Wrs
rumensk songar og låtskrivar From Wikipedia, the free encyclopedia
Remove ads
Andrei Ionuț Ursu (fødd 16. januar 1993 i Buzău i Romania) er ein rumensk dansar, songar og låtskrivar. Han er best kjend under artistnamnet Wrs (uttalt ors). Før han byrja som artist, jobba han som dansar for kjende artistar som Inna, Antonia og Carla's Dreams. Han var også med på fleire tv-sende rumenske talentshow som Vocea României og Românii au talent.[1] I januar 2020 signerte han med Global Records og starta elektropop-prosjektet under artistnamnet Wrs.[2] Han representerte Romania i Eurovision Song Contest 2022 med låten «Llámame».
.jpg)
Remove ads
Bakgrunn
Ursu vart fødd i byen Buzău i Romania 16. januar 1993. Han byrja å danse som 12-åring, inspirert av foreldra som begge var folkedansarar.[3][4]
Ursu byrja musikkarrieren i 2015 som del av gutegruppa Shot.[2] To år etter forlet han gruppa og flytta til London og byrja å skrive musikk.[2] I januar 2020 debuterte han under artistnamnet Wrs, som ein uttalar Ors, tilsvarande førsteleddet av etternamnet hans Ursu. Debutlåten «Why» har passert over 1,2 millionar syningar på YouTube og over 400 000 avspelingar på Spotify.[1][5] Han har også hatt suksess med oppfølgjarsinglane «Amore» (med İlkan Günüç) og «Tsunami», som toppa hitlistene i Romania og Bulgaria.[5]
I februar 2022 gav Wrs ut den engelsk- og spanskspråklege låten «Llámame». Låten vart plukka ut til å delta i songtevlinga Selecţia Naţională, den rumenske uttakinga til Eurovision Song Contest. Han vann finalen laurdag 5. mars 2022 og fekk dimed representere Romania i Eurovision Song Contest 2022 i Torino i Italia.[6][7] Der enda han som nummer 18 av 25.[8]
Remove ads
Diskografi
EP-ar
- 2022: Mandala[9]
Singlar
Remove ads
Kjelder
Wikiwand - on
Seamless Wikipedia browsing. On steroids.
Remove ads