor på albumet Somewhere Out in Space i 1997.
• Al Atkins, den tidlegare songaren i Judas Priest og medlåtskrivar på songen, spelte inn songen i 1998 for albumet med same namn.
• Mushroomhead spelte songen live i 1997.
• Judas Cradle spelte songen i 2012.