ਆਸ਼ੀਸ਼ ਵਿਦਿਆਰਥੀ

ਆਸ਼ੀਸ਼ ਵਿਦਿਆਰਥੀ (ਜਨਮ 19 ਜੂਨ 1962) ਇੱਕ ਭਾਰਤੀ ਅਦਾਕਾਰ ਹੈ ਜੋ ਮੁੱਖ ਤੌਰ ਤੇ ਹਿੰਦੀ, ਤੇਲਗੂ, ਤਾਮਿਲ, ਕੰਨੜ, ਮਲਿਆਲਮ ਅਤੇ ਬੰਗਾਲੀ ਫਿਲਮਾਂ ਵਿੱਚ ਕੰਮ ਕਰਦਾ ਹੈ। ਉਹ ਆਪਣੀਆਂ ਵਿਰੋਧੀ ਅਤੇ ਚਰਿੱਤਰ ਦੀਆਂ ਭੂਮਿਕਾਵਾਂ ਲਈ ਜਾਣਿਆ ਜਾਂਦਾ ਹੈ। 1995 ਵਿੱਚ, ਉਸ ਨੂੰ ਦ੍ਰੋਹਕਾਲ ਲਈ ਸਰਬੋਤਮ ਸਹਾਇਕ ਅਦਾਕਾਰ ਲਈ ਰਾਸ਼ਟਰੀ ਫਿਲਮ ਪੁਰਸਕਾਰ ਮਿਲਿਆ।^[4][5]

ਅਸ਼ੀਸ਼
ਅਸ਼ੀਸ਼ ਵਿਦਿਆਰਥੀ ਮਈ 2008 ਦੌਰਾਨ
ਜਨਮ	(1962-06-19) 19 ਜੂਨ 1962 (ਉਮਰ 63)[1][2] ਦਿੱਲੀ, India[3]
ਪੇਸ਼ਾ	ਅਦਾਕਾਰ
ਸਰਗਰਮੀ ਦੇ ਸਾਲ	1986 - ਵਰਤਮਾਨ
ਜੀਵਨ ਸਾਥੀ	ਰਾਜੋਸ਼ੀ ਵਿਦਿਆਰਥੀ
ਬੱਚੇ	1
Parent(s)	ਰੇਬਾ ਵਿਦਿਆਰਥੀ, ਗੋਵਿੰਦ ਵਿਦਿਆਰਥੀ

ਮੁੱਢਲਾ ਜੀਵਨ

ਆਸ਼ੀਸ਼ ਵਿਦਿਆਰਥੀ ਦਾ ਜਨਮ ਦਿੱਲੀ, ਭਾਰਤ ਵਿੱਚ ਇੱਕ ਮਲਿਆਲੀ ਪਿਤਾ, ਅਤੇ ਰਾਜਸਥਾਨ ਦੀ ਇੱਕ ਬੰਗਾਲੀ ਮਾਂ ਦੇ ਘਰ ਹੋਇਆ ਸੀ।^[3] ਉਸ ਦੀ ਮਾਂ ਰੇਬਾ ਵਿਦਿਆਰਥੀ (ਨੀ: ਚੱਟੋਪਾਧਿਆਏ) ਕਥਕ ਗੁਰੂ ਸੀ,^[6] ਜਦੋਂ ਕਿ ਉਸ ਦੇ ਪਿਤਾ ਗੋਵਿੰਦ ਵਿਦਿਆਰਥੀ ਸੰਗੀਤ ਨਾਟਕ ਅਕਾਦਮੀ ਲਈ ਭਾਰਤ ਦੀਆਂ ਅਲੋਪ ਹੋ ਰਹੀਆਂ ਪ੍ਰਦਰਸ਼ਨਕਾਰੀ ਕਲਾਵਾਂ ਨੂੰ ਸੂਚੀਬੱਧ ਕਰਨ ਅਤੇ ਸੰਗ੍ਰਹਿ ਕਰਨ ਵਿੱਚ ਮਾਹਰ ਹਨ। ਉਸਨੇ 1990 ਤੱਕ ਨੈਸ਼ਨਲ ਸਕੂਲ ਆਫ ਡਰਾਮਾ ਵਿੱਚ ਪੜ੍ਹਾਈ ਕੀਤੀ ਅਤੇ ਆਪਣੇ ਆਪ ਨੂੰ ਇੱਕ ਹੋਰ ਥੀਏਟਰ ਗਰੁੱਪ, ਐਕਟ ਵਨ, ਜੋ ਕਿ ਐਨ ਕੇ ਸ਼ਰਮਾ ਦੁਆਰਾ ਚਲਾਇਆ ਜਾਂਦਾ ਹੈ, ਨਾਲ ਜੋੜਿਆ।^[7]

