Avena

Avena^{[2][3][4][5][6][7][8]} o Avèna^{[3][9][10][11]} (Aveno, Abeno en grafia mistralenca^[12]; Avène en francés) es una comuna lengadociana situada dins lo departament d'Erau e la region d'Occitània, ancianament de Lengadòc-Rosselhon.

Vilatge d'Occitània

Avena Avène
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Lo centre ancian d'Avena.
Armas
Geografia fisica
Coordenadas	43° 45′ 29″ N, 3° 06′ 00″ E
Superfícia	62,65 km²
Altituds  · Maximala  · Mejana  · Minimala	978 m 373 m 294 m
Geografia politica
País	Lengadòc
Estat	França
Region 76	Occitània
Departament 34	Erau
Arrondiment 342	Besièrs (dempuèi 2017 [1])
Canton 3416	Clarmont d'Erau (Lunaç abans 2015)
Intercom 243400777	CC de Grand Òrb
Cònsol	Serge Castan (2020-2026)
Geografia umana
Populacion Populacion totala (2018)	280 ab. Evolucion de la populacion 288 ab.
Densitat	4,87 ab./km²
Autras informacions
Gentilici	avenòl, avenòla
Còde postal	34260
Còde INSEE	34019

Lo gentilici es avenòl -òla^[2].

Geografia

Avena es situada dins los cantons nauts d'Erau, dins la val nauta d'Òrb prèp lo departament d'Avairon.

Lo vilatge fa partida dels tres vilatges termals d'Erau, amb Los Banhs de Balaruc e l'Amalon.

Comunas a l'entorn.

Perimètre del territòri

Comunas confrontantas de Avena

Tauriac de Camarés (Avairon)	Selhas e Rocosèls
Melagas (Avairon)		Jaucèls
Graisseçac	Camplong	Lo Bosquet d'Òrb Lunaç

Toponimia

Avèna

La prononciacion es [ă'vèno] o [ă'bèno] (segon Desjardins [s'agís en realitat de G. Deslandes], Revue Internationale d'Onomastique, IX-3, p. 188 ^[9]). Las fòrmas ancianas son : ecclesiam S. Martini de Avena en 1135, de Avena en 1153, 1178, 1216, 1247-48, castrum et forcia de Avena en 1193, parrochia de Lavena en 1214, castro de Avena en 1247-48, de Avena en 1323, 1361, manso de Lavenis en 1392, coseigneur d'Avena en 1529, prieur d'Avene et Rieussec en 1571, Avenes en 1622, Avenne en 1740-60, Avene en 1740-60, 1771, 1774-75 (mapa de Cassini)^[13].
Avena es tanben lo nom de mai d'un riu (Avairon, Gard, etc) e lo jonhent del riu l'Avenette (en francés, doncas normalament Aveneta) e d'Òrb es a l'oèst del vilatge, mas aquò pròva pas, ni que lo riu se disiá Avena, ni que Avena es un nom ancian d'Òrb; simplament lo nom del riu pòt venir del nom del vilatge. Empacha pas que Avena siá un idronime a l'origina. Es explicat d'un biais diferent pels especialistas. Pel nom del vilatge, Dauzat i vei Avena (villa), d'un nom latin d'òme Avenus (o Avanus) ^[14]. Los Féniés plaçan la raiç *ab- implicitament dins lo preceltic ^[15]. Segon Delamarre, Avena seriá lo resultat de abenā ^[16]. Delamarre explica Avena pel gallic; *ab- o *ap- seriá un mot indoeuropèu del genre animat, « las aigas », consideradas coma d'èssers que agissan (article abona, abu-); Delamarre admet que d'unes mots de la familha d' abona pòdon èsser crosats amb de preceltic ^[17].
Segon Hamlin, Avèna es un idronime, benlèu de tipe « font », d'origina prelatina e format sul meteis radical que lo mot occitan avenc, mas amb lo sufixe -enna. Aquel tipe de nom an poscut patir de l'influéncia del paronime avena « civada »; justament Avèna es pas qu'a 10 km de Selhas, vengut del latin vulgar siligo « segal »^[13]; mas es pauc probable per aqueste Avèna, pr'amor de la dubertura de la vocala tonica.

