ଅଟୋଇମ୍ୟୁନ ଯକୃତ ପ୍ରଦାହ

ଅଟୋଇମ୍ୟୁନ ଯକୃତ ପ୍ରଦାହ ଏକ ଅଟୋମ୍ୟୁମ୍ୟୁନ ରୋଗ ଯେଉଁଥିରେ ନିଜର ପ୍ରତିରକ୍ଷା ପ୍ରଣାଳୀ ନିଜର ଯକୃତକୁ ଆକ୍ରମଣ କରି ପ୍ରଦାହ ଘଟାଏ ଏବଂ ଯକୃତର କ୍ଷତି ଘଟାଏ | ^[୧] ଲକ୍ଷଣ: କିଛି ନଥିବାରୁ ଆରମ୍ଭ କରି ଅସ୍ୱାଭାବିକ ଯକୃତ ଏଞ୍ଜାଇମ, ଥକ୍କାଣ, ହଳଦିଆ ଚର୍ମ ଏବଂ ଉପର ଉଦର ଯନ୍ତ୍ରଣା ହୋଇପାରେ | ^{[୧] [୪]} ରୋଗ ଜଟିଳ ହେଲେ ସିରୋସିସ୍, ବିଫଳ ଯକୃତ ଏବଂ ଯକୃତ କର୍କଟ ହୋଇପାରେ।^[୧]

Autoimmune hepatitis
Lupoid hepatitis
Micrograph showing a lymphoplasmacytic interface hepatitis—the characteristic finding of autoimmune hepatitis. Liver biopsy. H&E stain.
ବିଭାଗ	Gastroenterology
ଲକ୍ଷଣ	None, tiredness, yellowish skin, abdominal pain[୧]
ଅବଧି	Long-term[୨]
କାରଣ	Unknown[୩]
ବିପଦ କାରକ	Other autoimmune disease, genetics[୩]
ରୋଗ ନିର୍ଣ୍ଣୟ ପଦ୍ଧତି	Based on symptoms, lab tests, and liver biopsy after ruling out other possible causes[୩]
ସଠିକ ରୋଗ ନିର୍ଣ୍ଣୟ	Primary biliary cholangitis, primary sclerosing cholangitis, viral hepatitis[୩]
ଚିକିତ୍ସା	Prednisone, azathioprine[୩]
ପୁନଃପୌନିକ	11-25 per 100,000 (Europe)[୩]

ଏହାର କାରଣ ଜଣା ପଡିନାହିଁ।^[୩] ଅନ୍ୟ ଅଟୋମ୍ୟୁମ୍ୟୁନ ରୋଗ ଏବଂ ଜେନେଟିକ କାରଣ ଯୋଗୁ ଏହି ରୋଗ ଆସିପାରେ।^{[୧] [୩]} ବିଶ୍ୱାସ କରାଯାଏ ଯେ ଏକ ପରିବେଶ ଘଟଣା ଯେପରିକି ଭୂତାଣୁ କିମ୍ବା ଔଷଧ ଯୋଗୁ ଏହି ରୋଗର ଆକ୍ରମଣ ହୋଇପାରେ।^[୫] ଲକ୍ଷଣ, ପରୀକ୍ଷାଗାରର ଫଳାଫଳ ଏବଂ ଯକୃତ ବାୟୋପ୍ସି ଉପରେ ରୋଗ ନିର୍ଭର କରେ କିନ୍ତୁ ତାହା ପୂର୍ବରୁ ଅନ୍ୟ ସମ୍ଭାବ୍ୟ କାରଣଗୁଡିକ ବାହାର କରିବାକୁ ହୁଏ ।^[୩]

ଅତି କମରେ ୩ ବର୍ଷ ପାଇଁ ପ୍ରେଡନିସୋନ ଏବଂ ଆଜାଥାଇଓପ୍ରିନ ଔଷଧର ମିଶ୍ରଣ ଦେଇ ଚିକିତ୍ସା କରାଯାଏ | ^[୩] ଯକୃତ ବିଫଳତା ଥିଲେ ଯକୃତ ପ୍ରତିରୋପଣ ଏକ ବିକଳ୍ପ ହୋଇପାରେ | ^[୩] ଯକୃତ ପ୍ରତିରୋପଣ ପରେ ମଧ୍ୟ ପ୍ରାୟ ୩୩% ରୋଗର ପୁନରାବୃତ୍ତି ହୁଏ | ^[୩] ବିନା ଚିକିତ୍ସାରେ ୧୦ ବର୍ଷ ବଞ୍ଚିବା ହାର ପ୍ରାୟ ୧୦% ଅଟେ।^[୩]

ପ୍ରତିବର୍ଷ ୟୁରୋପରେ ପ୍ରତି ୧୦୦,୦୦୦ ଜଣ ଲୋକରେ ପ୍ରାୟ ୧୧ରୁ ୨୫ ଜଣ ଆକ୍ରାନ୍ତ ହୁଅନ୍ତି ଓ ପ୍ରତି ୧୦୦,୦୦୦ଜଣରେ ୧ରୁ ୨ ଜଣ ନୂତନ ଲୋକ ରୋଗାକ୍ରାନ୍ତ ହୁଅନ୍ତି।^[୩] ପୁରୁଷଙ୍କ ତୁଳନାରେ ମହିଳାମାନେ ୩.୬ ଗୁଣ ଅଧିକ ପ୍ରଭାବିତ ହୁଅନ୍ତି।^{[୧] [୩]} ପ୍ରତ୍ୟେକ ବୟସରେ ଏହି ରୋଗ ହୋଇପାରେ | ^[୬] ଏହାକୁ ପ୍ରଥମେ ୧୯୫୦ ଦଶକରେ ୱାଲଡେନଷ୍ଟ୍ରମ୍ ଏହି ରୋଗ ବିଷୟ ବର୍ଣ୍ଣନା କରିଥିଲେ | ^[୭]