What in the World

«What in the World» er ein song av David Bowie frå albumet Low i 1977. Songen vart sidan spelt på fleire turnear, mellom anna 1978-turneen.

What in the World Song av David Bowie frå albumet Low
Utgjeve	14. januar 1977
Innspelt	September til november 1976
Sjanger	Art rock krautrock elektronisk rock
Lengd	2:23
Selskap	RCA
Låtskrivar(ar)	David Bowie
Produsent	David Bowie og Tony Visconti

«What in the World» syner noko av låtskrivinga og produksjonsteknikkane til Bowie frå Berlin-tida. Songen er, som andre songar på Low, usamanhengande, med tilsynelatande tilfeldige setningar og frie assosiasjonar i teksten.^[1]

Det vert nytta mykje synthesizer og platestudioteknikkar, kraftig påverka av arbeidet med Brian Eno, som han samarbeidde med på albumet. Ein «blipp»-liknande lyd som minnar om lydar frå det seinare Pac-man og Nintendo Entertainment System pulserer gjennom songen, som i lag med ein særs rytmisk gitarsolo, skapar eit rasande tempo. Tony Visconti nyttar òg kraftige effektar på trommene til Dennis Davis. Iggy Pop syng korvokal på songen. Pop-albumet The Idiot vart spelt inn like før Low i same studioet, og var produsert av Bowie med mange av dei same musikarane.

Konsertversjonar

• Eit konsertopptak frå Isolar II-turneen i Philadelphia Spectrum, 28.-29. april 1978, vart gjeven ut på konsertalbumet Stage. For å gjere songen meir tilgjengeleg, vart han gjort over dobbelt så langt. Først vart songen spelt i eit langt rolegare tempo, før han vart repetert i same tempo som på albumet. Eit anna konsertopptak frå den same turneen kom ut på Welcome to the Blackout, gjeve ut i 2018.
• Eit konsertopptak frå 12. september 1983 under Serious Moonlight-turneen kom ut på konsertfilmen med same namn og på konsertalbumet Serious Moonlight (Live '83), som var ein del av plateboksen Loving the Alien (1983–1988) i 2018 og som eit separat album i 2019.

Medverkande

• Produsent:
  • Tony Visconti
• Musikarar:
  • David Bowie: solovokal
  • Carlos Alomar: rytmegitar
  • George Murray: bass
  • Dennis Davis: trommer
  • Ricky Gardiner: sologitar
  • Brian Eno: ARP synthesizer, Rimmer E.M.I.
  • Iggy Pop: korvokal
  • Roy Young: piano, Farfisa

Andre utgjveingar

• Konsertversjonen frå Stage vart gjeven ut som B-sida til singelen «Star» i 1978.
• Den originale albumversjonen vart gjeven ut som B-sida til den amerikanske singelen «Boys Keep Swinging» i april 1979.
• Red Hot Chili Peppers, live i Auckland (14. januar 2013 i Vector Arena)

Andre versjonar

• The Blue Gitarar - Singel
• Gary Jones - Singel