Межгорье (Закарпатска область)

From Wikipedia, the free encyclopedia

Межгорье (Закарпатска область)
Remove ads

Межго́рье (укр. Міжгір'я, руськ. Воловое (до року 1953), Межгорье, мад. Ökörmezőмѣстечко в Закарпатской области Украины, административный центер бывшого Межгорского района, од року 2020 — Межгорской громады Хустского района. мать официалный статус мѣстечка (укр. селище). Лежить в долинѣ рѣкы Рѣка, межи полонинами Боржава и Красна. Найвысша вершина в околици – гора Камянка (1578 м) на сѣверо-востоку, оддалена около 10 км. Мѣстечко звязане автодорогами з Хустом на югу, Долинов Ивано-Франковской области на сѣверѣ и Воловцем на западѣ. Одстояня од Ужгорода: 161 км через Сваляву и 193 км через Хуст.

Коротка інформація
Remove ads

Днешность

Обывательство — 9607 особ (2001). Много людей суть заняты в туристицѣ и купельництвѣ. В Межгорью находить ся деревообробна фабрика, лѣсокомбинат, промкомбинат.[1] Медичный колледж, основаный року 1964, готовить медсестер и фелдшеров. Профессийный лицей готовить специалистов про купельництво, лѣсництво, будовництво и сферу служб.

Купельництво

Межгорье славне своима минералныма жерелами. Недалеко од мѣстечка (3 км), в селѣ Соймы находять ся купелѣ «Верховина», де лѣчать печунковы, жалудковы и черевны хвороты. Мѣстны жерела «квасной воды» суть хлоридно-гидрокарбонатно-натриевы высокой минерализации, аналогичны кавказскым водам Джава (Южна Осетия), Арзни (Армения), Холодный Нарзан (Пятигорск, Ставропольскый край).

Информация про хворых
Хроничны катары жалудка, язвы жалудка и дванадцятьперстника.
Хроничны катары черев з низков моторностев тракта.
Запалы жовчника, гепатиты.
Хроничны запалы покрутковых (почковых) мисок и мочовика.
Отылость, подагра, легкы формы диабета, фосфатурия.

Показаня про лѣчѣня.[2]

Рекреация

В Межгорью суть добры условия про недороге зимушне лыжованя: три лыжны трасы на горѣ Маковиця, найдовжа —2500 м, найкуртша — 1500 м. Перепад высот – 303 метры, еден 3-креселный вытяг, а тыж веце облуковых. Едно вытягнутя коштуе 8–15 грн, зависимо од вытяга. Суть недорогы позычалнѣ спортового обладунку, за невеликы грошѣ (порядка 50 грн. за день). Уквартельованя доступне на одпочивной базѣ Камянка, в готелах и панзионатах. Про авансованых лыжарьов в близкости мѣстечка суть векшы и серйознѣйшы лыжарскы локалиты. Влѣтѣ мѣстны рекреацийны установы организують екскурсии и пѣшы туры по околицях и в первом рядѣ на озеро Синевир.

Атракции

В Межгорью мож увидѣти музей лѣса и сплава, чудесну гидротехничну поставбу з XІХ. столѣтя. В прошлости она служила про сплав лѣса, который звязовали в дарабы, бокоры. Профессия бокораша одошла в минулость з выставбов желѣзниць, котры зробили сплав економично невыплатным.

Thumb
Мѣстечко з креселного вытягу

Од року 2001 ту проходить рочно фестивал На Синевир трумбеты кличуть, де богато представлена мѣстна култура и звычаи.

Remove ads

История

Перва упоминка сягать року 1415, де село называть ся Ukurmezew.[3] До рока 1953 Межгорье звало ся Воловое, по мадярскы Ökörmező (Воловое Поле). Року 1910 в селѣ жило 3649 особ, з того были Русины — 2678, Нѣмцѣ — 695, Мадяре — 266.[4] По установлѣню Мадярской Совѣтской републикы в марцу 1919 на притлумѣня револуции на территорию края вступили чешскы и румынскы войска, Воловое в конци апрѣля 1919 было оккуповано Румынами, котры ту зоставали до лѣта 1920, по их одходѣ установила ся чехословацка администрация. Подля списованя року 1930 в Воловом были 4425 жителѣ, з того Русины — 3323, Евреи — 839, Чехы и Словаци — 172, Мадяре — 38, Нѣмцѣ — 21, чужоземцѣ — 32. Найвекшы религийны громады были: грекокатоликы — 1840, православны — 1508. З найстаршых церков была грекокатолицка мурована церковь св. Михаила (1803). Была руська 7-классна народна школа и 4-классна горожанка, чешска 3-классна народна школа и чешска секция на горожанцѣ. З державных установ ту были: окружный суд Воловского округу, окружна жандарьска управа, нотариат, пошта, телеграф, телефон, ходив державный автобус. З промысловых объектов были: електрарня, три фиресы (пилорамы), бензопумпа, карьер на выробу деревного угля (в Стрыгални). [5] В роках 1931—1935 Воловое много раз навщѣвив познатый чешскый писатель Иван Олбрахт. В Закарпатской трилогии правдиво и романтично описав нелегкое житя верховинцьов. 17. марца 1939 Воловое заняло мадярское войско и обновило мадярску администрацию в окрузѣ. 24. октобра 1944 мѣстечко выслободила Червена армада. Од року 1953 Воловое переименоване на Межгорье. Року 1958 отворив ся санаторий Верховина на 150 мѣст, року 1961 — тубдиспансер, року 1964 — болниця на 150 постелей. Року 1966 зачав высылати телевизный ретранслатор.[6]

Remove ads

Вызначны родакы

Референции

Loading related searches...

Wikiwand - on

Seamless Wikipedia browsing. On steroids.

Remove ads