ਤਨੁਜਾ ਚੰਦਰਾ

ਤਨੁਜਾ ਚੰਦਰਾ ਇਕ ਭਾਰਤੀ ਫ਼ਿਲਮ ਨਿਰਦੇਸ਼ਕ ਅਤੇ ਲੇਖਕ ਹੈ। ਉਸਨੇ ਯਸ਼ ਚੋਪੜਾ ਦੀ ਹਿੱਟ 'ਦਿਲ ਤੋ ਪਾਗਲ ਹੈ' (1997) ਦੀ ਸਹਿ-ਲੇਖਕ ਹੈ ਅਤੇ ਉਸਨੇ ਅਕਸਰ ਔਰਤ ਅਧਾਰਤ ਫ਼ਿਲਮਾਂ ਦਾ ਨਿਰਦੇਸ਼ਨ ਕੀਤਾ ਹੈ, ਜਿੱਥੇ ਔਰਤ ਅਭਿਨੇਤਾ ਉਸ ਦੀਆਂ ਫ਼ਿਲਮਾਂ ਦੀ ਮੁੱਖ ਪਾਤਰ ਹੈ, ਖਾਸ ਕਰਕੇ ਦੁਸ਼ਮਨ (1998) ਅਤੇ ਸੰਘਰਸ਼ (1999) ਆਦਿ।^[1]

ਤਨੁਜਾ ਚੰਦਰਾ
ਚੰਦਰਾ 2007 ਵਿਚ।
ਜਨਮ	ਦਿੱਲੀ, ਭਾਰਤ
ਰਾਸ਼ਟਰੀਅਤਾ	ਭਾਰਤੀ
ਪੇਸ਼ਾ	ਫ਼ਿਲਮ ਡਾਇਰੈਕਟਰ, ਲੇਖਕ

ਪਰਿਵਾਰ

ਚੰਦਰਾ ਦਾ ਜਨਮ ਦਿੱਲੀ ਵਿਚ ਹੋਇਆ ਸੀ।^[2] ਉਹ ਲੇਖਕ ਵਿਕਰਮ ਚੰਦਰਾ ਅਤੇ ਫ਼ਿਲਮ ਆਲੋਚਕ ਅਨੁਪਮਾ ਚੋਪੜਾ ਦੀ ਭੈਣ ਹੈ। ਉਸਦੀ ਮਾਂ ਫ਼ਿਲਮ ਲੇਖਕ ਕਾਮਨਾ ਚੰਦਰਾ ਹੈ।^{[3] [4]}

ਕਰੀਅਰ

ਚੰਦਰਾ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ 1995 ਵਿਚ ਕੀਤੀ ਸੀ ਅਤੇ ਟੀਵੀ ਲੜੀਵਾਰ ਜ਼ਮੀਨ ਆਸਮਾਨ (ਟੀਵੀ ਸੀਰੀਜ਼) ਨਾਲ ਨਿਰਦੇਸ਼ਕ ਦੀ ਸ਼ੁਰੂਆਤ ਕੀਤੀ, ਜਿਸ ਵਿਚ ਤਨਵੀ ਆਜ਼ਮੀ ਨੇ ਕੰਮ ਕੀਤਾ ਸੀ। 1996 ਵਿੱਚ ਉਸਨੇ ਸ਼ਬਨਮ ਸੁਖਦੇਵ ਨਾਲ ਇੱਕ ਹੋਰ ਟੈਲੀਵਿਜ਼ਨ ਸੀਰੀਅਲ ਡਾਇਰੈਕਟ ਕੀਤਾ , ਜਿਸਨੂੰ ਮੁਮਕਿਨ ਕਿਹਾ ਜਾਂਦਾ ਹੈ। 1997 ਵਿੱਚ ਉਸਨੇ ਯਸ਼ ਚੋਪੜਾ ਦੀ ਦਿਲ ਤੋ ਪਾਗਲ ਹੈ ਲਈ ਸਕ੍ਰੀਨਪਲੇਅ ਲਿਖਿਆ, ਜੋ ਇੱਕ ਵਪਾਰਕ ਸਫ਼ਲਤਾ ਸੀ।

