Marsilhargues

Macilhargues^[1], Marsilhargues o mai etimologicament Marcelhargues (en francés Marsillargues) es una vilòta occitana de Lengadòc. La localitat, que compta actualament 6 322 abitants, se tròba administrativament a la frontièra del departament d'Erau e dins la region d'Occitània a ras del riu de Vidorle que dessepara lo departament d'Erau de Gard. Los abitants de Marsilhargues, en rivalitat tradicionala amb sos vesins de Lunèl recebon tradicionalament l'escais de "bajans". Lo protestantisme i ocupa una importància istorica.

Vila d'Occitània

Marsilhargues Marsillargues
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Vista aeriana de Marsilhargues.
Armas
Geografia fisica
Coordenadas	43° 39′ 54″ N, 4° 10′ 44″ E
Superfícia	42,7 km²
Altituds  · Mejana	6 m
Geografia politica
País	Lengadòc
Estat	França
Region 76	Occitània
Departament 34	Erau
Arrondiment 343	Montpelhièr
Canton 3417	Lunèl
Intercom 243400520	CC dau País de Lunèl
Cònsol	Patrice Spéziale (2020-2026)
Geografia umana
Populacion Populacion totala (2018)	6 322 ab. Evolucion de la populacion 6 399 ab.
Densitat	145,01 ab./km²
Autras informacions
Escais	bajans
Gentilici	Marsilhargueses
Còde postal	34590
Còde INSEE	34151

Situacion geografica

Marsilhargues se situa dins una plana a ras del riu Vidorle, çò que ne fa un dels endreches mai fertils d'aquesta part de Lengadòc. Se tròba a una distància gaireben equivalenta de la capitala departamentala Montpelhièr e de la capitala del departament de Gard, Nimes e a un quinzenat de quilomètres de la mar Mediterranèa.

La comuna de Marsilhargues es la mai orientala del departement d'Erau e lo vilatge es la segonda comuna mai importanta del Canton de Lunèl.

Comunas a l'entorn.

Toponimia

La prononciacion es « masiyargé » (Ernèst Negre, Revue internationale d'Onomastique, XVII, p. 22). Las fòrmas ancianas son : villa Marcilianicus en 813, in domanio Marcellencas en 1226, prior ecclesie de Marcillanicis en 1265, Marcillanicis, Marsillanicis en 1295, hominum Marcilhanicarum en 1328, de Marcilhanicis en 1328, 1405, ou lieu de Marcillargues en 1414, Marceilhargues en 1419, Massillarges en 1570, Marsilhargues en 1577, Marsilliargues en 1578, Marsillarges en 1579, Marsillargues en 1622, 1770-71 (mapa de Cassini)^[2].

Segon Dauzat e Rostaing, Macilhargues ven del nom latin d'òme Marcellius o Marcilius, amb lo sufixe -anicum^[3]; segon Hamlin, Macilhargues ven de l'escais-nom [cognomen] latin Marcellus, amb lo sufixe -i-anicis^[2]. Per de rasons foneticas, lo sufixe -anicis emplegat sistematicament per Hamlin permet pas de menar a -argues; lo cal remplaçar per lo sufixe -anicos segon Joan Pèire Chambon^[4]. Lançargues èra una proprietat galloromana^[2].

• Atestacions ancianas tiradas de l'ancian diccionari topografic d'Eugène Thomas (1865) : Villa Martecellos vèrs 900; Villa que vocatur Marcianicus vèrs 1031; De Marcellanigis en 1155; Marcellencas en 1226; De Massillanicis en 1258; De Massilhanicis en 1271; Masselhargues (òc anc) en 1360; Masselhanegues (òc anc) en 1371; Marsilhargues en 1528; Marcelhargues, Marsilhargues (francés) en 1556^[5]; Masseyliargues, viguerie de Masseillargues en 1625; Massillargues en 1649; cure en 1760^[6].

Istòria

En 1305 s'i bastiguèt lo castèl de Guilhèm de Nogaret. Foguèt una de las primièras vilas de Lengadòc a passar a la Refòrma.

Entre lengadocian e provençal

A mai se l'influéncia provençala i es mai importanta qu'a Lunèl (la forma de l'article plural i es lei mentre qu'a Lunèl èran los e las, -n dich instable es conservat), lo parlar es benlèu encara lengadocian, mai precisament de la familha del montpelhierenc oriental e se distinguís plan del tipe nimesenc o provençal rodanenc.

Administracion

Lista dels cònsols successius

Periòde		Identitat	Etiqueta	Qualitat
junh de 2020	2026	Patrice Spéziale	divèrs esquèrra
2008	2020	Bernadette Vignon	divèrs esquèrra
març de 2001	2008	Philippe Ullès	divèrs esquèrra
	2001
Totas las donadas non son pas encara conegudas.

Demografia

modificar « persona »  v · d · m  Evolucion demografica Populacion comunala actuala (2013): 6192, totala: 6271
1793	1800	1806	1821	1831	1836	1841	1846	1851
						3 529	3 522	3 549
1856	1861	1866	1872	1876	1881	1886	1891	1896
-	-	-	-	3 368	-	-	-	-
1901	1906	1911	1921	1926	1931	1936	1946	1954
-	-	3 242	-	-	-	-	-	-
1962	1968	1975	1982	1990	1999	2006	2007	2008
2 812				Cercar	5 334	5 760	5 821	6 006 6 082
2009	2010
6 046 6 123	6 088 6 169
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008

• En 2018 la populacion èra de 6322 abitants e la densitat èra de 148,06 ab/km².

Luòcs e monuments

Lo castèl de Marsilhargues.

• Castèl de Guilhèm de Nogaret

Lo castèl foguèt bastit en 1305 pel nòble Guilhèm de Nogaret. Ne demòra pas qu'una part del sossòl, las grandas cosinas e lo domjon amb sa torrèla cairada.

Personatges celèbres de Marsilhargues

• Gaston Deferre
• German Encòntra (1809-1853), escrivan e personatge politic occitan
• Loís Formaud (1888-1944), escrivan e cronicaire occitan
• Juli Granièr
• Emili Marinhan (1847-1937), mètge, etnograf e erudit occitan
• Pau Molinièr
• Celestin Pontièr

Luòcs e monuments

Personalitats ligadas amb la comuna

Veire tanben

• Comunas d'Erau

Ligams extèrnes