• Fòrmas ancianas tiradas del diccionari topografic d'Eugène Thomas (1865) : Avenna en 1115; Eccl. S. Martini de Avena en 1135; Avene en 1518; dans l’archiprêtré de Boussagues, sous le vocable de S. Martinus en 1780; Avenne en 1760^{[18][14],[19]}.
  

Rovinhac

Rovinhac es sus la mapa de Cassini coma parròquia sucursala.
La prononciacion es [rubi'ɲak]. Las fòrmas ancianas son : ecclesiam S. Petri de Rovinacco en 1135, de Riviniaco en 1153, de Rovinaco en 1178, de Ruviniaco en 1216, de Roumhaco en 1323, de Rovinhaco en 1351, de Ruviniaco en 1361, Rovinhac en 1571, Rovigna en 1613, Rovinhac en 1648, l'eglise de Rouvignac en 1740-60, Roubignac en 1759, Roubiniac en 1770-72 (mapa de Cassini), Rouvignac en 1780^[20].
Rovinhac es lo nom d'una proprietat qu'aviá per mèstre Rubinius (segon d'exemples semblables fornits per Dauzat e Rostaing^[21]), atestat, o Rubenius segon Frank R. Hamlin^[20]. Rovinhac es d'origina antica, format de Rubinius, atestat, o Rubenius (idem), amb lo sufixe celtic -*acon. I a un autre Rovinhac, dins la comuna d'Auton, tanben parròquia sucursala sus la mapa de Cassini e tanben d'autres dins lo departament; cap d'eles es pas comuna, fòrça son abandonats o redusits a una glèisa sola. Azard ?

Truscaç

La prononciacion es [trüs'kas]. Las fòrmas ancianas son : villa quae dicitur Truscads en 909, mansi illius qui dicitur Truscaz en 1167 (identificacion malsegura), Trusquas en 1644, Truscas en 1759, 1740-60, 1770-72 (mapa de Cassini). Segon Hamlin, lo nom es escur^[22].

Istòria

Masatges e bòrias[23]

• Bres
• Sadde
• Serviès
• Lo Coral
• La Rode Baissa
• Truscas
• Vinas
• Sant Barthélemy
• Las planas
• Los banhs d'Avena
• Rovinhac
• Bel desert
• Font bina
• La mandrièra

Administracion

Lista dels cònsols successius

Periòde		Identitat	Etiqueta	Qualitat
març de 2016	2026	Serge Castan	divèrs esquèrra	retirat de quadre
març de 2001	2016	Guy Caballé	PS
	2001
Totas las donadas non son pas encara conegudas.

• Abans la refòrma cantonala de 2014, aplicada en 2015, la comuna èra del canton de Lunaç; es ara del canton de Clarmont d'Erau.

Demografia

modificar « persona »  v · d · m  Evolucion demografica Populacion comunala actuala (2013): 305, totala: 311
1793	1800	1806	1821	1831	1836	1841	1846	1851
1 172	1 187	1 381	1 343	1 407	1 438	1 252	1 238	1 207
1856	1861	1866	1872	1876	1881	1886	1891	1896
1 256	1 226	1 208	1 146	1 084	1 121	1 147	976	992
1901	1906	1911	1921	1926	1931	1936	1946	1954
951	1 076	924	902	966	730	681	826	724
1962	1968	1975	1982	1990	1999	2006	2007	2008
582	457	430	259	269	275	289	293	293 298
2009	2010
301 306	305 310
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008

• En 2018 la populacion èra de 280 abitants e la densitat èra de 4,47 ab/km².

Luòcs e monuments

• La glèisa romanica Sant Andrieu de Riusec del sègle XII
• La glèisa Sant Pèire de Rovinhac (sXII)
• La glèisa Sant Maria de Vinas (sXII)
• La glèisa Sant Antòni de Serviès (1715)
• La glèisa Sant Barthelemy (1135)
• La glèisa de Truscas (sXIX)
• La glèisa Sant Martin d'Avena (modèrna)
• La glèisa del pont sus Òrb (sXIII)

Personalitats ligadas amb la comuna

• Miquèl Galabru a passat la seuna enfantesa a Avena

Veire tanben

• Comunas d'Erau

Ligams extèrnes