Cock Robin

Cock Robin es un grop pop ròck anglofòna american fondat en 1982 a San Francisco (Califòrnia) pel cantaire e guitarrista Peter Kingsbery.

Cock Robin es lo nom en anglés del barbarós, mas mai precisament lo nom Cock Robin d'aquel grop s'inspira d'una comptina del XVII sègle entitolada Death and Burial of Poor Cock Robin ( « la mòrt e l'enterrament del paure Barbarós »).

Lo qüatuor Cock Robin es centrat sul duò format al cant per Peter Kingsbery e Anna LaCazio. Los dos autres sòcis originals del grop èran Clive Wright e Louis Molino.

Grop d'estil pop ròck, Cock Robin es de còps considerat coma un grop new wave tardiu : an sortit lor primièr album en 1985 e conegut sulcòp una gròssa capitada en Euròpa continentala. Paradoxalament, an agut pauc de resson al Reialme Unit e dins lor país d'origina (als Estats Units). Son estats al som de lor popularitat entre 1985 e 1990 : los títols mai coneguts de lor repertòri en Occitània son, dins l'òrdre cronologic, When Your Heart Is Weak fin 1985, The Promise You Made en 1986, Just Around The Corner en 1987 e Worlds Appart en 1990.^[1]

Peter Kingsberry a tanben agut una plan gròssa capitada en sòlo en França en 1993 ambe Only The Very Best, una version en anglés del SOS d'un Terrien en détresse de Starmania, una composicion de Michel Berger que la version originala en francés foguèt popularizada per Daniel Balavoine en 1978.

Dempuèi 2015, Peter Kingsberry contunha Cock Robin^[2] en avent remplaçat Anna LaCazio per la francesa Coralie Vuillemin.^[3]

[1]

[2]

[3]

Cock Robin

Discografia

Cançons mai conegudas

Referéncias

Wikiwand - on