ਸਿੱਖਿਆ

ਆਸ਼ੀਸ਼ ਵਿਦਿਆਰਥੀ ਨੇ ਆਪਣੀ ਸਕੂਲੀ ਪੜ੍ਹਾਈ ਸ਼ਿਵ ਨਿਕੇਤਨ ਸਕੂਲ, ਦਿੱਲੀ ਅਤੇ ਮਹਿਤਾ ਵਿਦਿਆਲਿਆ, ਭਾਰਤੀ ਵਿਦਿਆ ਭਵਨ, ਨਵੀਂ ਦਿੱਲੀ ਤੋਂ ਕੀਤੀ। ਫਿਰ ਉਹ ਆਪਣੀ ਉੱਚ ਸਿੱਖਿਆ ਲਈ ਹਿੰਦੂ ਕਾਲਜ, ਨਵੀਂ ਦਿੱਲੀ, ਭਾਰਤ ਵਿੱਚ ਦਾਖਲਾ ਲੈਂਦਾ ਹੈ ਅਤੇ ਜਿੱਥੇ ਉਸਨੇ ਇਤਿਹਾਸ ਵਿੱਚ ਬੀ.ਏ. ਫਿਰ ਉਸਨੂੰ ਨੈਸ਼ਨਲ ਸਕੂਲ ਆਫ਼ ਡਰਾਮਾ, ਨਵੀਂ ਦਿੱਲੀ, ਭਾਰਤ ਵਿੱਚ ਦਾਖਲ ਕਰਵਾਇਆ ਗਿਆ ਅਤੇ ਜਿੱਥੇ ਉਸਨੇ ਅਦਾਕਾਰੀ ਵਿੱਚ ਆਪਣਾ ਡਿਪਲੋਮਾ ਪੂਰਾ ਕੀਤਾ।

ਅਸ਼ੀਸ਼ ਵਿਦਿਆਰਥੀ ਨੇ ਐਕਟਿੰਗ ਵਿੱਚ ਆਪਣਾ ਡਿਪਲੋਮਾ ਪੂਰਾ ਕਰਨ ਤੋਂ ਬਾਅਦ ਇੱਕ ਅਭਿਨੇਤਾ ਦੇ ਰੂਪ ਵਿੱਚ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕੀਤੀ। ਉਸਨੇ ਕੰਨੜ, ਮਲਿਆਲਮ, ਬਾਲੀਵੁੱਡ, ਤੇਲਗੂ, ਬੰਗਾਲੀ, ਹਾਲੀਵੁੱਡ, ਤਾਮਿਲ, ਉੜੀਆ ਅਤੇ ਮਰਾਠੀ ਵਰਗੀਆਂ ਕਈ ਭਾਸ਼ਾਵਾਂ ਦੀਆਂ ਫਿਲਮਾਂ ਵਿੱਚ ਕੰਮ ਕੀਤਾ।

ਕੈਰੀਅਰ

1992 ਵਿੱਚ ਉਹ ਬੰਬਈ (ਹੁਣ ਮੁੰਬਈ) ਚਲੇ ਗਏ। ਆਸ਼ੀਸ਼ ਨੇ ਸਰਦਾਰ ਵੱਲਾਭਾਈ ਪਟੇਲ ਦੀ ਜ਼ਿੰਦਗੀ ਤੇ ਆਧਾਰਿਤ ਆਪਣੀ ਪਹਿਲੀ ਫਿਲਮ ਸਰਦਾਰ ਚ ਵੀ ਪੀ ਮੈਨਨ ਦਾ ਕਿਰਦਾਰ ਨਿਭਾਇਆ ਸੀ। ਹਾਲਾਂਕਿ, ਉਸ ਦੀ ਪਹਿਲੀ ਰਿਲੀਜ਼ ਦਰੋਹਕਲ ਸੀ, ਜਿਸ ਲਈ ਉਸਨੇ 1995 ਵਿੱਚ ਸਰਬੋਤਮ ਸਹਾਇਕ ਅਭਿਨੇਤਾ ਲਈ ਇੱਕ ਰਾਸ਼ਟਰੀ ਫਿਲਮ ਪੁਰਸਕਾਰ ਜਿੱਤਿਆ। ਉਹ 1942: ਏ ਲਵ ਸਟੋਰੀ ਵਿੱਚ ਆਸ਼ੂਤੋਸ਼ ਦੀ ਭੂਮਿਕਾ ਲਈ ਵੀ ਮਸ਼ਹੂਰ ਹੈ। ਆਸ਼ੀਸ਼ ਨੂੰ 1996 ਵਿੱਚ ਆਈ ਫਿਲਮ ਰਾਤ ਕੀ ਸੁਬਾਹ ਨਹੀਂ ਲਈ ਇੱਕ ਨਕਾਰਾਤਮਕ ਭੂਮਿਕਾ ਵਿੱਚ ਸਰਬੋਤਮ ਅਭਿਨੇਤਾ ਦਾ ਸਟਾਰ ਸਕ੍ਰੀਨ ਅਵਾਰਡ ਮਿਲਿਆ ਸੀ।

ਵਿਦਿਆਰਥੀ ਨੇ ੩੦੦ ਤੋਂ ਵੱਧ ਫਿਲਮਾਂ ਵਿੱਚ ੧੧ ਭਾਸ਼ਾਵਾਂ ਵਿੱਚ ਕੰਮ ਕੀਤਾ ਹੈ।^[8] ਉਹ AVID MINER Conversations ਦੇ ਸਹਿ-ਸੰਸਥਾਪਕ ਅਤੇ ਕਿਊਰੇਟਰ ਹਨ, ਜੋ ਕਿ ਸੰਗਠਨਾਂ ਲਈ ਅਨੁਕੂਲਿਤ ਇੰਟਰਐਕਟਿਵ ਮਾਡਿਊਲ ਹਨ।^[9]