Willy Brandt-prisen

Willy Brandt-prisen, på tysk der Willy-Brandt-Preis, er ein pris som blir delt ut av Den norsk-tyske Willy Brandt-stiftinga (die Norwegisch-Deutsche Willy-Brandt-stiftsung) kvart år sidan innstiftinga i 2000.^[1][2] Han går til personar eller institusjonar som har gjort ein særs fortenestefull innsats for å fremja dei tysk-norske sambanda på sine felt.

Willy Brandt-prisen
Namnsett etter	Willy Brandt
Tildelt av	Norwegisch-Deutsche Willy-Brandt-Stiftung
Skipa	2000

Prisen er oppkalla etter den tidlegare tyske forbundskanslaren Willy Brandt (1913–1992).

Prismottakarar

2000

• Jahn Otto Johansen, norsk journalist^[3]
• Gabriele Haefs, tysk omsetjar^[3]

Prisen vart overrekt av forbundskanslar Gerhard Schröder og statsminister Jens Stoltenberg i Oslo rådhus.^[3]

2001

• Klaus Liesen, tidlegare administrerande direktør i Ruhrgas AG
• Olav Christopher Jenssen, biletkunstnar

Prisen vart delt ut av utanriksminister Thorbjørn Jagland og Berlin-ordførar Klaus Wowereit i Rathaus Schöneberg 4. juli.

2002

• Wenche Myhre, norsk songartist^[4]
• Horst Tappert, tysk skodespelar

Prisen vart delt ut av ministerpresident Harald Ringstorff og næringsminister Ansgar Gabrielsen i Bergen 27. mai.

2003

• Nils Morten Udgaard, norsk journalist^[5]
• Einhart Lorenz, tysk historikar, professor^[6]

Prisen vart delt ut av kulturminister Valgerd Svarstad Haugland og statssekretær Franz Thönnes (medlem av den tyske forbundsdagen) i Lübeck 18. september.

2004

• Jostein Gaarder, norsk forfattar^[7]
• Heiko Uecker, tysk professor^[7]

Prisen vart overrekt ut av utdanningsminister Kristin Clemet og statsråd Wolfgang Clement^[7] på Munchmuseet i Oslo i samanheng med eit jubileumsarrangement for Ruhrgas AG.

2005

• Björn Engholm, tidlegare tysk minister og statsminister i Schleswig-Holstein
• Kåre Willoch, tidlegare statsminister i Noreg og president i Det tysk-norske selskapet^[8]

Prisen vart delt ut av forbundspresident Horst Koehler og statsminister Kjell Magne Bondevik i Oslo 13. juni.

2006

• Gymnasium Carolinum i Neustrelitz
• Stor-Elvdal ungdomsskule på Koppang
• Herzog-Johann-gymnasium i Simmern i Hunsrück

Prisen vart delt ut av utanriksminister Frank-Walter Steinmeier og utanriksminister Jonas Gahr Støre i Berlin 10. november.

2007

• Egon Bahr, tysk politikar
• Thorvald Stoltenberg, tidlegare norsk utanriksminister og anna

Prisen vart delt ut av ordførar Klaus Wowereit og den norske utanriksministeren Jonas Gahr Støre i nærvær av kong Harald og dronning Sonja i Berlin 16. oktober.

2008

• Grete Lächert, musikkpedagog
• Hannelore Bedre, rektor

Prisen vart delt ut i Gamle Logen i Oslo 7. oktober. Både Roland Mauch, den tyske ambassadøren i Noreg, og Sven Erik Svedman, den norske ambassadøren i Tyskland, var til stades.

• Inge Lønning, norsk professor og politikar
• Fritz Fadranski, tysk historikar

2010

• Sverre Dahl, norsk omsetjar
• Klaus-Ewald Holst, konsul for Noreg i Sachsen-Anhalt, Thüringen og Brandenburg

2011

• Therese Bjørneboe, norsk journalist
• Jörn Thiede, tysk polarforskar

2012

• Ingvar Ambjørnsen, norsk forfattar
• Aktion Sühnezeichen Friedensdienste (ASF), fredsorganisasjon stifta av Tysklands evangeliske kyrkje 1958

Prisen vart delt ut av Olaf Scholz, ordførar i Hamburg og nestleiar i SPD, og Fabian Stang, ordførar i Oslo, i Oslo rådhus 31. oktober.

2013

• Jonas Gahr Støre, tidlegare norsk utanriksminister^[9]
• Frank-Walter Steinmeier, tidlegare tyske utanriksminister

Prisen vart overrekt i Felleshuset til dei nordiske ambassadane i Berlin den 2. desember 2013.

2014

• Jan Garbarek, norsk jazzmusikar
• Edvard-Munch-Haus e.V., ei foreining i Warnemünde som tilbyr opphald i huset Munch budde i i 1907-08^[10]

Prisen vart delt ut i Oslo den 28 oktober 2014 med forsvarsminister Ine Marie Eriksen Søreide som vert. Næringsminister Reinhard Meyer frå Schleswig-Holsten overrekte prisen til Garbarek, og Direktør ved Munch-huset i Oslo overrekte Stein Olav Henrichsen prisen til Munch-huset i Warnemünde.

2015

• Sten Inge Jørgensen, norsk journalist og forfattar
• Clemens Bomsdorf, tysk journalist og korrespondent^[10]

Prisen vart utdelt i Berlin den 4 november 2015 Overrekkingane vart gjort av statsråd ved statsministerkontoret og statsråd for EØS-saker og folkdet til EU Vidar Helgesen og statsminister for Europa i det tyske utanriksdepartementet Michael Roth.

2016

• Jon Fosse, norsk dramatikar og forfattar^[11]
• Julia Stöber, tysk språk- og kulturekspert

Prisen vart delt ut på Stortinget den 8 desember 2016 med talar til prisvinnarane frå stortingspresident Olemic Thommessen og ordførar for byrådet i Hamburg Carola Veit.

2017

• Ingrid Brekke, utanriksjournalist
• Seglskipet Thor Heyerdahl e.V.

2018

• Kate Hansen Bundt
• Robin Allers^[10]

2019

• Erik Fosnes Hansen, norsk forfattar^[12]

• Marie-Theres Federhofer, tysk litteraturvitar

2020

• Kongshavn vidaregåande skule

• Paul-Natorp-gymnasium
• Felix-Mendelssohn-Bartholdy-gymnasium

2021

• Sverre Jervell
• Förderverein Kongsnæs e.V.
• Michael Linckersdorff

2022

• Helga Arntzen^[13][14]
• Joachim Dorfmüller^[13]

Prisen vart delt ut på den norske ambassaden i Berlin fredag 2. desember 2022 med talar til prisvinnarane frå utanriksminister Anniken Huitfeldt og medlem av Forbundsdagen Michelle Müntefering.^[15]

2023

• Borgund vidaregåande skule i Ålesund^[16]
• Handwerkskammer Münster^[16]

• Asbjørn Svarstad^[1]
• Franz Thönnes

Prisen vart delt ut på den norske ambassaden i Berlin 8 november 2024 med talar til prisvinnarane frå pensjonert ambassadør Morten Wetland og Anna Lührmann, statssekretær i det tyske utanriksdepartementet.^[17]