Adriano wa Nikomedia

Adriano wa Nikomedia (aliuawa 4 Machi 306)^[1] alikuwa mkuu wa walinzi wa kaisari Galerius^[1].

Sanamu ya Mt. Adriano nchini Ufaransa.

Picha takatifu ya Adriano na Natalia kutoka Urusi.

Alipokuwa na umri wa miaka 28, aliongokea Ukristo pamoja na mke wake Natalia^[2], ilimbidi Adriano afie dini hiyo katika mji Nikomedia,^[1][3] leo nchini Uturuki.

Tangu kale anaheshimiwa kama mtakatifu mfiadini. Kwa heshima yake Papa Honorius I aligeuza jengo la senati ya Roma kuwa kanisa^[4].

Sikukuu yake huadhimishwa na Waorthodoksi katika tarehe tofauti; kwa Wakatoliki ni tarehe 8 Septemba.^[5]

Tazama pia

• Watakatifu wa Agano la Kale
• Orodha ya Watakatifu Wakristo
• Orodha ya Watakatifu wa Afrika
• Orodha ya Watakatifu Wafransisko