ਉਹ ਮਹੇਸ਼ ਭੱਟ ਨਾਲ ਅਕਸਰ ਕੰਮ ਕਰਦੀ ਸੀ ਅਤੇ ਉਸਨੇ ਫ਼ਿਲਮ ਜ਼ਖਮ (1998) ਦਾ ਸਕ੍ਰੀਨ ਪਲੇਅ ਵੀ ਲਿਖਿਆ ਸੀ। ਉਸਨੇ ਉਸੇ ਸਾਲ ਦੁਸ਼ਮਣ ਨਾਲ ਸਿਨਮੇ ਦੀ ਨਿਰਦੇਸ਼ਨਾ ਦੀ ਸ਼ੁਰੂਆਤ ਕੀਤੀ। ਮੁੱਖ ਭੂਮਿਕਾ ਵਿਚ ਕਾਜੋਲ ਸੀ, ਇਸ ਫ਼ਿਲਮ ਦੀ ਅਲੋਚਨਾ ਕੀਤੀ ਗਈ ਅਤੇ ਇਸਦਾ ਬਾਕਸ ਆਫਿਸ 'ਤੇ ਦਰਮਿਆਨੇ ਢੰਗ ਦਾ ਪ੍ਰਦਰਸ਼ਨ ਰਿਹਾ।

ਉਸ ਦੀ ਅਗਲੀ ਫ਼ਿਲਮ ਸੰਘਰਸ਼ (1999) ਵੀ ਮਹੇਸ਼ ਭੱਟ ਨੇ ਪ੍ਰੋਡਿਊਸ ਕੀਤੀ ਸੀ ਅਤੇ ਅਕਸ਼ੈ ਕੁਮਾਰ ਅਤੇ ਪ੍ਰੀਤੀ ਜ਼ਿੰਟਾ ਮੁੱਖ ਭੂਮਿਕਾਵਾਂ ਵਿੱਚ ਸਨ।

ਉਦੋਂ ਤੋਂ, ਚੰਦਰਾ ਨੇ ਕਈ ਫ਼ਿਲਮਾਂ ਦਾ ਨਿਰਦੇਸ਼ਨ ਕੀਤਾ, ਜਿਨ੍ਹਾਂ ਵਿੱਚੋਂ ਕਈਆਂ ਨੇ ਜ਼ਿਆਦਾ ਧਿਆਨ ਨਹੀਂ ਖਿਚਿਆ। ਫਿਰ ਵੀ ਸੁਰ - ਦ ਮੇਲਡੀ ਆਫ ਲਾਈਫ (2002) ਅਤੇ ਫ਼ਿਲਮ ਸਟਾਰ (2005) ਵਰਗੀਆਂ ਫ਼ਿਲਮਾਂ, ਜਿਨ੍ਹਾਂ ਦਾ ਨਿਰਦੇਸ਼ਨ ਚੰਦਰਾ ਦੁਆਰਾ ਕੀਤਾ ਗਿਆ ਸੀ, ਨੂੰ ਢੁਕਵੀਂਆਂ ਸਮੀਖਿਆਵਾਂ ਮਿਲੀਆਂ ਅਤੇ ਇੱਕ ਨਿਰਦੇਸ਼ਕ ਅਤੇ ਲੇਖਕ ਵਜੋਂ ਉਸ ਦੇ ਕੰਮ ਦੀ ਪ੍ਰਸੰਸਾ ਕੀਤੀ ਗਈ।

ਹਾਲੀਆ ਫ਼ਿਲਮਾਂ ਵਿਚ ਸੁਸ਼ਮਿਤਾ ਸੇਨ ਦੀ ਜਿੰਦਗੀ ਰੌਕਸ (2006) ਸੀ, ਚੰਦਰਾ ਨੇ ਫ਼ਿਲਮ ਦੀ ਕਹਾਣੀ ਅਤੇ ਸਕ੍ਰੀਨਪਲੇਅ ਵੀ ਲਿਖਿਆ ਸੀ। ਉਸਦੀ ਸਭ ਤੋਂ ਤਾਜ਼ੀ ਫ਼ਿਲਮ ਹੋਪ ਐਂਡ ਅ ਲਿਟਲ ਸ਼ੂਗਰ (2008) ਸੀ, ਜਿਸਦੀ ਪੂਰੀ ਸ਼ੂਟਿੰਗ ਅਮਰੀਕਾ ਵਿੱਚ ਪੂਰੀ ਅੰਗਰੇਜ਼ੀ ਵਿੱਚ ਕੀਤੀ ਗਈ ਸੀ। ਸਾਲ 2016 ਦੇ ਸ਼ੁਰੂ ਵਿੱਚ, ਉਸਨੇ ਜ਼ੀ ਟੈਲੀ ਫ਼ਿਲਮਾਂ ਲਈ ਇੱਕ ਛੋਟੀ ਜਿਹੀ ਫ਼ਿਲਮ ਸਿਲਵਾਟ ਦਾ ਨਿਰਦੇਸ਼ਨ ਕੀਤਾ, ਜਿਸ ਵਿੱਚ ਕਾਰਤਿਕ ਆਰਯਨ ਹੈ।^[5][6]

