25 April

404 SM – Admiral Lysander katut Raja Pausanias ti Sparta ngablokir Athéna sarta hasil meunangkeun Perang Peloponnesia.
775 – Patempuran Bagrevand ngaréngsékeun pangbarontakan urang Arménia ka Kakhalifahan Abbasiyyah.
1607 – Perang Dalapan Puluh Taun: Armada laut Walanda ngancurkeun armada laut Spanyol nu keur rareureuh di Gibraltar.
1644 –Kaésar Chongzhen, Kaésar pamungkas Dinasti Ming, Tionghoa, maéhan manéh nalika lumangsung pangbarontakan nu dipingpin ku Li Zicheng.
1719 – Daniel Defoe medalkeun buku "Robinson Crusoe"
1792 – "La Marseillaise" (lagu kabangsaan Perancis) diciptakeun ku Claude Joseph Rouget de Lisle.
1829 – Charles Fremantle nunggang kapal Challenger anjog ka basisir nu kiwari nelah ku Australia Kulon méméh ngakukeun Koloni Leuwi Angsa pikeun Karajaan Inggris.
1846 – Skandal Thornton: Patelak kabuka dimimitian di wates pacogrégan Texas, micu kana Perang Méksiko-Amérika.
1859 – Insinyur-insinyur Inggris jeung Perancis mimiti ngagali lemah pikeun nyieun Terusan Suéz.
1882 – Pasukan Perancis jeung Viétnam patelak di Tonkin, nalika Komandan Henri Riviere ngarebut bénténg Hanoi ku sajumlah leutik pasukan infanteri marinir.
1898 – Perang Spanyol Amérika: Amérika Sarikat nyatakeun perang ka Spanyol.
1915 – Perang Dunia I: Patempuran Gallipoli dimimitian: Serangan ka Bojong Gallipoli Turki ku pasukan Inggris, Perancis, India, Australia jeung Selandia Anyar dimimitian ku balabuh di Anzac Cove jeung Tanjung Helles.
1920 – Dina Konferénsi San Remo, kakuatan Sakutu di PD I ngadopsi hiji résolusi nu nangtukeun panempatan mandat LBB Kelas “A” pikeun pangaturan wilayah-wilayah urut jajahan Turki Utsmani di Wétan Tengah.
1927 – Spanyol ngabaruntakkeun 20.000 soldadu Maroko (pangbarontakan Rifkabylen).
1941 – Operasi Merkur: Hitlér maréntahkeun panalukan Kreta.
1945 – Poé Elbe: Pasukan AS jeung Soviét patepung di Torgau sapanjang Leuwi Elbe, ngabagi Wermacht Nazi jadi dua.
1945 – Pasukan Soviét nganggeuskeun paningkeranna ka Bérlin, motong jalan asup ti béh kulon ka puseur nagri Jérman.
1945 – Poé pangbébasan (Italia): Pasukan Nazi nyarerah sarta ninggalkeun Italia Kalér; pamaréntahan bonéka dibubarkeun sarta Benito Mussolini dicerek nalika rék kabur. Poé ieu dijadikeun poé peré umum pikeun ngareuah-reuah Pangbébasan Italia.
1945 – Négosiasi pikeun diadegkeunna PBB dimimitian di San Fransisco.
1945 – Pasukan pamungkas Jérman ninggalkeun lemah Finlandia di Lapland, mungkas Perang Lapland. Aksi-aksi militer tina Perang Dunia Kadua lekasan di Finlandia.
1951 – Perang Koréa: Pasukan Cina nu nyarerang dipaksa mundur sabada perang campuh jeung pasukan PBB, nu utamana diwangun ku pasukan Kanada jeung Australia, dina Patempuran Kapyong.
1953 – Francis Crick jeung James Watson medalkeun "Struktur Molekular tina Asam Nukléus: Hiji Struktur pikeun Asam Nukléid Déoksiribosa (singk. Inggris: DNA)” nu ngagambarkeun struktur dobel hélik tina DNA.
1954 – Bateré tanaga surya praktis nu munggaran dipintonkeun ku Laboratorium Telepon Béll.
1959 – Jalan Laut Saint Lawrence, nu nyambungkeun Great Lakes Amérika Kalér jeung Samudera Atlantik sacara rasmi dibuka pikeun palayaran.
1960 – Kapal selam Angkatan Laut AS, USS Triton, nganggeuskeun ngurilingan dunya maké kapal selam nu munggaran.
1961 – Robert Noyce meunangkeun patén pikeun integrated circuit (IC).
1972 – Perang Viétnam: Serangan Nguyen Hue: Divisi Ka-320 Viétnam Kalér maksa 5.000 urang ti pasukan Viétnam Kidul pikeun malundur sarta ningker kurang leuwih 2.500 lianna di kaléreun Kontum.
1974 – Révolusi Kembang Sapatu: Kudéta militer sayap kiri di Portugal ngarugrugkeun otoritas konservatip Réjim Estado Novo sarta ngadegkeun hiji pamaréntahan démokratis.
1981 – Leuwih ti 100 pagawé kakeunaan ku radiasi nalika keur ngaroméan Pabrik Tanaga Nuklir Tsuruga di Jepang.
1982 – Israél ngaréngsékeun panarikan pasukanna ti Bojong Sinai nurutkeun kana Kasapukan Kémp David.
1983 – Perang Tiis: Budak sakola awéwé Amérika, Samantha Smith, diundang nganjang ka Soviét ku pamingpinna, Yuri Andropov, sabada Andropov maca suratna nu ngébréhkeun kasieunna kana Peraeng Nuklir.
2005 – Potongan panungtung tina Obelisk Axum dipulangkeun ka Éthiopia sabada dipaling wanci serangan Italia di taun 1937.
2005 – Bulgaria jeung Romania néken perjangjian pangauban pikeun ngagabung ka Uni Éropa.
2007 – Pamakaman Boris Yeltsin: Minangka pamakaman nu munggaran nu meunang deui réstu ti Garéja Ortodoks Rusia pikeun saurang pupuhu nagri ti saprak pamakaman Kaésar Alexander III di taun 1894.
2015 – Ampir kana 9.100 jalma maraot sabada lini tohaga 7,8 magnitud narajang Népal.
2019 – Microsoft jadi firma katilu di AS nu pangjualanna nepi ka 1 triliun dolar, sabada Apple jeung Amazon.
2019 – Angin Puyuh Kenneth narajang Mozambik ku kacepetan 220 km/jam, nelasan saheunteuna 38 jalma sarta ngancurkeun ampir 35.000 imah.

Kajadian

Nu babar

Nu pupus

Poé peré

Tumbu luar

Wikiwand - on