ਤਨੁਜਾ ਦੀ ਤਾਜ਼ਾ ਰਿਲੀਜ਼ ਕੀਤੀ ਗਈ ਫ਼ਿਲਮ ਕਰੀਬ ਕਰੀਬ ਸਿੰਗਲ ਹੈ ^[7] ਜਿਸ ਵਿੱਚ ਇਰਫਾਨ ਖਾਨ ਅਤੇ ਪਾਰਵਤੀ ਅਭਿਨੇਤਰੀ ਹੈ। ਉਹ ਸਟਾਰ ਲਈ ਇਕ ਟੈਲੀਵੀਜ਼ਨ ਸ਼ੋਅ ਦੇ ਵਿਕਾਸ 'ਤੇ ਕੰਮ ਕਰ ਰਹੀ ਹੈ, ਜੋ ਜਲਦੀ ਹੀ ਉਤਪਾਦਨ ਦੀ ਸ਼ੁਰੂਆਤ ਕਰੇਗਾ। ਉਸ ਦੁਆਰਾ ਛੋਟੀਆਂ ਕਹਾਣੀਆਂ "ਬਿਜਨਸ ਵੂਮਨ" ^[8] ਸਿਰਲੇਖ ਵਾਲੀ ਇੱਕ ਕਿਤਾਬ ਹਾਲ ਹੀ ਵਿੱਚ ਪੇਂਗੁਇਨ ਰੈਂਡਮ ਹਾਉਸ ਦੁਆਰਾ ਪ੍ਰਕਾਸ਼ਤ ਕੀਤੀ ਗਈ ਹੈ।

ਫ਼ਿਲਮੋਗ੍ਰਾਫੀ

ਸਾਲ	ਫ਼ਿਲਮ	ਡਾਇਰੈਕਟਰ	ਲੇਖਕ	ਨੋਟ
1997	ਤਮੰਨਾ	ਨਹੀਂ	ਹਾਂ
1997	ਦਿਲ ਤੋ ਪਾਗਲ ਹੈ	ਨਹੀਂ	ਹਾਂ
1998	ਜ਼ਖ਼ਮ	ਨਹੀਂ	ਹਾਂ
1998	ਦੁਸ਼ਮਨ	ਹਾਂ	ਨਹੀਂ
1999	ਸੰਘਰਸ਼	ਹਾਂ	ਨਹੀਂ
2001	ਯੇ ਜ਼ਿੰਦਗੀ ਕਾ ਸਫਰ	ਹਾਂ	ਨਹੀਂ
2002	ਸੁਰ	ਹਾਂ	ਹਾਂ
2005	ਫ਼ਿਲਮ ਸਟਾਰ [9]	ਹਾਂ	ਹਾਂ
2006	ਜ਼ਿੰਦਗੀ ਰੌਕਸ	ਹਾਂ	ਨਹੀਂ
2008	ਹੋਪ ਐਂਡ ਏ ਲਿਟਲ ਸੂਗਰ	ਹਾਂ	ਹਾਂ
2016	ਸਿਲਵਟ	ਹਾਂ	ਨਹੀਂ	ਸ਼ਾਰਟ ਫਿਲਮ
2017	ਕਰੀਬ ਕਰੀਬ ਸਿੰਗਲ [10]	ਹਾਂ	ਹਾਂ

 

ਬਾਹਰੀ ਲਿੰਕ

• ਤਨੁਜਾ ਚੰਦਰਾ, ਇੰਟਰਨੈੱਟ ਮੂਵੀ ਡੈਟਾਬੇਸ 'ਤੇ
• ਤਨੁਜਾ ਚੰਦਰਾ, ਬਾਲੀਵੁੱਡ ਹੰਗਾਮਾ ਤੇ